Daniela 7:4 - Jinghpaw Common Language Bible 2009

⁴ Shawng na langai mi gaw hkanghkyi hte bung nna galang zawn singkaw tu nga ai. Ngai yu nga yang, singkaw ni baw kau ai hkrum nga ai. Dai matse labye dusat gaw sharawt la ai hkrum nna masha zawn ading jan tsap shangun nga ai. Dai hpang shinggyim myit shi hpe jaw ya ai hkrum nga ai.

Jinghpaw Hanson Version Bible

⁴ Shawng na dusat gaw, hkanghkyi hte bung nna, langda singkaw tu nga ai: ngai mada yu nga yang, shi a singkaw hpe baw kau nna, ga de na shalun la hkrum ai hte, masha zawn lagaw lahkawng hte tsap shangun nna, masha myit mung dai wa hpe bang ya nga ai.

Daniela 7:4 Iomraidhean Croise

2 SAMUELA 1:23

“Shawlu hte Yonahtan grai mau na zawn hkrung nga dingsa tsaw ra nja; si wa ai mung ndaw nhka, galang ni hta grau laram, hkanghkyi ni hta grau ningtsam rawng nga ai.

YOBA 25:6

Dai rai yang, masha gaw hpa wa rai ta? Byet, shingtai ni rai nga a ni? Karai Kasang a man e masha gaw hpa manu dan nga a ni?

SHAKAWN KUNGDAWN 9:20

Madu e, shanhte hpe hkrit kang shangun u; shanhte gaw si mat chye ai shinggyim masha ni chyu rai nga ma ai lam shanhte hpe chye shangun u.

YEREMIA 25:38

Hkanghkyi gaw shi a lungpu hpe kau da ai zawn, dai Madu gaw shi a amyu masha ni hpe kau da nu ai. Hkrit kajawng hpa hpyen majan hte dai Madu a pawt sindawng ai gaw dai mungdan hpe katsi katsang re ai nam mali shara shatai kau nu ai.

YEREMIA 4:13

Yu u, gumlau hpyen gaw sumwi ni zawn sa wa mara ai. Shanhte a majan hpyen leng ni gaw nbung bung hpoi zawn rai nga ai, shanhte a hpyen gumra ni gaw galang ni hta grau nna lawan nga ma ai. Anhte sum mat saga ai! Anhte daw dan ai hkrum saga ai!

YEREMIA 4:7

Hkanghkyi gaw shi a makoi gyem shara kaw nna pru wa ai zawn, masha amyu baw ni hpe jahten ai wa gaw rawt sa wa nu ai. Shi gaw Yuda hpe jahten kau na matu du sa nga ai. Yuda a mare ni gaw hten run taw mat nna, kadai mung dai shara ni hta shanu nga na mara ai n rai.

YEREMIA 48:40

Galang gaw shi a singkaw shachyen da let ntsa kaw na htim ai zawn masha amyu baw mi gaw Moba mung hpe htim gasat ai hte,

YEREMIA 49:19

Hkanghkyi gaw htat ai maling kaw na gumtawng pru wa ai zawn, Yawdan hka mayan kaw nna tsit lali ai udat shara du hkra, ngai sa du nhtawm Edom masha ni hpe shanhte a mungdan kaw nna akajawng sha hprawng shangun na nngai. Shaloi ngai san da ai ningbaw wa gaw dai mung hpe up na ra ai. Ngai hte shabung lu ai wa kadai nga nga a ta? Kadai wa ngai hpe dakat lu nga a ni? Kaning re ai up hkang du wa gaw ngai hpe ninghkap shadang lu nga a ni?

SHARUNG SHAYAWT 4:19

Shanhte gaw lamu ntsa kaw nna htim yu wa ai galang ni hta pyi grau lawan nna anhte hpe htim shachyut ma ai. Shanhte gaw anhte hpe bum lang hkan e hkan tam ma ai, anhte hpe nam mali hkan e akajawng sha rim woi la ma ai.

EZEKELA 17:3

shanhte chye na la mu ga, Tsaw Htum ai dai Madu ngai nan tsun nga ai ga shadawn hpe htawn tsun u: Yu tsawm ai u mun law law tu nhtawm, galu kaba ai singkaw ni hpe dam lada kahpyan da ai galang kaba langai nga nga ai. Shi gaw Lebanon bum ni nga ai de pyen sa wa nhtawm, arit hpun ndung na makrung hpe kawa di let,

EZEKELA 28:2

Shi gaw, “Si chye ai masha wa e, Tsaw Htum ai dai Madu ngai nan Turu hkawhkam hpe tsun nga ai ga hpe htawn tsun u: Gumrawng ai hte shakawng shakat nga ndai, karai langai tai na ngu, nang tsun ndai. Nang gaw panglai hka ni shinggrup da ai tingnyang ntsa e karai langai zawn dung na nngai ngu, tsun ndai. Nang gaw karai langai tai lu na zawn nawn nga ndai, rai ti mung, n rai law, nang gaw karai n rai, si chye ai masha sha rai nga ndai.

EZEKELA 28:9

Shanhte nang hpe sa sat kau na matu du sa ai shaloi, nang gaw karai langai rai nga nngai ngu naw tsun na n ni? Masha sat ai ni hte nang hkrum ai shaloi, nang gaw karai nan n rai, si chye ai masha rai na rai nga ndai.

Daniela 2:38

Shi gaw nang hpe lamu ga ntsa na masha nga manga yawng hpe mung, dusat yam nga yawng mayawng hte ntsa malen u ni yawng a ntsa e mung up hkang shangun nga sai. Nang gaw aja baw rai nga ndai.

Daniela 4:36

“Nye a myit bai gring wa ai shaloi, nye a arawng sadang, nye a hpung dagu hte nye a mungdan hpung shingkang gaw mi na zawn ngai hpe bai jaw nga ai. Nye a du salang ni hte du magam ni ngai hpe hkap hkalum la ma ai; ngai gaw shawng de na hta pyi grau kaba ai arawng aya hte daru magam n-gun bai hkam la lu nga nngai.

Daniela 7:12

Kaga matse labye dusat ni shanhte a n-gun yawm mat ti mung, shanhte gaw masat da ya ai aten ladaw laman matut hkrung nga lu na ahkang naw lu nga ma ai.

Daniela 7:5

Lahkawng ngu na matse labye dusat gaw tsap hte bung nna shi a hpang lagaw ni hte tsap nga ai. Shi a awa lapran hta garep nra masum makrang da nhtawm, “Gai, nang dang lu ai made matut nna ashan sha u!,” ngu ai nsen langai gaw dai hpe tsun nga ai.

MAHTE 24:28

“Mang taw ai shara shagu hkan e, langda ni mung hpawng nga na mara ai.

TARA JAHPRANG 28:49

Dai Madu gaw nanhte hpe htim gasat na matu nanhte n chye na ai ga shaga ai masha amyu baw ni hpe mungkan ga htum kaw na shangun dat na ra ai. Shanhte mung galang zawn nanhte hpe htim na mara ai.

SHINGRAN 13:2

Dai ngai mu ai matse labye gaw rawnggawk hte bung nna, shi a lagaw ni gaw tsap lagaw zawn, shi a n-gup hkanghkyi n-gup zawn rai nga ai. Baren numraw gaw shi a hpung dagu hte mung shi a tingnyang hpe mung, shi a kaba la ai ahkang aya hpe mung, dai matse labye a lata de ap ya wu ai.