Daniela 9:2 - Jinghpaw Common Language Bible 2009

² Shi hkaw dung ai laning mi hta, chyoi pra ai laika ni hpe hti let, dai Madu gaw myihtoi Yeremia hpe tsun dan nu ai hte maren, Yerusalem hten run mat na ngu ai sanit shi ning hte seng nna myit sumru yu nga nngai.

Jinghpaw Hanson Version Bible

² ngai Daniela gaw laika ni hpe sawn yu yang, Yerusalem mare hten byak nna, sanit shi ning lai wa u ga, nga nna myihtoi Yeremia kaw du ai Yehowa a mungga majaw, ndai shaning ni a nambat hpe, ngai chye na lu nngai.

Daniela 9:2 Iomraidhean Croise

2 HKAWHKAM LABAU 36:21

“Lamu ga hpe bansa jaw ai htung tara n hkan shatup ai majaw dai hpe bai shatup na matu lamu ga gaw sanit shi ning tup katsi katsang shara tai mat na ra ai,” ngu nna myihtoi Yeremia a ga hku dai Madu tau tsun da ai ga gaw dik wa nga sai.

EZRA 1:1

Persi hkawseng Kuru hkaw dung ai shawng shaning hta e, myihtoi Yeremia hku tsun nu ai dai Madu a mungga gaw dik wa nga sai. Shi gaw ndai hkang da ai ga hpe ning ngu ka shapraw nhtawm shi up ai mungdan shara shagu hkan hproi hkra ja ja hti ndau na matu Kuru hpe kalang lata galaw shangun wu ai:

SHAKAWN KUNGDAWN 119:24

Na a ga matsun ni ngai hpe myit shapyaw ya nna; dai gaw ngai hpe hpaji jaw, lam madun ai ni rai nga ai.

ESAIA 64:10

Na a chyoi pra ai mare ni gaw nam mali zawn tai mat sai; Yerusalem gaw katsi katsang hten run mat sai,

YEREMIA 1:1

Ndai laika gaw Benyamin a mungdaw na Anahtot mare e nga ai hkinjawng ni hta na Hilkia a shadang sha Yeremia tsun tawn ai myihtoi ga ni hpe ka da ai laika rai nga ai.

YEREMIA 25:18

Yerusalem hte Yuda mare ni yawng, de a hkawhkam ni hte mung up hkang du salang ni yawng hte gaw arau sha dai gawm kaw na lu nga ma ai. Shanhte gaw katsi katsang shara, hkrit hpa shara hte yu kajawng na zawn re ai shara tai masai; amyu masha ni mung shanhte a mying hpe ya du hkra naw galaw nga ai arawn alai hte maren dagam dala shara tai nga ai.

YEREMIA 26:18

“Yuda Hkawhkam Hezekia hkaw dung ai shaloi, Morashi masha myihtoi Mihka gaw amyu masha ni yawng hte hpe myihtoi ga tsun let, Chyahtum Chyalai N-gun Rawng ai dai Madu gaw, ‘Ziun gaw hkauna galau ai zawn, galau kau hkrum na ra ai; Yerusalem gaw ga sumpum tai mat na ra ai, Nawku Htingnu kawng gaw nam maling tai mat na ra ai,’ ngu nna tsun nu ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 27:7

Masha amyu baw ni yawng hte gaw shi a mungdan hkrat sum mat wa ai aten du hkra shi hpe mung, shi a kasha hpe mung, shi a kashu hpe mung daw jau na mara ai. Dai hpang, shi a amyu ni gaw daru magam n-gun ja ai masha amyu baw ni hte hkawhkam kaba ni hpe daw jau na mara ai.

YEREMIA 29:10

Dai Madu gaw, ‘Babelon mung hta sanit shi ning ladu hkrum ai shaloi, nanhte a matu nye a myit tsang ai lam ngai madun dan na mawe ai; nanhte hpe dum nta de bai woi wa na ngu ai nye a ga sadi hpe shadik shatup na nngai.

YEREMIA 7:34

Mungdan gaw katsi katsang shara tai mat wa na ra ai; Yuda mare ni hte Yerusalem mare lam ni hta kabu gara ai nsen hte hkungran lusha poi galaw ai ni a nsen ni hpe ngai jasim kau na we ai.

SHARUNG SHAYAWT 1:1

Lang mi amyu masha law law hte wu wu di di nga yu sai Yerusalem gaw kade sha garen gari rai nga ma hka! Lang mi mungkan hku nna shagrau shatsaw hkrum yu sai dai numsha gaw gaida jan zawn rai nga ai. Mare ni hta na arawng lu htum ai mare gaw mayam prat de hkrat bang mat nu ai.

EZEKELA 29:11

Masha mung, yam nga mung dai hku kadai lai lu na n rai, dai mung hta shaning mali shi ning tup kadai mung nga lu na ra ai n rai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

ZEHKARIA 1:12

Dai hpang, lamu kasa gaw, “Chyahtum Chyalai N-gun rawng ai Madu e, nang gaw ndai sanit shi ning tup Yerusalem mare hte Yuda mung na mare ni hpe masin pawt bu ndai. Nang gaw shanhte hpe galoi du hkra matsan n yu dum na rai ta?,” ngu nna tsun wu ai.

ZEHKARIA 7:5

Shi gaw, “Ndai sanit shi ning laman shata manga hte shata sanit hta, lusha gam nna hkrap ngu hkrap ngoi myit yang, dai gaw ngai hpe shagrau sha-a ai amu n rai nga myit dai lam mungdan amyu masha ni hte

MAHTE 24:15

“Myihtoi Daniela tsun dan ai dai ‘Jahten Shabya ai,’ hkrit kajawng matsat na zawn re ai arai hpe nanhte mu na marin dai. Dai gaw, dai chyoi pra ai shara hta tsap nga na ra ai. (Laika hti ai wa, ndai lam hpe ngu mayu ai hpe sadi let chye na ra na re.)

MARKU 13:14

“Hkrit kajawng matsat si na zawn san ai arai gaw n nga ang ai shara hta nga ai hpe nanhte mu lu na marin dai, (Laika hti ai wa a matu matsing hpa ndai lam hpa re ai hpe atsawm sha chye na nga u ga!) Dai shaloi e, Yuda mung hta nga ai ni gaw, bum lang de hprawng gat mu ga,

KASA 8:34

Shaloi dai du wa gaw Hpilip hpe, “Myihtoi wa gaw kadai hpe sha-ang nna tsun nga a ta? Shi hkum hpe tsun ai rai kun? Shing n rai kaga wa a lam tsun ai rai kun?,” ngu nna san wu ai.

1 TIMOHTI 4:13

Ngai sa du ai ten du hkra shawa masha ni a man de Chyum Laika hti dan ai lam, mungga htawn tsun ai lam hte sharin achyin ai lam hpe aten jaw nna atsam dat galaw shakut nga u.

SHINGRAN 1:3

Ndai shingran Chyum Laika hpe hti ai wa hte, ndai myihtoi ga hte hpe madat mara nna, ndai laika hta ka da mada hpe hkan galaw ai ni gaw a lu ma ai. Hpa majaw nga yang, tsun dan ai amu lam ni byin wa na ahkying ladaw ni wa magang ra ai.