HPILIPI 4:1 - Jinghpaw Common Language Bible 2009

¹ Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

Jinghpaw Hanson Version Bible

¹ Dai rai nna, ngai tsawra ai hte sharawng awng nna, nye a kabu gara shara hte janmau rai nga ai, hpunau ni e, dai Madu hta shing rai lahpran tsap nga mu, ngai tsawra ai ni e.

HPILIPI 4:1 Iomraidhean Croise

YOBA 31:36

Ngai gaw dai ni hpe nye a lahpa ntsa hta gumrawng ai hte hpun sumli da lu nna, nye a baw hta janmau zawn mara da lu na nngai.

SHAKAWN KUNGDAWN 125:1

Dai Madu hpe kam hpa nga ai ni gaw galoi mung n ashun, galoi mung shamu shamawt n nga ai Ziun Bum zawn rai ma ai.

SHAKAWN KUNGDAWN 27:14

Madu hpe kam hpa nga u. Kam sham nga u, myit hkum htum et; Madu hpe kam hpa nga u.

MAHTE 10:22

Nye a majaw masha shagu gaw nanhte hpe n dawng n wawm na mara ai. Rai ti mung, htum hkra shakut sharang ai wa gaw, hkye hkrang la ai hkrum na ra ai.

YAWHAN 8:31

Dai re ai majaw Yesu gaw shi hpe kam sham ai masha ni hpe, “Nanhte gaw ngai hkaw tsun sharin shaga ai ga hpe madat mara hkan sa myit yang gaw, nye a sape ni teng teng nanhte rai nga myit dai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

KASA 14:22

Shan gaw, “Anhte gaw Karai Kasang a mungdan hta shang na matu ru yak jam jau law law hpe hkrum hkra lai di kau ra ga ai,” nga nna kam sham ai sape ni myit shangang ya let dai makam masham hta ngang kang grin nga na matu n-gun jaw shadum jahprang ma ai.

KASA 2:42

Shanhte gaw Kasa ni a sharin shaga ai lam, rau kanawn mazum hpawng de ai lam, Madu a Shana Shat sha ai lam hte akyu hpyi ai lam hta htep lahti hkan nga ma ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

1 KORINHTU 15:58

Dai re ai majaw, ngai tsaw ngai ra ai hpu nau ni e, ngang ngang kang kang dinggrin dingyang tsap nga mu. Madu a bungli gun hpai ai lam gaw galoi mung kaman lila n rai nga ai hpe nanhte dum chye nga let, dai Madu a bungli hta tut nawng e tsam mari shakut sharang gun hpai nga mu law.

1 KORINHTU 16:13

A maja nga mu, dai makam masham hta ngang ngang kang kang tsap nga mu, nden marai rawng nga mu, n-gun lapyin ja nga mu.

2 KORINHTU 1:14

Anhte a Madu Yesu Hkristu bai du sa ai nhtoi hta anhte gaw nanhte a majaw gumrawng lu na ga ai hte maren, nanhte mung anhte a majaw gumrawng lu mu ga, ya e anhte a lam kau chyen sha mi nanhte chye na tawn ti mung, hkum tsup kup hkra chye na wa na hpe ngai myit mada nga nngai.

GALATI 5:1

Hkristu gaw anhte hpe mayam kaw nna shalawt dat mi ai rai nna, anhte mayam n rai saga ai. Dai re majaw shanglawt masha ni re ai hku nna tsap nga ga ai. Mayam a kandang npu e bai hkum ahkang nga masa.

HPILIPI 1:27

Ya e nanhte a matu grau nna ra ahkyak dik ai lam gaw Hkristu a kabu gara shiga e hkan sa shangun ai hte maren asak hkrung nga pra na lam rai nga ai. Shing rai jang ngai nanhte hpang de sa du ai rai ti mung, n du lu ai rai ti mung, Wenyi e yaw shada ai lam langai sha hte nanhte lahpran tsap nga nna, myit ra sharawng ai lam langai sha hte dai kabu gara shiga a makam masham lam ngang grin galu kaba wa na matu rau sha majan jawm gasat nga ai lam hpe ngai na lu na nngai.

HPILIPI 1:8

Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

HPILIPI 2:26

Shi gaw nanhte nlang hte hpe sa hkrum lu na, shi nachying myit ndawt nga ai. Hpa majaw nga yang shi machyi ai hpe nanhte na yu manit dai rai nna shi grai wa myit ru myit yak nga ai.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

1 HTESALONI 3:13

Ndai lam hku nna shi nanhte hpe shadaw shangang na ra ai. Anhte a Madu Yesu gaw shi a chyoi pra ai ni yawng hte rau bai du sa ai shaloi e, nanhte gaw anhte a Kawa Karai Kasang a man e hkum tsup nna chyoi pra san seng ai ni tai wa na marin dai.

2 HTESALONI 2:15

Dai re ai majaw, Hpu nau ni e, anhte a hkaw tsun ai mungga hku nna mung, shagun dat ai laika hku nna mung, nanhte hpe anhte sharin ya sai dai teng man ai lam ni hta ngang ngang kang kang lahpran tsap nna magra noi nga mu.

2 TIMOHTI 2:1

Ngai sha e, na a matu chyawm gaw anhte a Hkristu Yesu hta langai sha tai nna asak hkrung ai a marang e lu la ai chyeju hta n-gun lapyin rawng nga u.

HEBRE 10:23

Anhte yin la kam sham ai makam masham a myit mada ai lam hta n shamu n shamawt hkra anhte maju jung nga ga; hpa majaw nga yang, Karai Kasang gaw shi tawn da ai ga sadi hta kangka re ai wa rai nga ai hpe anhte kam hpa lu ga ai.

HEBRE 3:14

Hpa majaw nga yang, Hkristan shawng nnan tai wa ai shaloi na zawn myit mu myit hkut ai makam masham hta jahtum du hkra ngang ngang manoi manat nga ga yang gaw, anhte yawng gaw Hkristu hte rau rum magam gunhpai ai ni rai ga ai.

HEBRE 4:14

Dai rai nna anhte yin la kam sham nga ai nawku htung makam masham hta maju jung nga ga, hpa majaw nga yang, Karai Kasang a man de hkrang shang wa sai Karai Kasang a Kasha Yesu ngu ai Hkinjawng Agyi Kaba langai mi hpe anhte lu nga ga ai.

2 PETRU 3:17

Rai ti mung manang ni e, nanhte gaw ndai lam ni hpe chye nga chyalu rai nga manit dai. Dai re ai majaw nanhte gaw tara kata ai masha ni a shut ai lam de woi mat wa ai hta n lawm na hte, shim ai asak hkrung lam kaw na n hkrat sum mat na matu a maja nga mu.