Daniela 7:7 - Jinghpaw Common Language Bible 2009

⁷ Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

Jinghpaw Hanson Version Bible

⁷ Dai hpang shana na shingran hpe ngai mu nna, yu u, hkrit na nsan ai, n-gun ja ai hte atsam grai rawng ai, mali ngu na dusat paw pru nga ai; dai dusat gaw grai kaba ai hpri wa tu nga ai: shi kawa agrawp daw kau nna, ngam nga ai arai ni hpe lagaw hte kabye anin kau nga ai; dai gaw shawng na dusat ni mahkra hte shai nna, nrung shi tu nga ai.

Daniela 7:7 Iomraidhean Croise

2 SAMUELA 22:43

Ga nhpu zawn tai mat hkra ngai shanhte hpe adup mani mawe ai; nmaw lam ntsa na hkumpup zawn shanhte hpe ngai kabye anya kau we ai.

YOBA 41:14

Nyin jahkrit lu ai awa grup grup rawng ai shi a shakap ni hpe kadai wa mahka shangun lu a ta?

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

Daniela 2:19

Dai hpang dai shana jang, makoi magap ai yup mang gaw Daniela a shingran hta shapraw shadan dan nga ai; shi gaw sumsing lamu a Karai Kasang hpe shakawn kungdawn wu ai:

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:2

dai shana e ngai mu ai yup mang rai nga ai: Nbung ni man shagu de nna bung wa nhtawm nammukdara hka man ntsa hku ahpawt mat wa nga ai.

Daniela 8:10

Dai gaw sumsing lamu a luksuk hpe htim gasat lu hkra n-gun law ram hkra kaba wa nga ai; shagan ni hta na nkau mi hpe ga de kabai kau nna kabye anut kau nga ai.

Daniela 8:22

Dai shawng na nrung daw mat ai shaloi nrung mali tu pru wa ai gaw mungdan mali tai wa ai masha amyu ga karan mat nna shawng na mungdan zawn n-gun rawng na ra ai n rai.

ZEHKARIA 2:1

Ngai gaw kaga shingran hta shadawn sumri hpe shi a lata hta lang da ai masha langai hpe mu nngai.

SHINGRAN 12:3

Bai kaga mauhpa lamik kumla kaba langai mi lamu kata e dan pru wa ai. Baw sanit tu nna, nrung shi tu ai hkyeng ai baren numraw kaba langai mi gaw, shi a baw ni hta janmau langai hpra gup da nga ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 17:12

“Nang mu ai nrung shi gaw, hkawhkam ahkang aya garai n hkam la ai hkawhkam shi rai nga ma ai. Rai ti mung, dai matse labye hte rau hkying hkum mi hpra hkawhkam hku up na ahkang aya jaw da ai hkrum na mara ai.

SHINGRAN 17:7

Dai rai nna, dai lamu kasa gaw, “Hpa majaw nang mau mahka nga n ta? Dai numsha a makoi magap ai hte sung htum ai lachyum hpe mung, baw sanit, nrung shi tu ai matse labye a makoi magap ai hte sung htum ai lachyum hpe mung, ngai nang hpe tsun dan de ga.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.