HPILIPI 3:2 - Jinghpaw Common Language Bible 2009

² N hkru n shawp ai bungli galaw ai ni hpe sadi let makran nga mu; gwi ni hpe makran nga mu. Tinang a hkum hpe gadoi di ai masha ni hpe makran nga mu.

Jinghpaw Hanson Version Bible

² Gwi ni hpe makran nga mu; n hkru n kra ai bungli galaw ai ni hpe makran nga mu; matu gadoi hpyak ai ni hpe makran nga mu.

HPILIPI 3:2 Iomraidhean Croise

SHAKAWN KUNGDAWN 119:115

Yubak kap ai masha ni e, ngai kaw nna pru mat wa mu, nye a Karai Kasang a hkang da ai ga ni hpe ngai madat mara nga na nngai.

SHAKAWN KUNGDAWN 22:16

N hkru ai masha hpung mi, ngai hpe wang gawan da nna; gwi wunawng mi ngai kaw htim sa wa ai zawn shanhte ngai kaw htim sa wa ma ai; shing rai shanhte gaw nye a lagaw lata ni hpe gang je nga ma ai.

SHAKAWN KUNGDAWN 22:20

Ngai hpe nhtu kaw na hkrang shaw la e; gwi ni kaw na, nye a asak hpe hkye hkrang la e.

GA SHAGAWP 26:11

A gwi gaw shi a nhpat bai nhtang sha ai zawn angawk ai wa gaw shi a angawk ai amu hpe bai nhtang galaw nga ai.

MAHTE 24:10

Dai shaloi e, masha law law wa myit kataw nna lam dam wa ai hte shada da ap kau ai hte shada da n dawng n wawm na mara ai.

MAHTE 7:15

“Nanhte kaw sa du ai ntsa de sagu hpyi hpun tawn nna kata de amya sha na myit rawng ai chyahkyawn matse hte bung ai myihtoi masu ni hpe sadi let koi kau nga mu.

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

ROMA 2:28

Hpungdim hku tsun ga nga yang teng man ai hku matu kadoi hkam ai Yuda masha majing kadai wa rai ta? Masha langai mi gaw shinggan maga ntsa lam sha hkum shan matu gadoi ai hte sha Yuda masha n byin wa lu ai.

2 KORINHTU 11:13

Dai masha ni gaw teng man ai “Kasa ni” n rai ma ai. Shanhte gaw Hkristu a kasa jet ni zawn san hkra hpyi hpun nhtawm masu hkalem bungli galaw ai ni rai ma ai.

GALATI 5:13

Nanhte chyawm gaw hpu nau ni e, shanglawt ahkang lu la myit ga, nanhte hpe shaga la ai hkrum manit dai, rai ti mung dai shanglawt ahkang hpe jahpai nna hkum shan a ra marit ai lam tam na matu ginshan hkum shatai mu; shing rai na malai, nanhte gaw tsaw ra myit hte shada da daw jau hkat nga mu.

GALATI 5:15

Rai ti mung zai ai dusat matse ni zawn nanhte shada da kawa sha hkat nga myit yang gaw, nanhte shada da shamyit kau hkat ai lam tai na re ai majaw, sadi nga mu.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

HPILIPI 3:19

Dai ni gaw ngarai hta shanhte a lam htum na mara ai; hpa majaw nga yang dai ni a karai gaw shanhte a akan ngu ai hkum shan a marin marit ai lam tai nga ai. Shanhte gaw kaya kahpa lam hta gumrawng shara shatai ma ai hte ndai dinghta ga na arai hpe hkrai sha myit tsang nga ma ai.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

1 TIMOHTI 1:19

Dai hta n ga, nang hta makam masham hte asan sha re ai dum chye ai htauli htaula myit rawng nga u ga. Masha nkau mi dai dum chye ai htauli htaula myit e shadum ai hpe n madat ai majaw shanhte a makam masham hpe jahten shabya kau ma ai.

TITU 1:16

Shanhte gaw Karai Kasang hpe chye chyang ga ai nga nna tsun ma ti mung, shanhte a galaw ai lam gaw shanhte hpe n madi shadaw nga ai. Shanhte gaw matsat shabat rai nna yu ra na zawn n re ai ni, mai kaja ai amu lama ma galaw na atsam marai n rawng ai ni rai nga ma ai.

2 PETRU 2:22

“Gwi gaw tinang a nhpat hpe nhtang sha ai,” bai “Wa gaw kashin ya ngut ai hpang hkum pup hta bai galwi nga ai,” nga ai ga shagawp gaw shanhte a matu teng nga ai.

YUDA 1:4

Hpa majaw nga yang tara n hkungga ai masha ni n dum shami anhte kaw mayun shang nga ma ai. Shanhte gaw, shanhte a pyaw hpa lam hkan ai n kaja ai arawn alai ni hpe lu magap shalawt na matu anhte a Karai Kasang a chyeju hte seng ai mungga hpe kam ai hku manai makai di kau ma ai hta n-ga, anhte a langai sha rai nga ai Madu Yesu Hkristu hpe mung ningdang kau ma ai. Shanhte hkam la masai daw dan lam hpe moi chyaloi nhkoi kaw nna chyum mungga ni hta tau tsun da nga sai.

SHINGRAN 2:9

Nang hkrum ai zingri zingrat hte matsan mayan hpe ngai chye nga nngai; rai ti mung kaja wa nang sut su nga ndai! Yuda masha rai ga ai nga nhtawm me, Yuda masha n teng ai masha ni nang hpe sari hpoi shangun ai n hkru n kaja ai shatan nhkan ga ni tsun nga ma ai hpe ngai chye nga nngai. Kaja wa nga yang shanhte gaw Satan a hpung masha ni rai nga ma ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.