MARKU 3:2 - Jinghpaw Common Language Bible 2009

² Dai yang e Yesu hpe tara n hkan ai ngu nna mara shagun mayu ai masha nkau mi nga ma ai rai nna, Bansa Nhtoi hta dai wa hpe shamai ya na ra ai kun?, nga nna htep kaw nna la yu nga ma ai.

Jinghpaw Hanson Version Bible

² Laban nhtoi hta e, dai wa hpe shamai ya na kun? nga nna, Yesu hpe mara shagun na, shanhte gyam yu nga ma ai.

MARKU 3:2 Iomraidhean Croise

SHAKAWN KUNGDAWN 37:32

Tara n lang ai masha wa gaw mai kaja ai masha wa hpe lagyim yu nna; shi hpe sat kau na, shakut nga ai.

YEREMIA 20:10

Masha shagu gaw, “Hkrit hpa gaw shara shagu hkan nga nga ai! shing rai anhte shi hpe ahkaw ahkang lu ai ni hpang de tang madun ga!,” nga nna kadum kahte tsun ai ga hpe ngai na nngai. Nye a hku hkau ai jinghku ni pyi nye a hkrat sum na lam hpe la mada yu nga ma ai. Shanhte gaw, “Shi hpe mahkoi lau la lu nhten; shaloi anhte shi hpe lu rim ai hte matai dawp lu na ga ai,” nga nna tsun ai.

Daniela 6:4

Dai hpang kaga reng hkang ai yan hte munggyi ni gaw mungdan ting hpe up hkang nga ai Daniela hta shut ai mara lama mi mu tam lu hkra nga shakut ma ai, rai ti mung Daniela gaw kamhpa mai ai hte myit magaw let galaw shut kau ai amu hpa mung n nga nga ai majaw mara n mu tam ma ai.

MAHTE 12:10

Ya dai tara jawng hta lata katsing si ai masha langai mi nga ai. Dai kaw masha nkau mi mung nga ma ai rai nna, shanhte gaw Yesu hpe mara shagun mayu mu ai majaw, Bansa Nhtoi hta e mai shamai ya a ni? ngu nna shi hpe san mu ai.

MARKU 3:3

Yesu gaw dai masha hpe, “Shawa hpawng a man de sa pru tsap rit,” ngu nna tsun wu ai.

LUKA 14:1

Bansa Nhtoi langai mi hta, Hparishe ningbaw ningla langai mi a nta e, shat sha na nga, Yesu shang nga yang, masha ni shi hpe htep kaw nna la mada yu nga ma ai.

LUKA 20:20

Dai majaw shanhte gaw ahkaw ahkang ginjang langai mi tam ma ai. Shanhte gaw madu a ga hta mara tam nhtawm, Madu hpe ahkang aya atsam lu ai Roma munggyi a lata de ap kau lu na matu ding man hpyi hpun masu ai kin-yu masha ni hpe mayun kumhpa jaw nna Madu hpang de shangun dat ma ai.

LUKA 6:7

Tara sara nkau mi hte Hparishe nkau mi gaw, Madu hpe mara shagun lu hkra lam tam mayu ai majaw, Bansa Nhtoi hta dai wa hpe shamai ya na ra ai kun? nga nna shi hpe gyam yu nga ma ai.

YAWHAN 8:6

Shanhte shing nga san ai gaw, shi hta mara shagun na lam mu lu hkra, shi hpe chyam dinglik yu ai rai nga ai. Rai ti mung Yesu gaw, ga de gum nna ga hta layung hte ka mahkret let nga nga ai.

YAWHAN 9:16

Shaloi Hparishe ni nkau mi gaw, “Dai wa gaw Bansa Nhtoi a Tara hpe n hkan n sa ai majaw, Karai Kasang kaw na du sa ai wa n rai,” nga ma ai. Bai nkau mi gaw, “Yubak lu ai wa langai gaw ning re ai lamik kumla ni hpe kaning rai galaw lu na a ta?,” nga ma ai. Shing nga nna shanhte a kata hta myit hkrum ai lam n nga ai, shai wa bra wa ma ai.