LUKA 3:3 - Jinghpaw Common Language Bible 2009

³ Shi gaw Yawdan hka ginwang shara shagu hkan e du hkawm let, “Nanhte a yubak mara ni kaw na myit malai lu nna hkalup hkam la mu, shaloi she Karai Kasang gaw nanhte a yubak mara ni hpe raw dat kau ya na ra ai,” nga nna hkaw tsun nga ai.

Jinghpaw Hanson Version Bible

³ shi gaw Yawdan hka ginwang shara magup hkan e du hkawm let, yubak raw dat kau na matu myit malai baptisma lam hkaw tsun nga ai:

LUKA 3:3 Iomraidhean Croise

MAHTE 3:11

Nanhte myit malai lu sai lam madun na matu ngai nanhte hpe hka hta hkalup jaw made ai, rai ti mung, nye a hpang e du sa na ra ai wa gaw nanhte hpe Chyoi Pra ai Wenyi hta mung, wan hte mung hkalup jaw na myit dai. Shi gaw ngai hta grau galu kaba nga ai rai nna, shi a kyepdin gun na pyi ngai n ging n dan nngai.

LUKA 1:16

Israela kashu kasha ni law law hpe, shanhte a Madu Karai Kasang hpang de shi kayin wa shangun na mu ai.

LUKA 1:77

Nang gaw shi a amyu masha ni hpang de sa nna shanhte a mara ni hpe dat kau ya nna hkye hkrang la na ra ai lam tsun dan na rai ndai.

LUKA 4:1

Yesu gaw Chyoi Pra Ai Wenyi hpring let, Yawdan hka nna bai wa yang, dai Wenyi e nam mali de woi sa wa wu ai.

YAWHAN 1:28

Ndai lam ni yawng gaw Yawhan hkalup jaw nga ai Yawdan hka a sinpraw hkran na Behtani kahtawng e byin ai rai nga ai.

YAWHAN 3:26

Dai rai nna shanhte gaw Yawhan hpang de sa nhtawm, “Rabai e, Yawdan hka sinpraw hkran maga e nang hte rau nga yu ai, nang sakse hkam ya ai wa hpe nang dum ai n rai i? Rai sa, ya shi hkalup jaw nga ai rai nna, yawng mayawng shi hpang de du sa ma ai!,” ngu nna shi hpe tsun dan mu ai.

KASA 13:24

Yesu magam bungli garai n hpang yang, Yawhan gaw Israela amyu masha ni yawng hpe yubak mara kaw na myit malai lu nhtang wa nna hkalup hkam la ra ai lam hkaw dan manu ai.

KASA 19:4

Shaloi Pawlu gaw, “Yawhan a hkalup lam gaw yubak mara kaw na myit malai lu ai ni a matu jaw ai she rai nna, shi a hpang e sa ai Yesu ngu ai wa hpe mahtang kam sham ra ai,” ngu nna Israela masha ni hpe tsun mu ai.

KASA 22:16

Dai majaw, ya nang hpa rai nna naw ganung nga n ta? Rawt u, Madu a mying nsang gang nna hkalup hkam la u, Na a yubak kashin kau ya u ga, shi kaw akyu hpyi nem nga u,’ nga nna ngai hpe tsun ni ai.