HPILIPI 2:4 - Jinghpaw Common Language Bible 2009

⁴ Langai hte langai tinang hte seng ai lam hpe sha n rai, masha gale hte seng ai lam hpe mung myit yu nga mu ga.

Jinghpaw Hanson Version Bible

⁴ Langai hte langai tinang hte seng ai sha n rai, masha gale hte seng ai hpe mung, myit yu nga mu ga.

HPILIPI 2:4 Iomraidhean Croise

ESHTA 2:22

Dai lam hpe Mordehkai chye wu ai rai nna Hkawhkam jan Eshta hpe tsun dan wu ai; shi mung Mordehkai mu tam da ai lam hkawhkam wa hpe tsun dan wu ai.

BU HKAWM 32:6

Mawshe chyawm gaw, “Nanhte a hpu nau Israela ni majan gasat sa wa nga ma yang, ndai yang e hkring nga na nanhte sharawng nga myit ni?

MAHTE 18:6

“Ngai hpe kam sham nga ai ndai ma kaji ni hta na langai mi hpe myit kataw shangun ai wa kadai mung, shi a du hta htum rin lung gyit noi nna, panglai na sung htum ai shara de jahkrat bang kau na shi a matu grau kaja nga ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 15:1

Dai rai nna makam masham hta n-gun ja ai anhte ni gaw, makam masham n-gun kya ai ni a makam masham n hten mat hkra shanhte a lit hpe madi shadaw na mai kaja nga ai. Anhte gaw tinang a ra ai lam hpe n mai hkan tam ai.

1 KORINHTU 10:24

Kadai wa mung tinang a akyu ni hpe n tam ai sha, masha kaga ni a akyu ni hpe tam nga u ga.

2 KORINHTU 11:29

Gawng kya ai wa langai ngai nga yang, ngai mung gawng kya ai hpe hkam sha nngai, masha langai ngai yubak hta kataw mat yang, ngai myit ru nga nngai.

2 KORINHTU 6:3

Anhte galaw ai amu hte seng nna kadai wa mung shatan nhkan hte mara tam ai lam n byin shangun mayu ga ai majaw, anhte gaw kade a lam mung ahtu kataw shara hpa n byin hkra shakut ga ai.

HPILIPI 2:21

Masha kaga ni yawng hte gaw tinang a lam hpe sha tsang ma ai; Hkristu Yesu hte seng ai lam hta myit n lawm ma ai.

YAKU 2:8

Nanhte gaw, “Na a htingbu wa hpe na a hkum hte maren tsaw ra u,” nga nna chyum laika hta rawng ai sumsing lamu Mungdan a tara hpe madat mara myit yang gaw, nanhte mai kaja jaw ang ai hpe galaw nga myit dai.