LUKA 10:3 - Jinghpaw Common Language Bible 2009

³ Nanhte sa wa manu, chyahkyawn ni a ka-ang de sagu kasha ni hpe zawn, ngai nanhte hpe shangun dat made ai.

Jinghpaw Hanson Version Bible

³ Nanhte sa wa manu; yu mu, chyahkyawn ni a ka-ang de sagu kasha hpe zawn, ngai nanhte hpe shangun dat made ai.

LUKA 10:3 Iomraidhean Croise

SHAKAWN KUNGDAWN 22:21

Ndai hkanghkyi ni kaw na ngai hpe mawai la e; ndai matse labye usu ni a man e, ngai gaw karum la masha n nga ai hte garen gari hkrum nga nngai.

ZEHPANI 3:3

De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

LUKA 10:4

Gumhpraw jan, shing n rai htingpa hte kyepdin re ai ni hkum gun myit, lam e naw rai nga yang, kadai hte mung hkum shachyen myit.

YAWHAN 10:12

Nchyang sha re ai wa gaw, sagu rem mung n rai, sagu madu mung n re ai majaw, chyahkyawn ni sa wa ai mu jang, sagu ni hpe kau da nna hprawng mat wa nga ai, chyahkyawn mung sagu ni hpe hpya sha nna shabra kau nga ai.

YAWHAN 15:20

‘Mayam gaw madu hta grau kaba ai n rai,’ ngu nna ngai nanhte hpe tsun ai ga hpe dum nga mu; ngai hpe pyi zingri zingrat ma ai rai yang gaw, nanhte hpe mung zingri zingrat na mara ai. Shanhte nye a ga madat mara ma yang gaw, nanhte a ga hpe mung, madat mara ya na mara ai.

YAWHAN 16:2

Shanhte gaw Tara Jawng ni hta na nanhte hpe gawt shapraw kau na mara ai. Nanhte hpe sat kau lu ai wa kadai mung, Karai Kasang a magam gun hpai nga nngai, nga nna myit la ai aten kaja wa du wa na ra ai.

KASA 20:29

Ngai pru mat wa ai hpang masha nkau mi nanhte kaw shang nna matse n hkru ai chyahkyawn zawn sagu hpung hpe matsan n dum, hkyamsa n jaw na mara ai hpe ngai chye nga nngai.

KASA 9:16

Nye a mying majaw shi hkrum lu na ra ai matsan tsin-yam ni yawng hpe ngai nan shi e madun na we ai,” ngu wu ai.

KASA 9:2

Yesu a lam hkan ai numsha lasha ni hpe rim la nna Yerusalem de dun wa lu hkra shi hpe ahkaw ahkang jaw sai lam Damasku mare na tara jawng ni hpe htet dat ai laika hpyi gun wu ai.