Daniela 8:7 - Jinghpaw Common Language Bible 2009

⁷ Ngai gaw sagu la hpe htim gasat nga ai hpe yu nngai. Shi gaw masin grai pawt ai rai nna shi hpe daru anyawp kau ai hte nrung lahkawng daw agrawp mat nga ai. Sagu la mung shi hpe hkap daw na n-gun n rawng nga ai. Shi mung ga de kadawng mat ai hte kabye anut kau hkrum nga ai; dai yang e shi hpe kadai e mung n hkye la lu nga ai.

Jinghpaw Hanson Version Bible

⁷ Shing rai shi gaw, dai sagu la hte ni wa nna, pawt bu ai hte shi hpe daru dang kau ai hte, de a nrung yan hpe agrawp daw kau ya ai, ngai mu nngai: dai sagu la gaw hkap daw lu ai n-gun n nga ai majaw, namla gaw shi hpe ga de kadawng kau nna, kabye kau wu ai: dai sagu la hpe, shi a lata na mawai la lu ai wa, kadai n nga ai.

Daniela 8:7 Iomraidhean Croise

Daniela 11:11

Egutu hkawhkam wa gaw shi a masin kahtet ai a majaw Suri hkawhkam wa hpe majan gasat ai hte shi a luksuk kaba hpe gasat dang kau na ra ai.

Daniela 7:12

Kaga matse labye dusat ni shanhte a n-gun yawm mat ti mung, shanhte gaw masat da ya ai aten ladaw laman matut hkrung nga lu na ahkang naw lu nga ma ai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

Daniela 8:10

Dai gaw sumsing lamu a luksuk hpe htim gasat lu hkra n-gun law ram hkra kaba wa nga ai; shagan ni hta na nkau mi hpe ga de kabai kau nna kabye anut kau nga ai.

Daniela 8:6

Shi gaw hka nu makau e tsap nga ai dai ngai mu kau da ai sagu la nga ai maga de sa wa nhtawm shi a n-gun mahkra hte shi hpang de htim sa wa wu ai.

Daniela 8:8

Dai bainam gaw grau grau nna shakawng shakat nga ai; rai ti mung shi n-gun atsam an nga yang, shi a nrung daw mat nga ai. De a shara hta laklai dan dawng ai nrung mali tu pru wa nna dai ni gaw kaga ga de madun dan nga ma ai.

JAW JAU 26:37

Nanhte hpe kadai n shachyut tim langai hte langai a ntsa e ahtu kataw na rai myit dai. Kaning re ai gumlau hpyen hpe mung nanhte gasat ninghkap lu na myit dai n rai.

YAWSHU 8:20

Ai masha ni shanhte a mare hpe kayin yu ma yang, lamu de wan hkut dingchyung rai lung wa ai hpe shanhte mu ma ai. Bai hprawng mat wa masu ai prang yang de na Israela amyu masha ni mung shanhte hpe nhtang htim gasat ma ai majaw shanhte a matu hprawng lawt na lam n nga nga malu ai.