NEHEMIA 11:16 - Jinghpaw Common Language Bible 2009

¹⁶ Shabehtai hte Yozabad yan gaw dan hkung ai Lewi masha yan rai nna Nawku Htingnu shinggan amu woi hpareng ai yen rai ma ai.

Jinghpaw Hanson Version Bible

¹⁶ Shabehtai yan Yozaba rai nga ma ai; shanhte gaw Karai Kasang nta a shinggan amu ni hpe up nga ai, Lewi masha ni a agyi ni, rai nga ma ai:

NEHEMIA 11:16 Iomraidhean Croise

1 HKAWHKAM LABAU 26:20

Shanhte hte seng ai kaga Lewi kahpu kanau ni gaw Nawku Htingnu sut dek hte Karai Kasang hpe ap nawng ya ai kumhpa ni hpe tawn da ai arung arai gawk ni hpe woi hpareng na lit lu nga ma ai.

1 HKAWHKAM LABAU 26:29

Izhara a amyu matu hta na Hkenania hte shi a shadang sha ni gaw up hkang dap hte seng ai lit ngu ai labau gawn mazing amu, Israela amyu masha ni hpe tara dara ya ai amu ni hta lit shatsam da ai hkrum ma ai.

EZRA 10:15

Meshulam hte Lewi masha Shabehtai yan a madi shadaw ai hpe hkam la lu ai Asahela a kasha Yonahtan hte Tikwa a kasha Yazeia yan hta lai nna kaga kadai mung dai zawn yaw shada ai amu hpe ningdang nga ai n rai.

EZRA 8:33

Dai hpang, mali ya ngu na shani hta, Nawku Htingnu de anhte sa nhtawm aja, gumhpraw hte hkinghku arung arai ni hpe shen nna, Uria a kasha hkinjawng Meremot hpe ap ya ga ai. Hpineha a kasha Eleaza, Lewi masha lahkawng rai nga ai Yeshua a kasha Yozabad hte Binui a kasha Nodia ni gaw shi hte rau rai ma ai.

NEHEMIA 11:17

Zabdi a kashu, Mihka a kasha Matina gaw Asap amyu matu langai mi rai nga ai. Shi gaw Nawku Htingnu hta akyu hpyi chyeju shakawn ai hpe woi awn nga ai wa rai nga ai. Bakbukia gaw Matania hpe karum ai wa rai nga ai. Gala a kashu, Shamua a kasha Abda gaw Yeduhtun amyu matu langai mi rai nga ai.

NEHEMIA 8:7

Dai hpang shanhte gaw shanhte a shara ni hta rawt tsap nga ma yang, ndai Lewi masha ni rai nga ai Yeshua, Bani, Sherebia, Yamin, Akub, Shabehtai, Hodia, Masea, Kelita, Azaria, Yozabad, Haman, Pelaia hte gaw Tara a lam shanhte hpe tsun shaleng dan ma ai.