Daniela 7:3 - Jinghpaw Common Language Bible 2009

³ Langai hte langai hkrang kaga ga re ai matse labye dusat kaba mali hte gaw nammukdara kaw nna paw pru wa nga ma ai.

Jinghpaw Hanson Version Bible

³ Hkumhkrang shada n bung ai dusat kaba mali mung, nammukdara kaw na paw pru wa ma ai.

Daniela 7:3 Iomraidhean Croise

SHAKAWN KUNGDAWN 76:4

Karai Kasang e, na a hpung shingkang kade wa galu kaba nga lit hka! Na a hpyen ni hpe nang dang kau ai bum ni kaw na nang nhtang wa yang, na a arawng sadang gaw kade wa kaba nga lit hka!

Daniela 7:17

Shi gaw, “Ndai kaba ai matse labye dusat mali gaw ginding aga ntsa hta paw pru wa na ra ai hkawseng mungdan mali rai nga ai.

SHINGRAN 13:1

Shaloi panglai kaw na matse labye langai pru lung wa ai hpe ngai mu nngai. Shi hta nrung shi hte baw sanit tu nga ai; dai nrung ni langai hkrai a ntsa e janmau gup nna, baw ni langai hkrai a ntsa e Karai Kasang a arawng sadang hpe jahpoi asawng ai amying kap nga ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.