Daniela 7:8 - Jinghpaw Common Language Bible 2009

⁸ Ngai gaw dai nrung ni hpe yu mau nga yang, kaga ni a ka-ang hta nrung kaji tu pru wa nga ai hpe ngai mu nngai. Dai gaw dai yang e nga nga sai nrung masum hpe baw kau nga ai. Ndai nrung hta gumrawng gumtawng ai hte shakawng shakat chye ai masha a myi ni hte n-gup langai rawng nga ai.

Jinghpaw Hanson Version Bible

⁸ Dai nrung ni hpe ngai mada yu nga yang, yu u, dai nrung ni a ka-ang e, nrung kaji langai mi tu pru nga ai; dai nrung majaw, shawng na nrung ni hta na nrung masum hpe, pawt hte nawng baw kau wu ai: bai, yu u, ndai nrung kaji hta masha myi hte bung ai myi tu nna, ga kaba chye tsun ai n-gup tu nga ai.

Daniela 7:8 Iomraidhean Croise

SHAKAWN KUNGDAWN 12:3

Madu e, abawk ai ga tsun ai shinglet ni hpe shazim kau u! “Anhte a n-gup ga ni hte anhte ra ai lam lu la ga ai, anhte hpa ra sharawng ai lam hpe tsun dan na ga ai hte langai mi mung anhte hpe jahkring da lu na n rai,” nga nna shakawng ai ga tsun ai n-gup ni hpe pat kau ya u.

Daniela 11:36

“Suri hkawhkam gaw shi myit ra ai hte maren galaw na ra ai. Shi gaw kaga karai kadai hta mung grau kaba nga ai: Tsaw Htum ai Karai Kasang hta pyi grau kaba nga ai nga nna shi shakawng dan na ra ai. Karai Kasang shi hpe ari jaw ai aten du hkra, shi gaw ndai amu galaw na ra ai. Karai Kasang gaw shi shatawng shada nu ai hte maren tup hkrak galaw na ra ai.

Daniela 7:19

Dai hpang ngai gaw kaga kadai hte mung n bung ai mali ngu na matse labye dusat a lam hpe grau nna chye mayu nga nngai. Dai jahkrit shama ai matse labye dusat gaw tsin-yam hkrum sha ai ni hpe magri mang lamyin hte hpri awa ni hte agrawp daw kau nna dai ni hpe kabye anut kau nga ai.

2 HTESALONI 2:4

Shi gaw masha ni nawku daw jau nga ai karai ngu ai baw nga manga hpe nhtan shai ninghkap nna, shi hkum nan hpe yawng mayawng a ntsa e hpung shingkang grau rawng ai wa re ngu nna shagrau shatsaw na ra ai. Shi gaw Karai Kasang a Nawku Htingnu kata de pyi sa shang dung nga nna shi hkum dai Karai Kasang re ai ngu nna tsun ndau na ra ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

2 PETRU 2:18

Shanhte gaw shut hpyit lam dam mat ai masha hpawng kata na ningnan sha lawt pru magang wa ai ni hpe kaman lila grang ai ga tsun let hkum shan a myit kayut ai lam ni hte hkalum la nna lam woi shadam ma ai.

YUDA 1:16

Ndai masha ni gaw galoi mung aput angun nga nna masha kaga ni hpe mara sha shagun nga ma ai; shanhte gaw shanhte a n hkru n kaja ai, ra marin ai hta hkan nang ma ai. Shanhte gaw tinang a lam hpe shakawng gumrawng chye ma ai; shanhte gaw tinang a akyu pru hkra masha wa hpe kawng sharawt ya masu ai hku hkalem ai ga chye tsun ma ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 9:7

Dai dinggam-yaw ni gaw, hpyen gasat na matu byau shajin tawn ai gumra ni hte bung nga ai; shanhte a baw ni hta ja janmau ni zawn san ai chyawp tawn nna shanhte a myiman gaw masha a myiman hte bung nga malu ai.

1 SAMUELA 2:3

Nanhte a ja ja shakawng ga tsun ai hpe jahkring kau mu; nanhte a gumrawng gumtawng ai ga hkum ni hpe shazim kau mu. Dai Madu gaw chye ningchyang Karai Kasang rai nga ai; shi gaw amyu masha ni galaw ai amu yawng mayawng hpe jeyang ya nga ai.