Daniela 4:8 - Jinghpaw Common Language Bible 2009

⁸ Dai hpang Daniela du shang wa ai. (Shi gaw nye a karai a mying hkan nna Belteshaza ngu shaga hkrum nga ai.) Chyoi pra ai karai ni a wenyi gaw shi hta nga nga ai, dai rai nna ngai mu ai yup mang shi hpe tsun dan we ai. Ngai shi hpe ning ngu tsun nngai:

Jinghpaw Hanson Version Bible

⁸ Dai hpang e, nye a hpara amying hkan nna, Belteshaza mying ai hte, chyoi pra ai hpara ni a wenyi hpring ai Daniela gaw, nye a yup mang shi hpe hkai dan let,

Daniela 4:8 Iomraidhean Croise

NINGPAWT NINGHPANG 41:38

shi gaw shanhte hpe, “Karai Kasang a Wenyi rawng ai ndai Yosep hta grau kaja ai masha anhte galoi mung mu tam na ga ai n rai,” ngu nna tsun mu ai.

ESAIA 46:1

Ndai gaw Babelon karai ni a matu jahtum rai nga ai! Bela hte Nebo yan hpe lang mi nawku yu masai, rai ti mung, ya chyawm gaw dai ni gaw lawze ni a ntsa e daw mara ai hte, hki ba ai yam nga shingma a matu lit rai nga sai.

ESAIA 63:11

Rai ti mung, shanhte gaw lai sai aten, dai Madu a shangun ma Mawshe a nhtoi ni hpe dum ma ai rai nna shanhte gaw, “Panglai kaw na shi a amyu masha ni a ningbaw ni hpe hkye hkrang la sai dai Madu gaw ya kanang rai nga a ta? Mawshe hpe shi a wenyi jaw ya ai dai Madu gaw kanang rai nga a ta?

YEREMIA 50:2

“Masha amyu baw ni hpang de shiga tsun shana mu! Dai hpe htawn tsun mu! Masat kumla sharawt mu, shiga ndau shana mu! Dai lam hpe hkum ip da myit! Babelon gaw hkrat sum mat sahka! Shi a Marduk karai daw gamang mat sai! Babelon a hpara sumla ni kaya kahpa hkrum masai; shi a matsat shabat re ai gawkngu sumla ni agrawp ayai mat sai!

EZEKELA 17:23

Israela a tsaw htum ai bum ntsa e mung hkai da na nngai. Dai gaw lakung lakying ni kra wa nhtawm asi si ai hte reng htum ai arit hpun tai na ra ai. U amyu shagu mung dai hpun hta sa shanu na mara ai lakung lakying ni a shingnip ni hta pyen dung shara mu tam na mara ai.

Daniela 1:7

Du salang hpa-awn wa mung shanhte hpe Belteshaza, Shadrak, Meshak hte Abednego ngu nna mying nnan jaw wu ai.

Daniela 2:11

Madu hkawhkam san ai lam gaw grai yak nga ai majaw shinggyim masha ni hte rau n rai nga ai karai ni hta kaga, kadai mung na a matu n dang galaw ya lu nga ai,” ngu nna tsun htang ma ai.

Daniela 2:26

Hkawhkam wa gaw Daniela (Belteshaza mying ai) hpe, “Ngai mu ai yup mang hte de a lachyum hpe nang tsun dan lu na n ni?,” ngu nna tsun wu ai.

Daniela 3:14

Shi gaw shanhte hpe, “Shadrak, Meshak, hte Abednego hte e, nanhte gaw nye a karai hpe n nawku hkraw ai hte ngai shadun da ai ja hkrang sumla hpe n gum dagup myit dai gaw teng nga myit ni?

Daniela 4:18

“Hkawhkam Nebuhkadneza gaw, “Da ndai gaw ngai mu ai yup mang rai nga ai. Ya chyawm gaw Belteshaza e, de a lachyum hpa rai nga ai gaw ngai hpe tsun dan e. Nye a hkawhkam wang na hpaji jaw masha ni kadai n lu tsun dan ti mung nang chyawm gaw chyoi pra ai karai ni a wenyi nang hta rawng nga ai majaw htai dan lu na ndai,” ngu nna tsun wu ai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 5:14

Nang hta chyoi pra ai karai ni a wenyi rawng nna chye chyang ai nyan hte hpaji byeng-ya kung kyang nga ndai hpe ngai na se ai.