HPILIPI 4:11 - Jinghpaw Common Language Bible 2009

¹¹ Shing nga nna ngai tsun nngai gaw nanhte ngai hpe ra kadawn mat hkra n yu, n gawn mat manit dai ngu nna myit hta hkam sha ai majaw tsun nga nngai n rai. Hpa majaw nga yang ngai gaw tinang hta lu ai mi hte myit dik let nga chye na lam hpe sharin la tawn ni ai.

Jinghpaw Hanson Version Bible

¹¹ Shing rai ngai tsun nngai gaw, kadawn nga nngai majaw, ngai tsun nngai n rai: kaning rai nme law, ngai hkrum mahkrum hta myit dik nga u ga, ngai sharin la nngai.

HPILIPI 4:11 Iomraidhean Croise

NINGPAWT NINGHPANG 28:20

Dai shara hpe Yaku gaw dai Madu hpe, “Nye wa a nta de shim lum ai hte ngai bai nhtang wa lu hkra,

PRU MAT 2:21

Dai rai nna, dai yang e shanu nga na matu Mawshe myit jahkut da wu ai rai nna, Yehtru mung shi a shayi sha Zihpura hpe jaw nna hkungran ya wu ai;

LUKA 3:14

Hpyenla ni mung, “Anhte wa gaw kaning rai na rai ta? Anhte hpa rai ta?,” nga nna shi hpe san ma ai. Shi gaw, “Kadai wa kaw na mung adip arip di nna, gumhpraw hkum kashun la myit, n tara ai hku mara hkum shagun myit, nanhte lu ai shabrai hte myit dik dum nga mu,” ngu nna shanhte hpe tsun mu ai.

2 KORINHTU 11:27

Bungli hte kyin dut ai, law law lang yup n lu sha ai, kaw si hpang gara hkrum ai, law law lang, lusha dumhprut ai, shingbyi shara n lu ai hte singgu krin re ai tsin yam ahkrum nga nngai.

2 KORINHTU 6:10

Yawn hkyen hkrum ga ai rai ti mung, anhte tut nawng e akabu nga ga ai, matsan mayan re ai ni zawn rai ga ti mung, masha law law hpe shalu jasu saga ai. Hpa n lu ai ni zawn rai ga ti mung, anhte kaja wa yawng mayawng hpe madu ai ni rai nga ga ai.

2 KORINHTU 8:9

Nanhte gaw anhte a Madu Yesu Hkristu a chyeju hpe chye nga myit dai; Madu Yesu gaw shi sut su nga ai rai ti mung, nanhte a matu mara shi hkum nan hpe matsan masha shatai nu ai, shi a matsan mayan hkrum ai a majaw nanhte sut su wa manit dai.

2 KORINHTU 9:8

Karai Kasang gaw nanhte a ra kadawn ai hta jan hkra jaw lu nga ai. Shing rai nanhte tinang a matu ra ai lam magup lu la na rai nga ai hta kaga mai kaja ai magam bungli shagu a matu ra ai hta jan hkra lu la na rai myit dai.

HPILIPI 3:8

Dai hta n-ga, nye a Madu Yesu Hkristu hpe chye chyang lu ai lam gaw, lam shagu hta grau nna chyahtum chyalai hpu reng nga ai amyat re ai majaw, dai hpe lu la na matu arai yawng mayawng hpe tsep kawp asum hku ngai sawn la nngai. Ngai gaw shi a matu arai yawng mayawng hpe kabai kau ni ai. Hkristu ngu ai amyat hpe lu la na matu hte Hkristu hte langai sha tai lu na matu nga manga hpe shanut shanaw zawn ngai nawn kau ni ai.

HEBRE 10:34

Nanhte gaw bawng dung ai ni hkrum ai nni nkri hpe hkap shalan shabran lawm myit dai; nanhte a arung arai ni hpe kashun kashe di la kau hkrum ai shaloi mung kabu gara ai hte asum hkam myit dai, hpa majaw nga yang, grau nna kaja reng ai dinggrin anga nga ai arung arai lama mi nanhte naw lu nga myit dai hpe nanhte chye nga myit dai.