HPILIPI 1:8 - Jinghpaw Common Language Bible 2009

⁸ Ngai gaw Hkristu Yesu shi nan a myit masin hta rawng ai n-gaw nwai ai myit hte nanhte hpe myit dum marit nga nngai, ngu nna ngai tsun ai ga teng nga ai gaw Karai Kasang nye a sakse rai nga li ai.

Jinghpaw Hanson Version Bible

⁸ Kaning rai nme law, Hkristu Yesu a n-gaw nwai ai hta ngai nanhte nlang hte hpe gade wa nra la nga nngai gaw, Karai Kasang nye a sakse rai nga ai.

HPILIPI 1:8 Iomraidhean Croise

YOBA 16:19

Nye a matu tsap ya na hte nye a maga de nga ya na marai langai ngai sumsing lamu e nga nga ai.

ESAIA 16:11

Ngai gaw Moba a matu yawn hkyen ai hte madai sharung nngai, Kira Heresha a matu sharung shayawt nngai.

ESAIA 63:15

Madu e, na a chyoi pra ai hte hpung shingkang hta shanu nga ai sumsing lamu kaw na anhte hpe gum yu mi. Anhte a matu na a galu kaba ai tsang ai myit gaw kanang rai nga a ta? Na a daru magam n-gun kanang rai nga a ta? Na a tsaw ra myit hte matsan dum ai myit kanang rai nga a ta? Anhte hpe hpa n nawn hkum rai et.

YEREMIA 31:20

“Israela e, nang gaw nye a tsaw ra dik htum ai kasha rai nga ndai ngai tsaw ra dik htum ai ma mung rai nga ndai. Na a amying hpe ngai tsun shaga ai aten shagu, nang hpe tsaw ra myit hte sha ngai sumru nngai. Nye a myit masin nang hta myit kap nga ai rai nna, nang hpe matsan dum na nngai.

LUKA 1:78

Anhte a Karai Kasang gaw tsaw ra matsan dum ai myit hte hpring tsup nga ai: shi a hkye hkrang la ai chyeju nhtoi gaw lamu ntsa na jan shingkang zawn anhte a ntsa e du nna;

ROMA 1:9

Ngai tsun ai ga teng man nga ai gaw nye a myit kraw lawang mahkra hte shi a Kasha a Kabu Gara Shiga a lam hkaw tsun ai hte ngai daw jau nga ai Karai Kasang nan nye a sakse rai nga ai.

ROMA 9:1

Ngai gaw Hkristu hte seng ai wa rai nna teng man ai ga ngai tsun nga nngai, hte ngai n masu nngai. Ngai teng man ai ga tsun nga nngai gaw dai Chyoi Pra ai Wenyi e up hkang ai hpe hkam la nga ai nye a kraw lawang myit e sakse hkam ya nga ai.

2 KORINHTU 13:9

Dai rai nna, anhte gawng kya nga nna nanhte n-gun ja nga yang, anhte kabu gara ga ai. Shing rai nanhte hkum tsup ai ni rai wa myit ga mung anhte akyu hpyi nga ga ai.

2 KORINHTU 6:12

Nanhte mahtang she anhte a tsaw ra myit hpe nanhte kaw n du hkra pat da myit dai.

2 KORINHTU 7:15

Shi a sharin shaga ai lam ni hpe nanhte madat mara na matu jin nga myit dai hpe mung, hkrit gari ai hte shi hpe nanhte hkap tau hkalum la myit dai hpe mung, shi myit dum nga ma ai majaw, nanhte hpe tsaw ra ai shi a shawang myit gaw grau nna galu kaba n-gun ja wa nga lu ai.

GALATI 1:20

Ya ngai ka dat ai lam gaw teng ai lam rai nga ai; ngai masu magaw ga n tsun nga ai hpe Karai Kasang chye nga ai!

GALATI 3:26

Hpa majaw nga yang, Hkristu Yesu hta e kam sham nga myit dai majaw, nanhte nlang hte gaw, Karai Kasang a kashu kasha ni rai nga myit dai.

GALATI 4:19

Tsaw ra ai kashu kasha ni e, Hkristu a gawng shingyan nanhte hta hkum tsup wa ai aten du hkra, ngai gaw ma shangai ai kanu zawn shinggyim machyi ai hpe nanhte a matu kalang mi bai hkam nga nngai.

HPILIPI 2:1

Nanhte gaw Hkristu hte rau asak hkrung ai a marang e n-gun lagaw hpring wa myit dai hte shi a tsaw ra myit gaw nanhte hpe shalan shabran ai lam jaw myit dai. Dai hta n-ga Wenyi a kanawn mazum lu ai lam hte shada da n-gaw nwai matsan dum ai lam hkam la nga myit dai.

HPILIPI 2:26

Shi gaw nanhte nlang hte hpe sa hkrum lu na, shi nachying myit ndawt nga ai. Hpa majaw nga yang shi machyi ai hpe nanhte na yu manit dai rai nna shi grai wa myit ru myit yak nga ai.

HPILIPI 4:1

Dai rai nna hpu nau ni e, nanhte hpe ngai grai tsaw ra nga made ai hte grai myit dum marit nga nngai. Nanhte gaw nye a kabu gumrawng shara rai myit dai. Tsaw ra ai ni e, dai Madu hte langai sha tai nna asak hkrung ai lam hta ngang ngang lahpran tsap nga mu.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

KOLOSE 3:12

Nanhte gaw Karai Kasang a masha ni rai nga myit dai rai nna, shi gaw nanhte hpe tsaw ra nna shi a matu mara lata la hkrum ai ni rai nga myit dai. Dai re ai majaw nanhte gaw n ja n hpra ai, matsan dum lama ai, myit nem ai, sumnung shingdi ai myit galu kaba ai hpe bu hpun dagraw nga mu.

1 HTESALONI 2:5

Hpa majaw nga yang, nanhte atsawm sha chye nga myit dai hte maren, anhte gaw nanhte hpang de n teng n man ai hku asawng hkalem ai ga tsun shaga let, shing n rai nammak lawhpa ai lam hpe magap ai ga ni lang let sa ga ai n rai. Dai lam hta Karai Kasang nan sakse rai nga ai.

1 HTESALONI 2:8

Nanhte gaw anhte a grai nja nhpra re ai ni tai wa manit dai! Karai Kasang kaw na Kabu Gara Shiga sha n rai, anhte a asak hpe pyi garan jaw na jin jin rai nga ga ai.

2 TIMOHTI 1:4

Na a myi prwi ni hpe ngai dum ya nga nngai rai nna ngai hta dai kabu gara ai hte hpring tsup wa u ga, nang hte hkrum lu na matu ngai grai myit n dawt nga nngai.

HPILEMON 1:12

Ya e shi hkum nan hpe nang hpang de ngai wa shangun dat nngai; dai lam hta nye a tsaw ra myit du nna lawm nga ai.

HPILEMON 1:20

Dai re ai majaw nye a hpu nau wa e, dai Madu a myi man hpe tau nna chyeju hte ndai ngai hpyi nem nga ai lam galaw ya rit. Hkristu hta hpu nau shada rai nga ai hku nna nye a myit masin hpe shangwi shapyaw ya rit.

1 YAWHAN 3:17

Sut gan lu su ai wa rai nga da nhtawm, shi a hpu nau wa matsan mayan ra kadawn nga ai hpe mu ninglen, shi a matsan dum ai myit masin hpe pat kau wu yang gaw, shi gaw Karai Kasang hpe tsaw ra ai ngu nna kaning rai tsun lu na a ta?