NEHEMIA 1:7 - Jinghpaw Common Language Bible 2009

⁷ Anhte gaw nang hpe n hkru n shawp ai hku shut hpyit kau saga ai, nang hkang da ai amu hpe mung n hkan galaw kau saga ai. Na a shangun ma Mawshe hku nna anhte hpe jaw ya ai tara ni hpe mung anhte n hkan shatup kau saga ai.

Jinghpaw Hanson Version Bible

⁷ Anhte nang hpe grai shut kau nna, na a shangun ma Mawshe hpe, nang htet da ai hkang da ai ga, matsun maroi ga hte tara dara ai ga ni hpe n hkan galaw ga ai.

NEHEMIA 1:7 Iomraidhean Croise

1 HKAWHKAM 2:3

dai Madu na a Karai Kasang nang hpe galaw shangun ai amu hpe hkan galaw nga u. Nang hkawm sa ai shara shagu hta nang galaw ai amu magup shagu ngamu ngamai wa lit ga, Mawshe a Tara hta ka da ai hte maren, shi a tara ni hte hkang da ai ga ni yawng hpe madat mara let hkan sa nga u.

2 HKAWHKAM LABAU 25:4

Rai ti mung shi chyawm gaw dai Madu hkang da nu ai Mawshe a Tara hta hkan ai kashu kasha ni hpe n sat kau ya nga ai. Dai tara hta, “Shanhte a kashu kasha ni shut kau ai ru hka amu ni a majaw kanu kawa ni sat kau ai hkrum na n rai; kanu kawa ni shut kau ai ru hka amu ni a majaw kashu kasha ni sat kau ai hkrum na ma ai n rai; shi hkum nan shut kau ai ru hka amu a majaw dai wa chyu sha sat kau ai hkrum na rai nga ai.”

2 HKAWHKAM LABAU 27:2

Shi gaw shi a kawa galaw ai amu zawn dai Madu awng sharawng ai amu hpe shi galaw wu ai; rai ti mung shi a kawa zawn Nawku Htingnu kata hta manam pyaw ai baw nat nawng let yubak galaw ai n rai. Rai ti mung amyu masha ni chyawm gaw yubak naw galaw nga ma ai.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

SHAKAWN KUNGDAWN 106:6

Anhte gaw anhte a kaji kawa ni galaw lai wa sai zawn yubak galaw kau saga ai; shing rai, anhte gaw tara n lang ai ni hte n hkru n shawp ai ni tai mat nga saga ai.

SHAKAWN KUNGDAWN 89:31

nye a sharin shaga ai ga ni hpe shanhte hpa zawn n nawn ai hte; nye a hkang da ai tara ni hpe n hkan sa ai rai yang chyawm gaw;

SHAKAWN KUNGDAWN 89:32

Shanhte galaw sai yubak ni a majaw, ngai ari jaw na mawe ai. Shanhte a shut hpyit ai mara ni a majaw, ngai shanhte hpe nni nkri hkam sha shangun na mawe ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

Daniela 9:13

Mawshe a Tara hta ka da ai ari ahpri yawng anhte hpe jaw nga ndai. Rai ti mung, ya chyawm gaw, O Madu anhte a Karai Kasang e, anhte a yubak ni kaw nna kayin mat wa nhtawm na a teng man ai lam hta hkan sa ai hku nang hpe awng sharawng shangun ga ai n rai.

HOSEA 9:9

Shanhte gaw Gibea mare e naw nga nga yang na zawn, shanhte galaw ai amu hta myit mada shara n nga mat hkra, shanhte n hkru n kaja nga ma ai. Karai Kasang gaw shanhte a yubak hpe dum nga ai rai nna, de a matu shanhte hpe ari jaw na ra ai.

JAW JAU 27:34

Ndai hkang da ai ga ni gaw Israela amyu masha ni a matu dai Madu Mawshe hpe Sina Bum ntsa e jaw ya ai ga matsun ni rai nga ai.

ZEHPANI 3:7

Nye a amyu masha ni ngai hpe hkrit hkungga wa nna, nye a hkang da ai tara matsun ni hpe hkap la wa na mara ai; shanhte hpe ngai sharin shaga ai ga matsun ni hpe galoi mung n malap kau lu na mu ai ngu, ngai myit nawn we ai. Rai ti mung, kade n na yang, shanhte gaw shawoi na hte maren, n hkru n kaja ai hpe shanang galaw wa nga masai.

MALAHKI 4:4

“Israela amyu masha ni yawng hkan sa madat mara na matu, Sina Bum e nye a shangun ma Mawshe hpe ngai jaw ya sai shi a sharin achyin ga, jep ai tara hte hkang da ai ga ni hpe adum nga u.

TARA JAHPRANG 4:1

Dai hpang Mawshe gaw amyu masha ni hpe, “Ngai nanhte hpe sharin ya nga ai tara ni yawng hpe madat mara nga mu; shaloi dai Madu nanhte a kaji kawa ni a Karai Kasang nanhte hpe jaw ya nga ai lamu ga hpe nanhte madu la nna nga nga lu na marin dai.

TARA JAHPRANG 4:5

“Dai Madu nye a Karai Kasang ngai hpe tsun ai tara ni yawng ngai nanhte hpe sharin achyin ya mani ai. Nanhte shang madu la hkyen nga ai mungdan hta dai matsun maroi ga hte hkang da ai tara ni hpe madat mara nga mu.

TARA JAHPRANG 5:1

Mawshe gaw Israela masha ni yawng hpe shaga jahpawng nna shanhte hpe, “Israela amyu masha ni e, dai ni, ngai nanhte hpe jaw ya nga ai hkang da ai tara ni hpe madat mu; dai ni hpe sharin la nna nanhte hkan galaw na rai myit dai.

TARA JAHPRANG 6:1

“Ndai ni gaw nanhte hpe sharin achyin ya na matu, dai Madu nanhte a Karai Kasang ngai hpe hkang da ai tara ni yawng rai nga ai. Nanhte shang madu la hkyen nga ai mungdan hta dai ni hpe hkan sa madat mara lu na rai myit dai.

SHINGRAN 19:2

Shi a tara daw dan ai lam ni teng man ai hte ding hpring nga lu ai! Tinang a hpye ai amu hte ga ntsa ting hpe shut hpyit shangun ai shawa num hpe shi daw dan nu ai. Madu a shangun ma ni hpe sat kau ya ai majaw, Karai Kasang gaw shi hpe ari jaw nu ai!,” nga nna tsun ai ngai na nngai.