NEHEMIA 11:1 - Jinghpaw Common Language Bible 2009

¹ Ningbaw ni gaw Yerusalem hta nga nga ma ai, naw ngam ai amyu masha ni hta na marai shi hta na dinghku langai mi chyoi pra ai Yerusalem de sa nga nga na matu hte naw ngam nga ai ni kaga kahtawng mare ni hkan sa nga na lam hpaida da ma ai.

Jinghpaw Hanson Version Bible

¹ Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

NEHEMIA 11:1 Iomraidhean Croise

1 HKAWHKAM LABAU 26:13

Dinghku shagu ngu na kaji kaba n nga, gara chyinghka sin ang na lit hpe hpaida da nga ma ai.

1 HKAWHKAM LABAU 8:28

Ndai ni gaw Yerusalem mare hta kaji kawa ni a prat kaw nna nga hkrat wa ai dinghku masha ni hte rudi amyu matu ni a ningbaw ni rai ma ai.

1 HKAWHKAM LABAU 9:1

Israela amyu masha ni yawng hpe dinghku ni hte dinghku hku hkan nna ka da nga ai; dai hpe Israela Hkawhkam ni a Laika hta ka da nga ai. Yuda amyu masha ni chyawm gaw shanhte galaw ai yubak ari a majaw Babelon mung de bawng rim woi mat wa hkrum ma ai.

1 HKAWHKAM LABAU 9:2

Shanhte a sut gan arung arai nga ai mare ni de shawng nhtang wa ai ni hta Israela masha ni, hkinjawng ni, Lewi ni hte Nawku Htingnu gaw ai masha ni lawm ma ai.

1 HKAWHKAM LABAU 9:3

Yuda, Benyamin, Ehprim hte Manashe amyu bawsang ni hta na amyu masha ni mung Yerusalem mare hta wa nga nga ma ai.

NEHEMIA 10:34

Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

NEHEMIA 11:18

Chyoi pra ai Yerusalem mare hta nga ai Lewi masha ni yawng 284 rai ma ai. Akub, Talamon hte shanhte a makyin jinghku ni yawng 172 rai ma ai.

NEHEMIA 4:22

Anhte gaw shana e mare sin nna, shani e mung amu galaw lu hkra dai aten laman hte yang, shanhte hte shanhte hpe karum ai ni hpe Yerusalem mare hta shana e nga nga na lam hpareng ni hpe ngai tsun ni ai.

SHAKAWN KUNGDAWN 122:5

Ndai mare gaw Israela Hkawhkam ni hkaw dung nna, shanhte a amyu masha ni hpe tara jeyang na shara rai nga ai.

SHAKAWN KUNGDAWN 122:6

“Nang hpe tsaw ra ai ni ngamu ngamai nga mu ga, na a mare bunghku kata ni hta ngwi pyaw sim sa nga u ga,

GA SHAGAWP 16:33

Masha ni gaw Karai Kasang a myit ra ai lam hpe sharin la na matu hpaida da nga ma ti mung; Karai Kasang shi nan dai mahtai hpe daw dan ya nga ai.

ESAIA 48:2

Ti mung nang gaw chyoi pra ai mare a mare masha ni rai nga ga ai ngu nna mung, Israela a Karai Kasang ngu shamying ai Chyahtum Chyalai N-gun rawng ai dai Madu hta shamyet shanat ga ai ngu nna mung, gumrawng gumra tsun nga ndai.

ESAIA 52:1

Yerusalem e, n-gun shaja ai hte kalang bai galu kaba u! Karai Kasang a Chyoi Pra ai mare e, na hkum hpe hkik hkam ai hpun palawng hte mawn sumli u! Sumla nawku ai ni na a mare chyinghka de galoi mung bai shang lu na mara ai n rai.

MAHTE 27:53

Shanhte gaw lup ni hta na pru wa shajang nna, Yesu si ai kaw na bai hkrung rawt wa ai hpang, dai chyoi pra ai mare de shang ma ai rai nna, dai kaw masha law law wa shanhte hpe mu ma ai.

MAHTE 4:5

Shaloi Nat gaw Yesu hpe, dai Chyoi Pra ai Yerusalem Mare de woi wa nna Nawku Htingnu a tsaw dik ai nchyun e shadun da nhtawm,

KASA 1:24

Dai hpang shanhte gaw, “Madu e, nang gaw yawng mayawng a myit masin hpe chye ya nga ndai. Yuda gaw shi hte seng ai kasa aya hpe kau tawn da nu ai.

KASA 1:26

Shaloi shanhte gaw dai yan lahkawng hta na langai mi hpe lata la na matu hpaida da ma yang, Mahtia hta ang wa ai majaw shi hpe lata san da ma ai. Dai kaw nna shi gaw dai kasa shi langai hta jat lawm wu ai.

YAWSHU 18:10

Yawshu gaw shanhte a matu dai Madu hte bawng ban let hpaida da nna ngam nga ai Israela amyu bawsang ni hpe amyu langai hte langai a matu lamu ga masat ya wu ai.