MARKU 2:2 - Jinghpaw Common Language Bible 2009

² Dai majaw masha ni law law shi kaw sa zuphpawng nga ma ai rai nna, shara n nga mat ai gaw nta chyinghka lam ndaw pyi n ngam hkra rai nga ai. Yesu gaw shanhte hpe mungga hkaw tsun dan nga ai.

Jinghpaw Hanson Version Bible

² Dai rai nna, masha lanlak zuphpawng nga ma ai rai nna, chyinghka lam makau e pyi, shanhte a matu shang shara n nga hkra, rai nga ma ai: shi shanhte hpe dai mungga tsun dan mu ai.

MARKU 2:2 Iomraidhean Croise

SHAKAWN KUNGDAWN 40:9

Madu e, na amyu masha ni yawng a shawa hpawng hta nang anhte hpe hkye hkrang la ai dai kabu gara shiga hpe ngai tsun dan ni ai. Dai hkaw tsun ai lam hpe ngai galoi mung jahkring kau na n rai nga ai hpe nang chye nga ndai.

MAHTE 5:2

shi shanhte hpe sharin shaga hpang mu ai gaw:

MARKU 1:14

Yawhan hpe htawng hta rim bang kau ai hpang, Yesu gaw Galile mung de sa du nna Karai Kasang kaw na Kabu Gara Shiga hkaw tsun dan mu ai.

MARKU 1:33

Mare ting na masha ni yawng dai nta ndaw e sa hpawng de nga ma ai.

MARKU 1:37

Shanhte shi hpe mu jang, “Masha shagu nang hpe tam nga ma ai,” ngu nna tsun mu ai.

MARKU 1:45

Rai ti mung dai masha wa gaw pru mat wa nna dai shiga hpe shara shagu aja awa hkai dan ai hte kajai gumhkawng dat wu ai rai nna Yesu gaw mare kata de dan dan leng leng n shang lu wu ai. Mare de shang na malai, masha katsi ai shara hkan e nga nga ai: shara magup hkan na masha ni mung shi kaw sa du ma ai.

MARKU 2:1

Ya nhtoi tawng marang mi na wa ai hpang, Yesu gaw Kaperna-um mare de bai du wa ai. Shi nta e nga nga ai lam shiga masha ni na shajang ma ai.

MARKU 2:13

Yesu gaw Galile nawng makau de bai pru sa mat wa ai. Shawa masha ni shi hpang de du sa ma ai rai nna shi shanhte hpe sharin shaga hpang mu ai.

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

LUKA 12:1

Dai shaloi masha hkying mun hpawng kaput wa ai majaw shada da pyi kabye hkra hkra rai nga ma yang, shi a sape ni hpe, Yesu shawng tsun hpang mu ai gaw, “Hparishe ni a sawt ai myit ngu ai, matsi hpe koi gam nga mu.

LUKA 5:17

Lani mi hta Yesu sharin shaga nga yang, Galile mung, Yuda mung, kahtawng shagu hkan na hte, Yerusalem mare de na Hparishe ni hte Tara Sara ni sa du dung nga ma ai. Machyi shamai ya na matu Madu Karai Kasang a atsam gaw Yesu hta nga nga ai.

LUKA 8:1

Dai hpang gade n na yang, Yesu gaw Mare ni hte kahtawng ni de du hkawm sa nna, Karai Kasang a Mungdan lam Kabu Gara Shiga ni hpe hkaw tsun nga ai. Sape shi lahkawng hte mung shi hte rau hkawm sa ma ai.

LUKA 8:11

“Ya, ndai ga shadawn a lachyum gaw ndai hku rai nga ai,

KASA 11:19

Ya Stehpan hpe sat kau ai kaw nna hpang wa ai zingri zingrat lam a majaw bra mat wa ai kam sham ai ni gaw, Hponisha, Kupru hte Antioki mare du hkra len hkawm nna Yuda ni hpe hkrai sha dai mungga hkaw dan ma ai.

KASA 14:25

Dai yang Perga mare hta mungga tsun dan nhtawm Atali mare de yu wa ma ai.

KASA 16:6

Ya Asi mung e mungga lam hkaw tsun dan na Chyoi Pra ai Wenyi shanhte hpe ahkang n jaw mu ai majaw shanhte gaw Hprugi hte Galati mung de ga sa wa ma ai.

KASA 8:25

Shan chyawm gaw, dai Madu a mungga lam sakse hkam nna hkai dan ngut jang Yerusalem mare de bai wa mat ma ai. Shan a wa maga hkrun lam e Samari kahtawng law law hkan dai Kabu Gara Shiga hkaw dan ma ai.

ROMA 10:8

Dai Chyum Laika hta ning nga tsun ai: “Dai Karai Kasang a mungga gaw nanhte hte htep rai nga ai. Dai hpe nanhte a n-gup hte yin la nna nanhte a kraw lawang hta mazing da manu ai.” Dai mungga gaw nanhte hpe anhte hkaw tsun sakse hkam dan ai Karai Kasang hpe kam sham ai lam hte seng ai mungga rai nga ai.

2 TIMOHTI 4:2

Dai mungga hkaw dan na matu, chye na shangun na matu, mara madun nna daru na matu, n-gun jaw na matu, myit galu ai hte sharin shaga na matu, (du hkra ladaw ang ai rai ti mung, n ang ai rai ti mung) a shaja nga u, ngu nna ngai nang hpe shadut jahkat dat de ai.