Daniela 7:1 - Jinghpaw Common Language Bible 2009

¹ Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Jinghpaw Hanson Version Bible

¹ Babelon hkawhkam Belashaza hkaw dung ai shawng shaning e, Daniela gaw yup mang mu nna, shi yup ku ntsa e shingran mu nga ai: shaloi shi gaw dai yup mang lam ka da nna, de a ga kanu shapraw dan wu ai.

Daniela 7:1 Iomraidhean Croise

NINGPAWT NINGHPANG 15:1

Dai hpang Abram gaw shingran langai mu ai hte dai Madu gaw shi hpe, “Abram e, hkum hkrit et, hkrit hpa shara kaw na nang hpe ngai makawp la nna nang hpe kumhpa kaba jaw na we ai,” ngu nna tsun ai ga hpe na wu ai.

NINGPAWT NINGHPANG 46:2

Karai Kasang mung shana e shingran hta shi hpe, “Yaku, Yaku!,” ngu nna shaga wu ai. Shi mung, “Rai sa, ngai nang e nga nga nngai,” ngu nna htan wu ai.

YOBA 4:13

Dai gaw ngai yup pyaw nga yang yup dip zawn ngai hpe sharu shatsang nga ai.

ESAIA 30:8

Karai Kasang gaw ngai hpe ndai amyu masha ni hpa hte bung nga ai lam laika buk langai hta ka da na matu tsun wu ai, shaloi dai gaw shanhte kade wa n hkru nga ai a dinggrin matsing da lam tai na ra ai.

ESAIA 8:1

Dai Madu gaw ngai hpe, “Laika ka na matu pyen chyang kaba langai la nhtawm dai hta e laika hkum kaba hte ‘Akajawng gasat, Tin tin hpya’ ngu nna ka da u.

YEREMIA 23:28

Yup mang mu ai myihtoi wa gaw yup mang hpe chyu sha hkai dan u ga; rai ti mung, nye a mungga hpe na la ai myihtoi wa gaw mungga hpe kangka ai hte htawn tsun u ga. Yihku hte hkaulan mam hpe kaning rai shadawn mai nga a ta?

YEREMIA 27:7

Masha amyu baw ni yawng hte gaw shi a mungdan hkrat sum mat wa ai aten du hkra shi hpe mung, shi a kasha hpe mung, shi a kashu hpe mung daw jau na mara ai. Dai hpang, shi a amyu ni gaw daru magam n-gun ja ai masha amyu baw ni hte hkawhkam kaba ni hpe daw jau na mara ai.

YEREMIA 36:32

Dai hpang, ngai gaw kaga laika katsu hpe la nna nye a amu madu Baruk a lata hta ap ya ni ai; shi gaw ngai hkai dan ai lam mahkra hpe ka tawn wu ai. Shi gaw shawng na laika katsu hta ka da ai hte ngai shi hpe hkai dan ai hte maren mungga ni hpe mung ka bang da wu ai.

YEREMIA 36:4

Dai rai nna, ngai gaw Neria a kasha Baruk hpe shaga la nna dai Madu ngai hpe tsun dan sai lam mahkra hpe ka shangun we ai. Baruk mung dai lam yawng mayawng hte hpe laika katsu hta e ka da wu ai.

EZEKELA 1:1

Ya sumshi ning ngu na shata mali a manga ya shani e, Babelon mung na Hkebara hka nu makau hta bawng dung ai Yuda masha ni hte Buzi a kasha ngai hkinjawng Ezekela ni nga nga yang, sumsing lamu hpaw malang wa nna Karai Kasang a shingran hpe ngai mu nngai.

EZEKELA 40:2

Karai Kasang gaw ngai hpe shingran hta Israela mung de woi wa nna, grai tsaw ai bum ntsa e ngai hpe tawn da nga ai. Dai bum a man de dum nta ni hte gaw de da ai mare zawn san ai hpe ngai mu nngai.

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 2:1

Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Daniela 2:26

Hkawhkam wa gaw Daniela (Belteshaza mying ai) hpe, “Ngai mu ai yup mang hte de a lachyum hpe nang tsun dan lu na n ni?,” ngu nna tsun wu ai.

Daniela 4:13

“Ya ngai dai shingran lam naw myit aru yu nga yang, maja let sin yu nga ai lamu kasa langai sumsing lamu kaw nna yu wa nga ai hpe ngai mu nngai.

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.

Daniela 5:1

Lana mi na aten hta, Hkawhkam Belshaza gaw du magam hkying mi hpe hkik hkam ai lusha poi kaba de sa na matu saw shaga dat wu ai; shanhte gaw rau sha sabyi ntsin jawm lu nga ma ai.

Daniela 5:22

“Rai ti mung, shi a shadang sha rai nga ai nang chyawm gaw dai lam yawng mayawng hpe chye nga ti mung, nang nan shagrit shanem nga ndai n rai.

Daniela 5:30

Babelon Hkawhkam Belshaza chyawm gaw dai shana jang sat kau ai hkrum nna,

Daniela 7:13

Shana e ndai shingran mu nga ai laman, shinggyim masha hte bung ai langai mi ngai mu nngai. Shi gaw ngai kaw shani sa wa nna, sumwi ni hte gawan da let htani htana ahkrung nga sai wa hpang de sa nhtawm shi a man e nga nga ai.

Daniela 7:15

Ngai mu ai shingran ni gaw ngai hpe kajawng shangun nga ai, ngai gaw dik hkra myit ung ang ai hkrum mat nngai.

Daniela 7:7

Ngai mada yu nga yang, mali ngu na matse labye dusat paw pru wa nga ai. Dai gaw n-gun rawng nna hkrit kajawng na zawn san ai nsam hte jahkrit ai nsam rawng nga ai. De a kaba ai hpri wa gaw tsin-yam hkrum sha nga ai ni hpe agrawp daw kau nna kabye anut kau nga ai. Dai gaw kaga matse labye dusat ni hte n bung ai sha, shi hta nrung shi tu nga ai.

Daniela 8:1

Belshaza hkaw dung ai masum ning hta, ngai gaw lahkawng ngu na shingran mu nngai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

AMO LAIKA (AMOS) 3:7

Tsaw Htum ai dai Madu gaw shi myit mang ai lam, shi a shangun ma myihtoi ni hpe garai n shadan yang, hpa lam hpe mung shi galoi mung n galaw yu nga ai.

HABAKU 2:2

Dai Madu gaw ngai hpe ndai mahtai jaw wu ai: “Ngai nang hpe madun dan ai lam hpe lungpa ntsa hta e dan dan pra pra ka jahkrat tawn u, shaloi dai hpe praw rai hti lu na ra ai.

BU HKAWM 12:6

dai Madu gaw, “Ya chyawm gaw ngai tsun na ga na la mu! Nanhte hta myihtoi nga ai rai yang ngai hkum nan shanhte hpe shingran hta shadan dan nna yup mang ni hta tsun dan na nngai.

ROMA 15:4

Chyum Laika hta ka da mada hte gaw anhte hpe sharin achyin na matu rai nga ai. Shing rai anhte gaw Chyum Laika hta na lu la ai hkam sharang ai lam hte myit n-gun lu la shangun ai lam a majaw myit mada shara lu la na lam rai nga ai.

2 KORINHTU 12:1

Gumrawng ai lam gaw akyu n nga ai rai ti mung dai Madu kaw na shingran ni hte madun dan ai lam ni hte seng nna ngai gumrawng ai ga naw tsun nga nngai.

SHINGRAN 1:19

Dai re ai majaw, nang mu lu sai lam ni hpe mung, ya nga nga ai lam ni hpe mung, htawm hpang e byin wa na ra ai lam ni hpe mung, ka da u.

SHINGRAN 10:4

Dai mu ngoi ai mahku a nsen shaga shapraw dat ai shaloi jang, ngai ka da na maw nngai. Rai ti mung sumsing lamu de nna, “Ndai mu ngoi ai nsen sanit tsun dan sai hpe makoi magap da u, hkum ka da et!,” nga nna tsun pru ai nsen ngai na nngai.