HPILIPI 2:2 - Jinghpaw Common Language Bible 2009

² Dai rai nna nanhte gaw myit hkrum ai lam langai sha, myit masin langai sha, myit mang langai sha rai nga ai hku nna, nye a kabu gara myit hpe jahpring shatsup ya na matu, ngai nanhte hpe shadut jahkat dat made ai.

Jinghpaw Hanson Version Bible

² nanhte myit hkrum mang hkrum langai sha, tsawra ai myit langai sha, myit masin langai sha hte myit mang langai sha e hkan nang nga myit dai hta, nye a kabu gara lam hpe shadik shatup nga mu.

HPILIPI 2:2 Iomraidhean Croise

SHAKAWN KUNGDAWN 122:8

Nye a jinghku ni hte manang ni a matu mara, “Nang hta ngwi pyaw sim sa ai lam nga nga u ga law,” nga nna Yerusalem mare hpe ngai tsun nga nngai.

YAWHAN 3:29

Num nnan lu ai wa gaw la nnan rai nga ai; rai ti mung la nnan a makau e tsap nga nna, shi a ga madat la nga ai, la nnan wa a jinghku wa gaw, la nnan a nsen na la yang, ja ja kabu nga ai.

KASA 1:14

Shanhte nlang hte gaw, Yesu a kanu Mari hte kaga numsha ni mung shi a kanau ni hte mung, akyu hpyi na matu ya sha ya sha myit mang langai sha hte hpawng nga ma ai.

KASA 2:1

Ya, Pentekoti shani du jang, kam sham ai ni nlang hte gaw shara mi hta sha hpawng nga ma ai.

KASA 2:46

Shani shagu myit langai sha hte Nawku Htingnu hta shanhte htep lahti machyu nga nna tinang a nta ni hta myit nem ai hte kabu gara let rau sha lusha, shahpa sha ma ai.

KASA 5:12

Ya kasa ni gaw lamik kumla ni hte mauhpa amu law law hpe mung masha ni a man e madun dan mu ai. Kam sham ai ni yawng gaw Shawlumon mying ai jarawp hta hpawng de nga ma ai.

ROMA 12:16

Shada da myit tsang hkat nga mu. Gumrawng gumtawng n re ai sha arawng n lu ai lit ni hpe hkap la gun hpai nga mu. Tinang hkum hpe hpaji rawng ai zawn hkum nawn nga myit

1 KORINHTU 1:10

Hpu nau ni e, anhte a Madu Yesu Hkristu a mying nsang ahkaw ahkang hte nanhte yawng hpe ngai hpyi nem dat nngai. Nanhte hta myit garan nna daw hka bra wa ai lam n nga na matu nanhte tsun shaga ai mung sumtu hta myit hkrum nga mu. Nanhte gaw myit mang ai lam langai sha, yaw shada ai lam langai sha hte tsep kawp myit hkrum kahkyin gumdin nga mu.

2 KORINHTU 13:11

Nye a hpu nau ni e, ya anhte shakram dat ga ai, nanhte yawng ngwi pyaw nga myit ga law! hkum hkum tsup tsup rai nga lu hkra matut nna shakut shaja nga mu. Nye a hpyi lajin ai ga ni hpe madat mara nna shada da myit hkrum nga let ngwi pyaw sim sa ai hku nga nga mu. Tsaw ra myit rawng ai hte ngwi pyaw shangun ai Karai Kasang gaw nanhte hte rau nga nga na ra ai.

2 KORINHTU 2:3

Ngai hpe kabu shangun na ni nan, ngai hpe myit n pyaw ai lam n shabyin u ga ngai nanhte hpang de n sa mayu mat nngai. Dai majaw ngai laika dat hpe ka dat ai re. Hpa majaw nga yang, ngai kabu gara yang nanhte nlang hte mung kabu gara shajang na hpe ngai myit kam nngai.

2 KORINHTU 7:7

Titu du sa ai majaw sha n rai, shi hpe nanhte gara hku hkap n-gun jaw la ai lam shana dan mi ai majaw mung, anhte myit pyaw ai lam hkam la lu ga ai. Dai hta n ga, nanhte gaw ngai hte mu hkrum na matu gade marit nga ai lam, nanhte gade yawn madai nga ai lam, ngai hpe makawp maga la na matu gade shajin da sai lam anhte hpe tsun dan mi ai majaw mung, ngai ya grau na pyi kabu gara myit pyaw nga nngai.

HPILIPI 1:4

Ngai nanhte a matu akyu hpyi ai ten shagu hta kabu gara ai hte hpyi nngai.

HPILIPI 2:16

Nanhte shing rai galaw myit dai rai yang gaw ngai n-gun dat gun hpai shakut ai lam shagu gaw kaman lila n rai nga ai majaw Madu Yesu du sa ai Nhtoi hta ngai hta kabu gumrawng shara tai na ra ai.

HPILIPI 2:20

Timohti shi langai mi sha ngai hte myit bung nna shi zawn nanhte a lam hpe htep lahti myit tsang ai masha kaga langai mi mung n nga sai.

HPILIPI 4:2

Eodia hte Suntuki yan e, dai Madu hta kanau kana rai nga myit dai hte maren myit hkrum myit ra na matu chyeju hte ngai nan hpe hpyi nem dat nngai.

KOLOSE 2:5

Hpa majaw nga yang, ngai nanhte hte ngai hkum nan rau n nga lu ai rai ti mung, Wenyi hta nanhte hte rau nga nga nngai rai nna nanhte a dakring dalang re ai ngang kang ai myit marai hte, Hkristu hpe kam sham ai hta rau sha tsap nga myit dai hpe ngai mu nna kabu nga nngai.

2 HTESALONI 2:13

Madu a tsaw ra ai hpu nau ni e, nanhte a majaw anhte gaw Karai Kasang a chyeju hpe tut nawng e shakawn kungdawn lu na ra ga ai. Hpa majaw nga yang, Karai Kasang gaw, nanhte hpe chyoi pra ai masha shatai ai Wenyi a n-gun atsam hte mung, teng man ai hpe kam sham ai nanhte a makam masham hte mung, shawng na hkye hkrang la hkrum ai ni hku nna nanhte hpe lata la sai.

2 TIMOHTI 1:4

Na a myi prwi ni hpe ngai dum ya nga nngai rai nna ngai hta dai kabu gara ai hte hpring tsup wa u ga, nang hte hkrum lu na matu ngai grai myit n dawt nga nngai.

HPILEMON 1:20

Dai re ai majaw nye a hpu nau wa e, dai Madu a myi man hpe tau nna chyeju hte ndai ngai hpyi nem nga ai lam galaw ya rit. Hkristu hta hpu nau shada rai nga ai hku nna nye a myit masin hpe shangwi shapyaw ya rit.

2 YAWHAN 1:4

Na a kashu kasha ni nkau mi gaw, Kawa Karai Kasang anhte hpe hkang da mi ai hte maren, dai teng man ai lam hta e asak hkrung hkan sa nga ma ai hpe mu hkrup nngai majaw ngai ja ja kabu gara nga nngai.

3 YAWHAN 1:4

Nye a kashu kasha ni, dai teng man ai lam hta hkan sa asak hkrung nga ma ai lam na lu ai majaw ngai hpe kabu gara shangun dik ai hta kaga kabu hpa n nga mat sali ai.