Daniela 8:2 - Jinghpaw Common Language Bible 2009

² Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

Jinghpaw Hanson Version Bible

² Ngai mu ai shingran gaw da ndai rai nga ai; ngai hkum nan Elam mungdaw na Shushan htingnu hta e rai nga nna, shingran mu yang gaw, Ulai hka kau e rai nga nngai.

Daniela 8:2 Iomraidhean Croise

NINGPAWT NINGHPANG 10:22

Shem a shadang sha ni gaw Elam, Ashura, Arhpaza, Luda hte Aram ni rai nna shanhte a mying ni hta hkan nna pra nga ai amyu masha ni a kaji kawa ni tai wa nga masai.

NINGPAWT NINGHPANG 14:1

Hkawhkam mali rai nga ai, Babelon hkawhkam Amrahpela, Elasa hkawhkam Ariok, Elam hkawhkam Hkedalauma, hte Goim hkawhkam Htidala

NEHEMIA 1:1

Da ndai gaw kung kyang ai Hakalia a kasha Nehemia a lam rai nga ai. Hkun ning ngu na Hkesle shata hta, Ngai Nehemia gaw mare daju Susa hta nga nga yang, Artazazi gaw Persi mung a hkawseng rai nga ai.

ESHTA 2:8

Hkawhkam wa shi a mungga nnan htuk shapraw dat wu ai shaloi, numsha law law hte gaw Susa de woi sa ai hkrum nga ma ai. Eshta mung shanhte hta lawm nga ai rai nna numsha ni nga ai nta hpe woi hpareng ai Hegai a lata hta ap ya ai hkrum nhtawm hkawhkam htingnu kata hta shi hpe mung tawn da mu ai.

ESHTA 3:15

Hkawhkam wa hkang dat ai hte maren dai aming hpe Susa mare daju hta ndau shana ai hpang, shiga sa ai ni mungdaw shagu de dai shiga gun sa mat wa ma ai. Susa mare kashuk kashak kaming kamawng byin hkrum nga yang, hkawhkam wa hte Haman yan chyawm gaw dung let sabyi lu nga ma ai.

ESHTA 7:6

Eshta gaw, “Anhte a gumlau hpyen, anhte hpe zingri ai wa gaw ndai n hkru ai Haman nan rai nga ai,” ngu nna htan wu ai. Shaloi Haman gaw hkawhkam wa hpe azi yu let hkawhkam jan a man e hkrit gari nga ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

ESHTA 9:11

Dai shani e Susa mare hta sat kau hkrum ai masha law law a jahpan hpe hkawhkam wa hpang de sa madun ma ai.

ESHTA 9:15

Susa mare hta nga ai Yuda masha ni gaw Adara shata shi mali ya shani e, bai zuphpawng nna dai mare kata na lasha masum tsa jan hpe sat kau mu ai. Rai ti mung shanhte gaw lanep arai hpa mung n hta la nga ma ai.

ESAIA 11:11

Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 32:24

Elam mung gaw dai yang e, shi a grup grup hta shi a hpyenla ni a lup sung hku ni hte nga nga ai. Shanhte yawng gaw majan hta sat kau hkrum nga ma ai; shanhte gaw matu gadoi n hkam la ai sha katsan ga de yu mat wa masai. Shanhte gaw asak naw hkrung nga yang, hkrit hpa lam shapraw ma ti mung, ya chyawm gaw shanhte si taw ai hte myi man sum nga masai.

Daniela 10:4

Dai shaning na shawng shata a hkun mali ya shani e Tigri hka nu kaba a hkin-gau ntsa e ngai tsap nga nngai.

Daniela 7:15

Ngai mu ai shingran ni gaw ngai hpe kajawng shangun nga ai, ngai gaw dik hkra myit ung ang ai hkrum mat nngai.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

Daniela 8:1

Belshaza hkaw dung ai masum ning hta, ngai gaw lahkawng ngu na shingran mu nngai.

Daniela 8:3

dai hka nu makau e nrung galu lahkawng tu ai sagu la langai hpe ngai mu nngai; nrung langai mi gaw kaga langai mi hta grau galu nna nrung nnan rai nga ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

HEBRE 1:1

Moi prat hta Karai Kasang gaw anhte a ji wa ni hpe ga shaga ai lam law law lang, lai ladat amyu myu hku nna myihtoi ni a n-gup hte htawn tsun lai wa sai.

SHINGRAN 9:17

Bai, nye a shingran hta gumra ni hte dai ni hta jawn ai ni hpe ngai mu nngai; shanhte gaw wan zawn hkyeng ai, nila seng mut zawn mut ai, kan zawn htoi ai nsam rawng ai sinda magap dagap da ma ai. Gumra ni a baw ni gaw hkanghkyi ni a baw ni hte bung nga ai rai nna, shanhte a shinglet hta na wan numli, wan hkut hte kan pru nga ai.