Daniela 9:3 - Jinghpaw Common Language Bible 2009

³ Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

Jinghpaw Hanson Version Bible

³ Dai rai nna ngai gaw, lusha gam nna, lachyit nba bu hpun ai hte, wan dap galu let, Madu Karai Kasang hpe akyu hpyi nna, tawngban ai hte tam nngai.

Daniela 9:3 Iomraidhean Croise

2 SAMUELA 12:16

Dawi chyawm gaw dai ma kaja wa na matu Karai Kasang kaw akyu hpyi nga ai. Lusha lama ma sha na matu mung shi ningdang kau nhtawm shana shagu shi a gawk kata de shang wa nna dun ntsa e galeng let shana hpe shalai kau kau di wu ai.

EZRA 10:6

Dai hpang shi gaw Nawku Htingnu ndaw kaw nna Eliashib a kasha Yehohanan a nga shara nta de shang sa nhtawm bawng lawt ai ni a n kam n sham ai a majaw dai yang e shana tup yawn madai let nga shalai kau wu ai. Shi gaw hpa mung n lu n sha rai nga ai.

EZRA 8:21

Anhte a Karai Kasang a man e anhte yawng lusha gam nna tinang hkum hpe shagrit shanem na matu mung, anhte a hkrun lam hpe woi awn ya na hte anhte hpe mung anhte a kashu kasha ni hpe mung, anhte a sut gan ni hpe mung makawp maga ya na matu shi kaw hpyi nem na matu shanhte hpe Ahawa hka makau e hkang da ni ai.

EZRA 9:5

Ya, shana de na shagu hkungga nawng jau na aten du jang, ngai yawn hkyen nga ai shara kaw nna rawt nhtawm, gang je kau sai hpun palawng ni hpe bu hpun ai hte lahput hput di let, dai Madu nye a Karai Kasang hpang de lata ladawn nna akyu hpyi nngai.

NEHEMIA 9:1

Dai shata a hkun mali ya shani e, Israela amyu masha ni gaw shanhte galaw shut ai yubak mara ni a majaw yawn hkyen ai hpe madun nna lusha gam na matu hpawng nga ma ai. Dai rai nna shanhte gaw maigan masha ni yawng hte jahka kau ma ai. Shanhte gaw yawn hkyen ai kumla madun na nga, lachyit nba bu hpun nna shanhte a baw ntsa hkan e ga nhpu hte bun ma ai. Dai hpang shanhte hte shanhte a kaji kawa ni shut hpyit kau ai yubak mara ni a matu, shanhte rawt tsap let mara yin la hpang wa ma ai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 35:13

Rai ti mung, shanhte machyi hkrum nga ma ai shaloi, sharung shayawt ai hku nna, lachyit nba bu hpun let; lusha gam nna nye a hkum hpe shagrit kau nhtawm jinghku wa shing n rai hpu nau langai ngai a matu akyu hpyi myit dum ya ai zawn, nye a baw gum dagup ai hte ngai akyu hpyi ni ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

EZEKELA 36:37

Tsaw Htum ai dai Madu gaw, “Ngai gaw karum la na matu ngai hpe hpyi ai Israela amyu masha ni a nsen hpe kalang mi bai madat ya na nngai. Dai hpang, ngai gaw shanhte hpe sagu hpung zawn shalaw jahtam shangun na nngai.

Daniela 6:10

Dai zawn hkang da ai hta dazik shakap da sai hpe Daniela chye jang, nta de wa mat wa wu ai. Ya shi a nta ntsa gawk hta Yerusalem mare maga de man yawng nna hpaw da ai hkuwawt chyinghka ni nga nga ai. Dai yang e, shi galoi mung galaw nga ai hte maren, hpaw da ai hkuwawt chyinghka ni hta hput di let lani mi masum lang Karai Kasang kaw akyu hpyi nga ai.

Daniela 9:2

Shi hkaw dung ai laning mi hta, chyoi pra ai laika ni hpe hti let, dai Madu gaw myihtoi Yeremia hpe tsun dan nu ai hte maren, Yerusalem hten run mat na ngu ai sanit shi ning hte seng nna myit sumru yu nga nngai.

Daniela 9:20

Ngai gaw akyu matut hpyi nga nngai rai nna, nye a yubak ni hte nye a amyu masha Israela masha ni a yubak ni hpe la let shi a chyoi pra ai Nawku Htingnu bai gram lajang gaw gap na matu dai Madu nye a Karai Kasang hpe hpyi nem nga nngai.

Daniela 9:4

Ngai gaw dai Madu nye a Karai Kasang hpe akyu hpyi let nye a amyu masha ni a yubak mara ni hpe yin la nga nngai. Ngai gaw, “Madu Karai Kasang e, nang gaw galu kaba nga ndai majaw anhte nang hpe shagrau sha-a ga ai. Nang gaw na a ga shaka hta sadi dung nga ndai rai nna nang hpe tsaw ra ai ni hpe dinggrin tsaw ra myit madun dan nna nang hkang da ai hte maren hkan galaw nga ndai.

YOELA 1:13

Tawn hkungri hta daw jau amu galaw ai hkinjawng ni e, lachyit nba hpun let hkrap nga mu! Nawku Htingnu kata shang nna shana tup sharung shayawt mu! Nanhte a Karai Kasang a matu nawng ya na nsi naisi hte sabyi ntsin n nga sai.

YOELA 2:12

Dai Madu gaw, “Ya rai ti mung, myit kraw asan sha hte myit malai wa nna, lusha gam, hkrap shabam nna sharung shayawt ai hte ngai hpang de nhtang wa marit.

YONA 3:5

Ninewe mare masha ni gaw Karai Kasang a mungga hpe kam ma ai. Dai rai nna shanhte myit malai lu sai hpe madun na matu kaba grau ai kaw nna kaji htum ai wa kaw du hkra, masha shagu lachyit nba hpun let lusha gam na matu daw dan da nga ma ai.

MAHTE 17:21

“Rai ti mung, ndai baw nat hpe gaw akyu hpyi nna lusha gam ai hte sha n rai yang gaw, kaga hpa lam hku nna n shaden kau lu ai,” ngu mu ai.

LUKA 2:37

Dai num gaw Nawku Htingnu kaw na n pru ai sha, lusha gam nna akyu hpyi ai hte Karai Kasang hpe nawku daw jau let anga nga ai.

KASA 10:30

Korneli gaw, “Lai wa sai masum ya ngu na nhtoi hta, nye a nta e shana de daw hkying masum daram hta ngai akyu hpyi nga nngai. Dai shaloi akajawng sha tu kabrim ai hpun palawng bu hpun ai wa langai mi nye a man e tsap pru nna,