HPILIPI 2:11 - Jinghpaw Common Language Bible 2009

¹¹ Kawa Karai Kasang a hpung shingkang a matu mara, Yesu Hkristu gaw Madu rai nga ai nga, shinglet yawng mayawng e yin la hkam la na mara ai.

Jinghpaw Hanson Version Bible

¹¹ Karai Kasang gaw shi hpe shagrau nna, amying shingteng yawng mayawng hta, grau ai amying nsang jaw da wu ai, rai nga ai.

HPILIPI 2:11 Iomraidhean Croise

SHAKAWN KUNGDAWN 110:1

Dai Madu gaw, “Na a gumlau hpyen ni hpe na a lagaw kabye lahkum ngai shatai kau ai aten du hkra, ndai nye a hkra maga de, dung nga u,” nga nna nye a Madu hkawhkam wa hpe tsun nga ai.

SHAKAWN KUNGDAWN 18:49

Shing rai, ngai gaw nang hpe amyu baw ni a ka-ang e, shakawn nngai; ngai nang hpe mahkawn shakawn nga nngai.

YEREMIA 23:6

Shi hkawhkam tai nga ai shaloi, Yuda amyu masha ni shim lum nga na mara ai, Israela amyu masha ni ngwi pyaw sim sa ai hte nga lu na mara ai. Shi gaw ‘Anhte A Hkye Hkrang La Madu,’ ngu nna shamying hkrum na ra ai.

MAHTE 10:32

Kadai rai ti mung, masha ni a man e ngai hpe yin la ai wa hpe gaw, dai hte maren Sumsing lamu na Nye Wa a man e ngai yin la na we ai.

LUKA 2:11

Dai ni na nhtoi hta Hkye Hkrang La ai Wa Hkristu ngu ai Madu gaw, Dawi a mare e nanhte a matu shangai wa sai.

YAWHAN 12:42

Rai ti mung Yuda du agyi salang ni law law wa Yesu hpe kam sham shajang ma ai; dai re ai she Hparishe ni a majaw, tara jawng na shapraw kau na hpe hkrit tsang nna tinang kam sham ai hpe dan leng ai hku n yin la hkraw ma ai.

YAWHAN 13:13

Nanhte gaw ngai hpe, ‘Sara, nga nna mung, Madu nga nna mung,’ tsun hkungga chye myit dai. Dai hte maren ngai rai nga nngai majaw, nanhte a ga mung rai la sai.

YAWHAN 13:14

Ngai nanhte a Madu mung, Sara mung rai da ninglen, ngai pyi nanhte a lagaw ni hpe kashin ya ni ai rai yang gaw, nanhte mung nanhte shada da a lagaw mai kashin ya myit dai.

YAWHAN 14:13

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai.

YAWHAN 14:23

Yesu gaw, “Ngai e tsaw ra ai wa rai yang gaw, nye a sharin shaga ai ga hpe madat mara hkan sa shatup na ra ai. Nye Wa mung dai wa hpe tsaw ra na wu ai rai nna an lahkawng gaw dai wa kaw sa nna, shi hte rau shanu nga na ga ai.

YAWHAN 17:1

Dai lam hpe Yesu tsun ngut jang, shi gaw lamu de mada yu nna, “Wa e, nye a ahkying du sali ai. Ngai nsha wa gaw na a hpung shingkang shapraw ya lu n ga, ngai nsha wa a hpung shingkang hpe mung shapraw ya e law.

YAWHAN 20:28

Dai rai nna Htawma gaw, “Nye a Madu nye a Karai Kasang rai nga ndai,” ngu nna shi hpe htan wu ai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw shing ngu tsun mu ai. Hpa majaw nga yang, Yesu gaw Meshia re, nga nna kam sham yin la ai wa kadai hpe rai ti mung, tara jawng na shapraw kau na nga nna Yuda masha ni myit hkrum da masai.

KASA 10:36

Nga yawng nga pra a Madu rai nga ai Yesu Hkristu hku nna Israela amyu masha ni hpang de Karai Kasang ndau shana shagun jaw dat ai ngwi pyaw sim sa ai hte seng ai Kabu Gara Shiga hpe nanhte chye nga myit dai.

KASA 2:36

Dai re ai majaw, Israela amyu ting a Meshia hku nna mung, Madu hku nna mung, Karai Kasang e san da ai wa gaw, nanhte wudang hta jen sat kau ai Yesu nan rai nga ai gaw kaja wa chye nga myit ga law!,” ngu nna tsun mu ai.

ROMA 14:11

Hpa majaw nga yang Chyum Laika hta, “Dai Madu gaw, ngai ahkrung nga ai hte maren nye a man e lahput shagu hput di nna masha shagu gaw ngai hpe Karai Kasang rai nga ai nga nna yin la na mara ai,” nga nna ka da nga ai.

ROMA 14:9

Hpa majaw nga yang, Hkristu gaw hkrung nga ai ni hte si mat ai ni a Madu tai lu na matu si hkam nna bai hkrung rawt wa sai.

ROMA 15:9

Maigan amyu masha ni pyi Karai Kasang a matsan dum lama ai lam hpe shakawn kungdawn lu mu ga, ngu nna mung du sa ra ai. Chyum laika hta, “Dai re ai majaw maigan amyu ni a kata hta ngai nang hpe shakawn na nngai, Na a mying nsang hpe mahkawn mangoi na nngai,” nga nna ka da ai hte maren rai nga ai.

1 KORINHTU 12:3

Kadai rai ti mung, Karai Kasang a Wenyi a lam woi awn ai hpe hkam la lu ai wa rai yang gaw, Madu Yesu hpe matsa mawa n nga lu ai. Chyoi pra ai Wenyi a lam madun woi awn ai hpe n hkam la lu ai rai yang, Madu Yesu gaw Madu rai nga ai nga nna kadai mung n yin la lu ai lam ngai nanhte hpe chye shangun mayu made ai.

1 KORINHTU 15:47

Shawng na masha Adam gaw ga hte hpan da ai rai nna, dinghta ga na rai nga ai; hpang na Adam chyawm gaw sumsing lamu na du sa ai rai nga ai.

1 KORINHTU 8:6

Rai ti mung, anhte a matu gaw Kawa ngu ai Karai Kasang langai sha rai nga ai rai nna, shi gaw yawng mayawng hte hpe hpan da ai wa hte, shi a matu anhte asak hkrung nga ga ai. Yesu Hkristu ngu ai Madu mung langai sha rai nna, shi a marang e yawng mayawng tai wa ai hte shi a majaw anhte asak hkrung nga ga ai.

1 PETRU 1:21

Madu Yesu hpe si ai kaw na bai hkrung sharawt la nna hpung shingkang ap ya hkrum ai wa a marang e, nanhte Karai Kasang hpe kam sham nga manit dai; shing rai nanhte a makam masham hte myit mada ai lam gaw, Karai Kasang hta jung noi nga ai.

1 YAWHAN 4:15

Yesu gaw Karai Kasang a Kasha rai nga ai nga nna marai langai ngai yin la ai rai yang, shi gaw Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 YAWHAN 4:2

Karai Kasang a Wenyi rai n rai chye lu na lam da ndai rai nga ai. Yesu Hkristu gaw shinggyim hkum shan dagraw nna du sa ai, nga nna yin la ai ni kadai mung Karai Kasang kaw na Wenyi hkam la lu ai ni rai ma ai.

2 YAWHAN 1:7

Yesu Hkristu gaw masha a hkum shan hpe dagraw nna du sa ai hpe ndang kau ai hkalem ai masha law law wa mungkan ga shara shagu de pru sa mara ai. Shing re ai masha gaw masu hkalem ai hte Hkristu a hpyen rai nga ai.

SHINGRAN 3:5

Awng padang lu ai ni gaw ning re ai hpraw ai hpun palawng bu hpun lu na mara ai; shanhte a amying ni hpe asak laika hta na ngai shaprai kau ya na n rai. Nye Wa a man e mung, shi a lamu kasa ni a man e mung, shanhte gaw ngai hte seng ai ni rai ma ai ngu nna, dan dan leng leng ngai tsun shana yin la na nngai.