HPILIPI 3:1 - Jinghpaw Common Language Bible 2009

¹ Hpu nau ni e, jahtum hku tsun ga nga yang, dai Madu hta langai sha tai lu ai lam hpe kabu gara nga mu. Shawng de nanhte hpang de ngai ka dat yu sai lam ni hpe bai kahtap ka na matu ngai hta lit n li nga ai sha n-ga nanhte hpe shim lam lu la shangun nga ai.

Jinghpaw Hanson Version Bible

¹ Dai hta kaga, nye a hpunau ni e, dai Madu hta kabu gara nga mu. Nanhte hpe lam langai sha bai ka dat dat rai na, nye a matu hki ba na lam n nga ai sha, nanhte a matu akyu byin nga ai.

HPILIPI 3:1 Iomraidhean Croise

1 HKAWHKAM LABAU 15:28

Dai rai nna Israela masha ni yawng kabu gara jahtau garu let pahke, pahtau hte shupsheng ni dum ai hte tingse, doria ni hpe shangoi nhtawm Ga Shaka Sumpu a hpang hkan gumbawm nang let Yerusalem mare de hpai lung wa ma ai.

1 HKAWHKAM LABAU 16:10

Anhte hpe shi madu da nga ai majaw kabu gara nga mu; shi hpe nawku daw jau ai ni kabu gara lu mu ga!

1 HKAWHKAM LABAU 29:22

Dai rai nna shanhte gaw dai shani Madu a man e lu lu sha sha rai kabu gara nga ma ai. Lahkawng lang ngu na hta, shanhte gaw Shawlumon hpe hkawhkam shatai na tsun ndau nga ma ai. Shing rai dai Madu a mying ningsang hta mung du tai na matu shi hpe namman jaw ya nhtawm Zadok hpe mung hkinjawng aya dang ya ma ai.

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

YOBA 22:26

Dai hpang, nang gaw Karai Kasang hta tut nawng kamhpa wa nna; shi gaw na a kabu gara ai a npawt rai nga ai hpe mu tam na rin dai.

SHAKAWN KUNGDAWN 149:2

Israela amyu masha ni e, nanhte a Hpan Madu a majaw kabu gara nga mu; Ziun a amyu masha ni e, nanhte a hkawhkam wa a majaw kabu gumrawng nga mu!

SHAKAWN KUNGDAWN 32:11

Ding hpring ai ni e, Madu galaw dan sai amu a majaw, kabu gara ai hte pyaw pyaw rai nga mu. Shi a ga madat mara ai ni e, kabu gara marawn jahtau nga mu law!

SHAKAWN KUNGDAWN 33:1

Ding hpring ai ni yawng hte e, Madu galaw dan sai amu a majaw, kabu gara marawn jahtau nga mu; shi a ga madat mara ai ni yawng hte e, shi hpe shakawn mu.

SHAKAWN KUNGDAWN 37:4

Dai Madu hta na a kabu gara ai lam hpe tam la u; shi gaw na a myit ra sharawng ai lam hpe jaw ya na ra ai.

SHAKAWN KUNGDAWN 42:4

Lai sai aten na lam hpe ngai myit dum yu ai shaloi, nye a myit hta grai yawn la nga nngai; Karai Kasang a nta de shawa masha ni hte rau ngai lung wa ai shaloi, kabu gara ai shawa hpawng gaw, Karai Kasang hpe mahkawn mangoi ai hte, kabu jahtau nhtawm, shanhte hpe woi hkawm lung wa yu ni ai.

SHAKAWN KUNGDAWN 5:11

Rai ti mung, nang hta shim lum ai lam mu tam ai ni yawng hte gaw kabu gara lu na mara ai; shanhte gaw tut nawng e, kabu gara let mahkawn shakawn lu nga ma ai. Nang hpe tsaw ra ai ni hpe makawp maga ya nga u; na majaw, shanhte teng teng kabu gara nga ma ai.

SHAKAWN KUNGDAWN 97:1

Dai Madu gaw hkawhkam rai nga ai! Ginding aga e, kabu jahtau nga u! panglai zunlawng ni e, nanhte mung kabu gara nga mu.

ESAIA 41:16

Nang gaw dai ni hpe nbung hta katsap kau na rin dai; nbung gaw dai ni hpe ahpawt mat wa na ra ai, dai ni gaw nbung laru hte shabra kau hkrum na mara ai. Dai hpang nang kabu gara lu na ndai hpa majaw nga yang, ngai gaw na a Karai Kasang rai nga nngai; nang gaw chyoi pra ai Israela a Karai Kasang ngai hpe shakawn kungdawn na ra ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

ESAIA 65:14

Shanhte gaw kabu gara mahkawn mangoi na mara ai, rai ti mung nang chyawm gaw myit daw ai hte jahtau hkrap na rai ndai.

YOELA 2:23

Ziun a amyu masha ni e, kabu gara nga mu, dai Madu nanhte a Karai Kasang nanhte a matu galaw ya sai amu hta kabu sharawng nga mu. Shi gaw nanhte hpe aten ram ai marang nhpaw jaw manit dai; shi gaw nshung marang hpe mung, marang shadoi hpe mung, shawng de na hte maren, nanhte a matu jahtu ya nga sai.

ZEHPANI 3:14

Israela amyu masha ni e, kabu gara mahkawn mangoi ai hte jahtau garu nga mu! Yerusalem e, na a myit masin mahkra hte kabu awng sharawng nga u!

ZEHPANI 3:17

Dai Madu nanhte a Karai Kasang gaw nanhte hte rau anga nga ai; shi a daru magam n-gun gaw nanhte hpe awng padang jaw ya nga ai. Dai Madu gaw nanhte hpe awng sharawng wa nna shi a tsaw ra myit hta, shi nanhte hpe asak nnan jaw ya na ra ai. Shi gaw lusha poi hta shang lawm nga ai masha ni kabu gara nga ma ai zawn,

ZEHKARIA 10:7

Israela amyu masha ni gaw hpyenla ni zawn n-gun ja wa nna, sabyi ntsin lu lu sai ni zawn kabu gara na mara ai. Shanhte a amyu matu mara ni gaw ndai awng padang hpe dum wa na mara ai dai Madu galaw nu ai amu a majaw kabu gara lu na mara ai.

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,

ROMA 5:11

Dai hta n ga ya anhte hpe Karai Kasang hte htinglu htinglai nna jinghku tai shangun ai Madu Yesu Hkristu a marang e Karai Kasang anhte hta galaw dan sai amu a majaw anhte kabu gumrawng nga ga ai.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

EHPESU 6:10

Hpang jahtum dai Madu hte langai sha tai ai hku nna mung, shi a hpung shingkang hte mung, nanhte a n-gun lapyin shagreng da nga mu.

TARA JAHPRANG 12:18

Nanhte hte nanhte a kashu kasha ni mung, nanhte a shangun ma ni hte mung, nanhte a mare ni hta hkan nga ai Lewi masha ni hte mung, dai Madu nanhte a Karai Kasang lata san da ai nawku shara hta dai Madu nanhte a Karai Kasang a man e chyu sha dai hkungga ni hte rau sha lu na rai myit dai; shing rai nanhte galaw ai lam magup hta nanhte kabu gara lu na rai myit dai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

HPILIPI 3:3

Matu gadoi hkam ai lam majing hpe hkam la ai ni gaw shanhte n rai, anhte she rai nga ga ai. Hpa majaw nga yang, anhte gaw Karai Kasang hpe shi a Wenyi hte nawku daw jau nna Hkristu Yesu hta langai sha tai lu ai asak hkrung lam hta kabu gumrawng ai ni rai ga ai. Anhte gaw shinggan maka kumla shadik poi ni hta n kam hpa ga ai.

HPILIPI 4:4

Dai Madu hta nanhte tut nawng e kabu gara nga myit ga, bai ngai tsun nngai, kabu gara nga mu.

HPILIPI 4:8

Hpu nau ni e, hpungdim hku nna tsun ga nga yang, nanhte gaw hpa teng man ai lam rai ti mung, hpa ding hpring ai lam rai ti mung, hpa san seng ai lam rai ti mung, hpa sharawng awng hpa lam rai ti mung, hpa sha-a ram ai lam rai ti mung, a rawng re ai lam lama ma, shakawn kungdawn re ai lam lama ma rai nga yang gaw dai lam hte hpe myit sumru yu nga mu.

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 HTESALONI 5:16

Tut nawng e kabu gara nga mu,

YAKU 1:2

Nye a hpu nau ni e, nanhte agung alau amyu myu hte hkrum kadup myit dai shaloi e nanhte a matu kabu gara shara rai nga ai ngu nna hkam la mu.

1 PETRU 3:8

Hpungdim hku nna tsun mayu ai gaw, nanhte yawng hte hta maren mara re ai myit masa hte myit hta hkam sha ai lam rawng nga lu na rai nna; shada da shinggyim nau na zawn tsaw ra ai hte shada da matsan dum nna shagrit shanem hkat nga mu.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

1 SAMUELA 2:1

Hana gaw ning ngu akyu hpyi wu ai: “Dai Madu gaw nye a myit masin hpe kabu gara ai lam hte jahpring ya nu ai; shi galaw dan sai amu a majaw ngai kade sha kabu gara nga n hka! Ngai gaw nye a gumlau hpyen ni hpe mani nngai; Karai Kasang ngai hpe karum la nga sai majaw ngai kade sha kabu pyaw nga n hka!