Daniela 7:6 - Jinghpaw Common Language Bible 2009

⁶ Ngai mada yu nga yang, kaga matse labye dusat langai paw pru wa nga ai. Dai gaw rawnggawk hte bung nna, de a shingma hta ntsa malen u a singkaw hte bung ai singkaw mali nga nga ai, shi hta baw mali tu nga ai. Dai hta ahkang aya lu ai nsam rawng nga ai.

Jinghpaw Hanson Version Bible

⁶ Dai hpang ngai mada yu yang, yu u, rawnggawk hte bung ai dusat kaga paw pru nga ai: dai gaw de a marung ntsa e u singkaw mali tu nga ai: dai dusat gaw, baw mali mung tu nna, up ai ahkang aya lu la nga ai.

Daniela 7:6 Iomraidhean Croise

EZEKELA 17:3

shanhte chye na la mu ga, Tsaw Htum ai dai Madu ngai nan tsun nga ai ga shadawn hpe htawn tsun u: Yu tsawm ai u mun law law tu nhtawm, galu kaba ai singkaw ni hpe dam lada kahpyan da ai galang kaba langai nga nga ai. Shi gaw Lebanon bum ni nga ai de pyen sa wa nhtawm, arit hpun ndung na makrung hpe kawa di let,

Daniela 10:20

Shi mahtang, “Ngai nang hpang de hpa majaw sa ai lam nang chye nga n ni? Ngai gaw nang hpe Teng Man Ai Laika hta hpa baw ka da ai lam tsun dan na nngai. Ya chyawm gaw ngai naw nhtang wa nna Persi sin langa lamu kasa hpe gasat na nngai. Dai hpang Grik sin langa lamu kasa paw pru na ra ai. Israela a sin langa lamu kasa Mihkaela hta kaga kadai mung ngai hpe karum la nga ai n rai.

Daniela 2:39

Na a hpang e nang daram n galu kaba ai hkawseng langai paw pru wa na ra ai. Dai hpang masum ngu na magri mang hkawseng mungdan pru wa nna lamu ga ting hpe up na ra ai.

Daniela 7:4

Shawng na langai mi gaw hkanghkyi hte bung nna galang zawn singkaw tu nga ai. Ngai yu nga yang, singkaw ni baw kau ai hkrum nga ai. Dai matse labye dusat gaw sharawt la ai hkrum nna masha zawn ading jan tsap shangun nga ai. Dai hpang shinggyim myit shi hpe jaw ya ai hkrum nga ai.

Daniela 7:5

Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

HOSEA 13:7

Dai re ai majaw ngai gaw nanhte hpe hkanghkyi langai zawn htim gasat na nngai. Nanhte a hkrun lam dingyang hta rawng teng langai zawn gyem la nga na nngai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.