NEHEMIA 1:4 - Jinghpaw Common Language Bible 2009

⁴ Ndai lam yawng hpe ngai na ai shaloi, dung let hkrap nga nngai. Ngai gaw nhtoi tsawmra mi na mat hkra sharung shayawt ai hte lusha n sha nngai. Ngai gaw Karai Kasang hpe,

Jinghpaw Hanson Version Bible

⁴ Ngai chyawm gaw dai ga na jang, dung nga nna, nhtoi tsawmra wa mi hkrap ngu hkrap ngoi, sharung shayawt ai hte, lusha gam let, sumsing lamu na Karai Kasang hpe akyu hpyi nga nngai;

NEHEMIA 1:4 Iomraidhean Croise

2 SAMUELA 12:16

Dawi chyawm gaw dai ma kaja wa na matu Karai Kasang kaw akyu hpyi nga ai. Lusha lama ma sha na matu mung shi ningdang kau nhtawm shana shagu shi a gawk kata de shang wa nna dun ntsa e galeng let shana hpe shalai kau kau di wu ai.

2 HKAWHKAM 22:19

nang myit malai nna nye a man e nang hkum nan shagrit shanem ai myit hte na a hpun palawng ni hpe gang je kau nhtawm hkrap ngu hkrap ngoi nga ndai majaw Yerusalem mare hte dai hta nga ai amyu masha ni hpe ari jaw na matu ngai kaning ngu jahkrit shama ai hpe nang na nit dai. Ngai gaw dai mare hpe hkrit hpa mada mu shara shatai kau nna dai shara a mying hpe dagam dala ai hku masha ni tsun lang na mara ai, rai ti mung na a akyu hpyi ai ga hpe ngai na ya se ai majaw,

2 HKAWHKAM LABAU 6:13

(Shawlumon gaw magri mang pinra langai galaw nhtawm dai hpe wang ka-ang e tawn da wu ai; dai gaw man mali bung nna galu maga de pe matsat, tsaw maga de pe manga rai nga ai. Dai pinra de shi lung nna masha shagu shi hpe mu lu ai shara hta lahput hput di let sumsing lamu de shi a lata sharawt da wu ai.)

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

EZRA 10:1

Ezra gaw Nawku Htingnu ndaw e gum dagup let myi prwi pru nna dai yubak mara ni hpe yin la nhtawm akyu hpyi nga yang, Israela masha wunawng wuwa kaba rai nga ai numsha lasha ni hte ma kaji ni nye a grup grup hkan e sa hpawng nga let ahkup ahka nga hkra hkrap nga ma ai.

EZRA 9:3

Dai lam hpe ngai na jang, myit htum ai hte nye a hpun palawng ni gang je kau nna, nye a kara hte nhka mun ni hpe baw kau nhtawm gawng run yawn hkyen let dung nga nngai.

EZRA 9:5

Ya, shana de na shagu hkungga nawng jau na aten du jang, ngai yawn hkyen nga ai shara kaw nna rawt nhtawm, gang je kau sai hpun palawng ni hpe bu hpun ai hte lahput hput di let, dai Madu nye a Karai Kasang hpang de lata ladawn nna akyu hpyi nngai.

NEHEMIA 2:20

Ngai gaw, “Sumsing lamu a Karai Kasang gaw anhte hpe awng dang ai lam jaw ya na ra ai. Anhte gaw shi a shangun ma ni rai nga ga ai. Ndai gaw gap ai amu hpe anhte galaw hpang wa na saga ai. Rai ti mung nanhte mahtang Yerusalem hta sut gan madu la na ahkaw ahkang n lu myit dai. De a sali wunli kumhtaw hpa mung nanhte lu ai n rai,” ngu nna htan we ai.

NEHEMIA 2:4

Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

SHAKAWN KUNGDAWN 102:15

Amyu baw ni Madu hpe hkrit hkungga wa na mara ai, mungkan ga na hkawhkam ni yawng hte gaw shi a daru magam n-gun hpe hkrit kamyin wa na mara ai.

SHAKAWN KUNGDAWN 136:26

Sumsing lamu na Karai Kasang hpe chyeju dum shakawn nga mu; shi a tsaw ra myit htani htana agrin nga ai.

SHAKAWN KUNGDAWN 137:1

Ziun mare hpe anhte myit dum dat ga ai shaloi, anhte gaw Babelon mung na hka nu, hka shi ni a makau hkan dung nga let, hkrap nga ga ai.

Daniela 10:2

Dai aten hta, ngai gaw bat masum tup yawn hkyen hkrum nga nngai.

Daniela 2:18

Shi gaw shanhte hpe Babelon mung na kaga hpaji jaw ai masha ni hte rau sat kau ai n hkrum mat hkra nga, matsan dum la na hte makoi magap da ai amu sanglang dan na matu sumsing lamu a Karai Kasang kaw akyu hpyi na matu tsun wu ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

YONA 1:9

Yona gaw, “Ngai gaw Hebre masha rai nga nngai. Ngai gaw hkarang hte panglai hpe hpan da ai dai Madu sumsing lamu a Karai Kasang hpe nawku nngai,” ngu nna htan wu ai.

ZEHPANI 3:18

nanhte yawng a ntsa e mahkawn mangoi let kabu gara na ra ai. Dai Madu gaw, “Ngai gaw nanhte hpe jahkrit shama daw dan ai amu hte nanhte a sari jahpoi kau ya ai amu ni hpe ngai jahtum kau ya ni ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.