HPILIPI 3:3 - Jinghpaw Common Language Bible 2009

³ Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

Jinghpaw Hanson Version Bible

³ Anhte mahtang, Karai Kasang a Wenyi hte nawku nna, Hkristu Yesu hta gumrawng nga ai hte, hkum shan hta e n shamyet n shanat ai ni gaw, matu gadoi hkam ai ni majing rai nga ga ai:

HPILIPI 3:3 Iomraidhean Croise

SHAKAWN KUNGDAWN 105:3

Anhte hpe shi madu da nga ai majaw kabu gara nga mu; shi hpe nawku daw jau ai ni myit dik myit pyaw lu mu ga.

ESAIA 45:25

Dai Madu ngai nan Yaku a aru arat ni yawng hpe hkye mawai la na nngai, shanhte gaw ngai hpe shakawn kungdawn wa na mara ai.

YEREMIA 4:4

Dai Madu ngai hte tawn da ai na a ga shaka hpe shagrin da u; Yuda hte Yerusalem amyu masha ni e, na a hkum hpe ngai hta ap nawng tawn u. Dai hku nang n galaw ai rai yang, nang galaw kau sai n hkru ai amu ni a majaw nye a pawt sindawng ai gaw wan zawn hkru na ra ai. Dai gaw hkru nna dai hpe kadai mung krip lu na ra ai n rai,” ngu nna tsun wu ai.

MALAHKI 1:11

Mungkan a jahtum shara mi kaw nna kaga shara mi de du hkra nga ai masha ni ngai hpe shagrau sha-a ma ai. Shanhte gaw ngai hpe manam pyaw ai baw hpe shara shagu hkan nat ai hte hkam la mai ai shagu hkungga ni nawng ya ma ai. Shanhte yawng gaw ngai hpe shagrau sha-a nga ma hka!

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 15:17

Dai re ai majaw Hkristu Yesu hte langai sha re ai hku asak hkrung let Karai Kasang a magam amu gun hpai lu ai majaw kabu gumrawng lu nngai.

ROMA 7:6

Ya chyawm gaw, anhte hpe sharen da ai jep ai Tara hte si hka mat saga ai majaw dai jep ai Tara hta na anhte lawt lu saga ai. Dai rai nna ka da ai tara dingsa hku n hkan ai sha, Wenyi lam ningnan hku sha Karai Kasang hpe daw jau nga ga ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

ROMA 9:6

Karai Kasang a ga sadi gaw dik tup wa sai ngu nna ngai n tsun nngai; hpa majaw nga yang Israela amyu masha ni yawng wa Karai Kasang a masha ni n rai ma ai.

2 KORINHTU 11:18

Rai ti mung masha law law wa masha a galaw lu ai atsam hta gum rawng ma ai majaw ngai mung gumrawng na nngai.

GALATI 5:25

Anhte Wenyi hta asak hkrung nga ga yang gaw, dai Wenyi e woi awn lam matsun madun ai hte maren hkawm sa nga ga.

GALATI 6:16

Ndai arawn alai hkrang tara hpe tinang a asak hkrung lam hta hkan sa ai ni yawng a ntsa e mung, Karai Kasang a amyu masha ni a ntsa e mung, ngwi pyaw ai hte matsan dum ai gaw anga nga u ga law!

EHPESU 6:18

Karai Kasang kaw na karum ai lam lu la u ga, hpyi nem let akyu hpyi ai hta ndai lam yawng hte hpe agalaw nga mu. Ndai lam a majaw amaja nga mu; galoi mung myit shayaw asum hkum jaw myit; Karai Kasang a masha ni a matu tut tut akyu hpyi nga mu.

TARA JAHPRANG 10:16

Dai re ai majaw ya kaw nna dai Madu a ga hpe madat mara nga mu; du hkum shaja da nga myit.

TARA JAHPRANG 30:6

Nanhte hpe mung, nanhte a amyu matu mara ni hpe mung madat mara chye ai myit masin, dai Madu nanhte a Karai Kasang jaw ya na ra ai rai nna nanhte a myit masin kraw lawang mahkra hte shi hpe tsaw ra lu na rai myit dai; shing rai dai mungdan hta nanhte anga nga lu na rai myit dai.

HPILIPI 1:1

Hkristu a mayam ni rai nga ai Pawlu hte Timohti gaw, Hpilipi mare e nga nga ai, hpung, hpung up, hpungtau ni hte hpawn Hkristu Yesu hta e langai sha rai nga ai Karai Kasang a amyu masha ni nlang hpang de laika ka dat ga ai.

HPILIPI 3:12

Ngai gaw ya pyi dai kumhpa hpe lu la ni ai ngu nna mung, ya e hkum tsup rai nga ni ai ngu nna mung n tsun mayu nngai; rai ti mung dai kumhpa hpe ngai hpe jaw na matu Hkristu Yesu gaw ngai hpe jum magra la kau ni ai hte maren, dai kumhpa hpe ngai nan jum magra la lu hkra shakut shaja dingyang rai nga nngai.

HPILIPI 3:14

Dai rai nna ngai gaw dai kumhpa hpe lu la na matu bandung du hkra shachyut nngai. Dai kumhpa gaw lahta tang e asak hkrung lu u ga, Hkristu Yesu a marang e Karai Kasang a shaga la ai lam rai nga ai.

KOLOSE 2:11

Nanhte gaw Dai Madu hte langai sha tai nna asak hkrung ai shaloi e matu gadoi hkam la manit dai rai nga ai. Dai gaw masha a lata hte galaw ai n re ai sha, ndai yubak kap ai hkum shan a n-gun atsam kaw na shalawt dat ai ngu ai Hkristu e shabyin ai matu gadoi hkam ai lam rai nga ai.

YUDA 1:20

Rai ti mung nanhte chyawm gaw, tsaw ra ai ni e, nanhte a chyoi pra dik ai nawku makam masham hta npawt de nna tinang dai matut nna galu kaba sa wa mu. Chyoi pra ai wenyi n-gun atsam hta shamyet nna akyu hpyi mu.