Daniela 5:8 - Jinghpaw Common Language Bible 2009

⁸ Hkawhkam wa a hpaji jaw masha ni shawng de sit sa wa ma ai, rai ti mung, kadai mung dai laika hpe n chye hti nga ai; de a lachyum hkawhkam wa hpe n htai dan lu ma ai.

Jinghpaw Hanson Version Bible

⁸ Shing rai hkawhkam wa a hpaji rawng ai ni nlang sa du timung, shanhte gaw dai ka ai ga hpe n hti lu ai hte, de a lachyum hkawhkam wa hpe n htai dan lu mu ai.

Daniela 5:8 Iomraidhean Croise

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

ESAIA 47:9

Rai ti mung lani jan na chyahkring mi na aten hta, ndai amu lahkawng byin wa na ra ai. Nang gaw mandan lakle hpaji mahkra lang ti mung, na a madu wa hte kashu kasha ni sum mat na mara ai.

YEREMIA 50:35

Dai Madu gaw, “Babelon mung gaw si hkrung si htan! dai mung na masha ni, de a mung du ni, hpaji byeng-ya rawng ai masha ni si hkrung si htan hkrai!

Daniela 2:27

Daniela chyawm gaw, “Madu hkawhkam wa e, dai lam nang hpe tsun dan lu na hpyi lamum sara, mandan sara, gumhpan hpan ai hte lakle sara kadai mung nga ai n rai.

Daniela 4:18

“Hkawhkam Nebuhkadneza gaw, “Da ndai gaw ngai mu ai yup mang rai nga ai. Ya chyawm gaw Belteshaza e, de a lachyum hpa rai nga ai gaw ngai hpe tsun dan e. Nye a hkawhkam wang na hpaji jaw masha ni kadai n lu tsun dan ti mung nang chyawm gaw chyoi pra ai karai ni a wenyi nang hta rawng nga ai majaw htai dan lu na ndai,” ngu nna tsun wu ai.

Daniela 4:4

“Ngai gaw nye a hkawhkam htingnu kata e apyaw alaw rai nga nna, ngamu ngamai lam kaba hta kabu gara let ningngai nga nngai.

Daniela 4:7

Dai hpang gumhpan hpan ai ni, mandan lakle sara ni, hpyi lamum sara ni hte lamu jan shata shagan yu maram chye ai sara ni shang wa ma ai shaloi, nye a yup mang tsun dan we ai; rai ti mung shanhte ngai hpe dai lam htai dan lu ma ai n rai.

Daniela 5:15

Ya ndai ka da ai ga hpe hti nna dai ga a lachyum ngai hpe htai dan na matu hpaji jaw ni hte mandan bau ai ni hpe jashawn la ti mung, de a lachyum shanhte n mu tam lu ma ai.