NEHEMIA 1:11 - Jinghpaw Common Language Bible 2009

¹¹ Nye a akyu hpyi ga hte nang hpe shagrau sha-a mayu ai kaga na a shangun ma ni yawng a akyu hpyi ga ni hpe ya jang madat ya mi. Dai ni jang ngai hpe awng dang ai lam jaw ya let hkawseng wa anhte hpe yu matsan dum shangun mi law.” Ngai chyawm gaw dai aten e hkawseng wa a sabyi jau ai wa rai nga nngai.

Jinghpaw Hanson Version Bible

¹¹ Madu e, na a mying nsang hpe hkrit hkungga ai, na a mayam wa hte, na a mayam kaga ni a akyu hpyi ai ga hpe madat mara nga u law; na a mayam wa hpe dai ni shaman ya nna, ndai hkawhkam wa a man e, myi man pa shangun e law, ngu nna hpyi wu ai. Ngai chyawm gaw hkawhkam wa a tsabyi jau ai wa rai nga nngai.

NEHEMIA 1:11 Iomraidhean Croise

NINGPAWT NINGHPANG 24:42

“Ngai gaw, ‘Ya dai ni ndai hka htung de ngai du ai shaloi, nye a madu Abraham a dai Madu Karai Kasang hpe chyeju hte ngai galaw nga ai lam hta awng dang ai lam jaw ya e.

NINGPAWT NINGHPANG 32:11

Nye hpu Esaw a lata kaw na ngai hpe hkye hkrang la e, ngai akyu hpyi nga nngai law. Ngai hkrit mung hkrit nga nngai-shi sa wa nna anhte hpe gasat nhtawm anhte yawng hpe mung, kanu ni hte kasha ni hpe pyi sa shamyit kau na hkrit nga nngai.

NINGPAWT NINGHPANG 32:28

Dai masha wa gaw, “Na a mying Yaku ngu lu sana n rai. Nang gaw Karai Kasang hte mung, masha ni hte mung malan da ting hkat ai hte dang kau nit dai; dai rai nna na a amying Israela rai na lit dai,” ngu nna tsun wu ai.

NINGPAWT NINGHPANG 40:1

Aten ram ram lai mat wa ai hpang, Egutu hkawhkam kaw sabyi jau ai wa hte muk kabaw ai agyi yan hkawhkam wa hpe shut kau mu ai.

NINGPAWT NINGHPANG 40:2

Ndai sabyi jau ai wa hte muk kabaw ai agyi yan hpe shi masin pawt ai majaw,

NINGPAWT NINGHPANG 40:21

Shi gaw sabyi jau ai wa hpe shawng na shi a aya hta bang da wu timung, muk kabaw ai agyi wa hpe chyawm gaw sat kau wu ai.

NINGPAWT NINGHPANG 40:23

Rai ti mung, sabyi jau ai wa mahtang Yosep hpe galoi mung n myit dum ai sha shi a lam yawng hpe malap kau wu ai.

NINGPAWT NINGHPANG 41:9

Dai hpang sabyi jau ai wa gaw hkawhkam wa hpe, “Ngai shut kau se ai majaw mara dai hpe dai ni she ngai yin la lu nngai.

NINGPAWT NINGHPANG 43:14

Chyahtum Chyalai N-gun Rawng Ai Karai Kasang gaw dai wa a jaw e, nanhte hpe matsan dum la shangun nga u ga; Benyamin hta kaga nanhte a hpu nau langai mi hpe ngai hpang de bai woi nhtang wa na shi dat dat ya na ru ai. Nye a matu chyawm gaw, kasha ni sum mat ai rai yang mung sum mat sanu ga,” ngu nna shanhte hpe tsun wu ai.

2 HKAWHKAM LABAU 6:40

“Ya chyawm gaw, O nye a Karai Kasang e, anhte hpe mada yu nhtawm ndai shara e akyu hpyi ap nawng ai ga ni hpe madat ya mi.

EZRA 1:1

Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

NEHEMIA 1:6

Madu e, ngai hpe mada yu nna na a shangun ma ni rai nga ai Israela amyu masha ni a matu shani shana ngai hpyi ai nye a akyu hpyi ga hpe na ya e. Anhte Israela amyu masha ni mung nye a kaji kawa ni hte ngai shut kau sai yubak mara ni a matu mung ngai hpyi nem nngai.

NEHEMIA 2:1

Shata mali lai ai hpang, lani mi na nhtoi e, Hkawseng Artazazi shana de na lusha sha nga yang, ngai gaw shi hpang de sabyi la sa ya nngai. Shi chyawm gaw shawng de nye a yawn ai myi man hpe galoi mung n mu yu wu ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

SHAKAWN KUNGDAWN 106:46

Shanhte hpe zingri zingrat nga ai ni yawng a myit masin kraw lawang kata hta; shanhte hpe yu matsan dum la shangun mu ai.

SHAKAWN KUNGDAWN 130:2

Madu e, nye a hpyi jahtau ai nsen hpe na ya e; karum la na matu, nye a hpyi shaga ai nsen hpe madat ya e.

SHAKAWN KUNGDAWN 61:5

O Karai Kasang e, nye ai ga sadi ni hpe na ya nit dai; nang hpe shagrau sha-a ai ni madu ai sali wunli ni nang ngai hpe jaw ya nit dai.

SHAKAWN KUNGDAWN 86:6

Madu e, nye a akyu hpyi ai ga hpe madat ya e; karum la na matu ngai hpyi jahtau ai nsen ni hpe na ya e.

GA SHAGAWP 1:29

Nang gaw machye machyang hpaji loi mi hpe pyi, galoi mung akyu n jashawn yu nga ndai, dai Madu hpe hkrit hkungga na matu mung, tut nawng e, ningdang kau nga ndai.

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

YEREMIA 42:12

Hpa majaw nga yang, ngai gaw matsan chye dum ai wa rai nga nngai, ngai gaw shi hpe nanhte a ntsa matsan dum shangun na we ai, shing rai nanhte hpe dum nta de nhtang wa shangun na myit dai. Dai Madu ngai nan tsun ni ai,’ ngu nna tsun we ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

HEBRE 13:18

Anhte a matu mara n sim n sa akyu hpyi nga mu, anhte ni gaw tinang ni a htauli htaula myit asan apra rai nga ai lam kam lu ga ai, hpa majaw nga yang, anhte gaw ten shagu teng man ai lam galaw mayu ai myit rawng nga ga ai.