NEHEMIA 10:1 - Jinghpaw Common Language Bible 2009

¹ Shawng nnan lata masat shakap ai gaw Hahkalia a kasha, munggyi Nehemia rai nga ai; dai hpang Zedekia lata masat shakap ai. Ndai ni mung lata masat shakap ma ai: Seraia, Azaria, Yeremia, Pashura, Amaria, Malhkiya, Hatusha, Shebania, Maluk, Harim, Meremot, Obadia, Daniela, Ginehton, Baruk, Meshulam, Abiya, Miyamin, Mazia, Bilgai hte Shemaia ni rai nga ai. Azania a kasha Yeshua, Henadad lakung na Binui Kadmiela, Shebania, Hodia, Kelita, Pelaia, Hanan, Mihka, Rehob, Hashabia, Zahkura, Sherebia, Shebania, Hodia, Bani, hte Beninu ni rai nga ai. Parosha, Pahat Moba, Elam, Zatu, Bani, Buni, Azgad, Bebai, Adoniya, Bigwai, Adin, Atera, Hezekia, Azura, Hodia, Hashum, Bezai, Harip, Anahtot, Nebai, Magpia, Meshulam, Hezira, Meshezabela, Zadok, Yadua, Pelatia, Hanan, Anaia, Hoshea, Hanania, Hashuba, Halohesha, Pilha, Shobek, Rehum, Hashabna, Masea, Ahia, Hanan, Anan, Maluk, Harim hte Bana ni rai nga ai.

Jinghpaw Hanson Version Bible

¹ Ya dazik shakap ai ni gaw, Hahkalia kasha munggyi Nehemia hte hkinjawng ni hta na, Zedekia,

NEHEMIA 10:1 Iomraidhean Croise

2 HKAWHKAM 23:3

Shi gaw shadaw makau e tsap let, dai Madu a ga hpe madat mara nna shi a tara ni yawng hte hkang da ai ga ni hpe myit masin mahkra hte shadik shatup let dai laika hta ka da ai hte maren dai Madu hte ga shaka shagrin da nhtawm dai hpe hkan galaw na ga shaka tawn da wu ai. Amyu masha ni yawng mung dai ga shaka hpe hkan sa na matu ga sadi tawn da nga masai.

EZRA 10:3

Ya chyawm gaw, ndai numsha ni hte shanhte a kashu kasha ni hpe anhte kau tawn da na saga ai ngu, anhte a Karai Kasang hpe ga sadi langai shaka da lu na rai ga ai. Nang mung, Karai Kasang a hkang da ai ga ni hpe shagrau sha-a ai kaga masha ni mung, anhte galaw na matu hpaji jaw mi ai hte maren anhte galaw na ga ai. Karai Kasang hkang da ai Tara hte maren anhte galaw na ga ai.

EZRA 2:63

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha hpe shanhte n sha lu na lam, Yuda munggyi shanhte hpe hkang da wu ai.

NEHEMIA 1:1

Da ndai gaw kung kyang ai Hakalia a kasha Nehemia a lam rai nga ai. Hkun ning ngu na Hkesle shata hta, Ngai Nehemia gaw mare daju Susa hta nga nga yang, Artazazi gaw Persi mung a hkawseng rai nga ai.

NEHEMIA 10:30

Anhte gaw anhte a mungdan hta nga nga ai maigan masha ni hte kayau kaya dinghku de na ga ai n rai.

NEHEMIA 7:65

Urim hte Htumim chye lang ai hkinjawng langai garai n pru dingsa, Karai Kasang hpe nawng jau ya ai lusha n sha lu na lam, Yuda munggyi wa shanhte hpe hkang da nga ai.

NEHEMIA 7:70

Amyu masha law law hte gaw Nawku Htingnu bai gaw gap ai manu jaw karum nga ma ai: Munggyi wa 270 ja awng sa -- 50 poi shingra hta lang na wan -- 530 hkinjawng ni a matu palawng galu ni Amyu lakung ni a ningbaw ni 337 ja pawng ni -- 3,215 gumhpraw pawng ni Ngam ai amyu masha ni 337 ja pawng ni -- 2,923 gumhpraw pawng ni -- 67 hkinjawng ni a matu palawng galu ni

NEHEMIA 8:9

Ya amyu masha ni Tara laika ga hpa rai nga ai lam na jang, shanhte grau sit sa nna hkrap ngu hkrap ngoi hpang wa ma ai. Dai rai nna munggyi Nehemia, hkinjawng Ezra ngu ai tara sara ninghkrin hte amyu masha ni yawng hpe Tara a lam tsun shaleng dan ai Lewi masha ni gaw, “Dai ni na nhtoi gaw dai Madu nanhte a Karai Kasang a matu chyoi pra nga ai shani rai nga ai, dai rai nna nanhte gaw yawn hkyen ai hte hkrap ngu hkrap ngoi na myit dai n rai.

NEHEMIA 9:38

Ndai lam yawng mayawng byin lai mat wa sai majaw, anhte Israela masha ni myit hkrum ga shaka langai ka da ga ai, anhte a ningbaw ni, anhte a Lewi masha ni, hte anhte a hkinjawng ni dai hta shanhte a dazik dawk ma ai.

PRU MAT 24:4

Mawshe gaw dai Madu hkang da ai tara ni hpe ka jahkrat da wu ai. Hpang jahpawt manap jau jau aten hta, shi gaw bum lagaw e tawn hkungri langai gaw nhtawm Israela amyu bawsang shi lahkawng hta hkan nna amyu mi a matu langai ngai di let, nlung shi lahkawng jun da wu ai.