Daniela 7:5 - Jinghpaw Common Language Bible 2009

⁵ Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

Jinghpaw Hanson Version Bible

⁵ Bai, yu u, lahkawng ngu na dusat gaw, tsap hte bung nga ai: dai gaw maga mi de shi hkum hpe sharawt nna, garep nra masum, de a n-gup hta mahkang nga ai: shanhte gaw, Rawt u, ashan law law kawa sha u, ngu nna dai dusat hpe tsun mu ai.

Daniela 7:5 Iomraidhean Croise

2 HKAWHKAM 2:24

Shi gaw nhtang kayin yu let shanhte hpe mada azi yu nna, dai Madu a mying ningsang hta shanhte hpe dagam kau wu ai. Dai hpang tsap yi lahkawng maling de nna pru wa nhtawm lasha ma mali shi lahkawng hte hpe ashep ashin di amya je da nga ai.

GA SHAGAWP 17:12

Angawk ai magam bungli hpe galaw nga ai masha angawk langai mi hte hkrum na hta, kasha shamat kau ai tsap kanu hte hkrum na gaw grau mai kaja nga ai.

ESAIA 56:9

Dai Madu gaw maigan masha amyu baw ni hpe matse labye dusat ni zawn du sa wa nna shi a amyu masha ni hpe kawa sha kau na lam tsun nu ai.

Daniela 11:2

Ya nang hpe ngai tsun dan na lam gaw teng man nga ai,” ngu nna tsun wu ai. Lamu kasa gaw, “Persi mung hta e hkawhkam masum naw up na mara ai; mali ngu na gaw kaga ni yawng hta grau nna sut su na ra ai. Shi a daru magam n-gun hte sut gan tsaw lung wa ai aten hta, shi gaw Grik mungdan hpe dakat na ra ai.

Daniela 2:39

Na a hpang e nang daram n galu kaba ai hkawseng langai paw pru wa na ra ai. Dai hpang masum ngu na magri mang hkawseng mungdan pru wa nna lamu ga ting hpe up na ra ai.

Daniela 5:28

Ga karan mat ai: Na a mungdan gaw ga karan mat nna Medi hte Persi masha ni a lata de ap kau nu ai.”

Daniela 7:4

Shawng na langai mi gaw hkanghkyi hte bung nna galang zawn singkaw tu nga ai. Ngai yu nga yang, singkaw ni baw kau ai hkrum nga ai. Dai matse labye dusat gaw sharawt la ai hkrum nna masha zawn ading jan tsap shangun nga ai. Dai hpang shinggyim myit shi hpe jaw ya ai hkrum nga ai.

Daniela 7:6

Ngai mada yu nga yang, kaga matse labye dusat langai paw pru wa nga ai. Dai gaw rawnggawk hte bung nna, de a shingma hta ntsa malen u a singkaw hte bung ai singkaw mali nga nga ai, shi hta baw mali tu nga ai. Dai hta ahkang aya lu ai nsam rawng nga ai.

HOSEA 13:8

Ngai gaw nanhte hpe kasha shamat kau ai tsap kanu zawn htim gasat nna nanhte hpe gang je mahka kau na nngai. Hkanghkyi zawn htim ai shara hta nan mayu sha kau nhtawm matse labye dusat ni zawn nanhte hpe amya je kau na made ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.