Daniela 4:4 - Jinghpaw Common Language Bible 2009

⁴ “Ngai gaw nye a hkawhkam htingnu kata e apyaw alaw rai nga nna, ngamu ngamai lam kaba hta kabu gara let ningngai nga nngai.

Jinghpaw Hanson Version Bible

⁴ Ngai Nebuhkadneza gaw nye a nta e aban asa, nye a htingnu e apyaw alaw rai nga yang,

Daniela 4:4 Iomraidhean Croise

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

YEREMIA 48:11

Dai Madu gaw, “Moba gaw tut nawng shim nga lu nna galoi mung maigan mung de bawng dung hkrum yu nga ai n rai. Moba mung gaw shara mi hta asim sha jen bang da ai sabyi ntsin zawn rai nna, namtau langai mi kaw nna langai mi de galoi mung n htawt ru bang ra nga ai. Shi a mu bat gaw galoi mung n hten n mat ai hte shi a namchyim mung mi na hte maren kaja nga ai.

EZEKELA 28:17

Nang tsawm htap nga ndai majaw gumrawng gumtawng nga ndai, na a gumhkawng ai gaw nang hpe mana bu kau shangun nga sai. Ndai amu a majaw, ngai gaw nang hpe ga de du hkra kabai kau ai hte kaga hkawhkam ni hpe sadi jaw ai zawn nang hpe kau da ni ai.

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

Daniela 2:11

Madu hkawhkam san ai lam gaw grai yak nga ai majaw shinggyim masha ni hte rau n rai nga ai karai ni hta kaga, kadai mung na a matu n dang galaw ya lu nga ai,” ngu nna tsun htang ma ai.

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 5:8

Hkawhkam wa a hpaji jaw masha ni shawng de sit sa wa ma ai, rai ti mung, kadai mung dai laika hpe n chye hti nga ai; de a lachyum hkawhkam wa hpe n htai dan lu ma ai.

ZEHPANI 1:12

Dai aten e ngai gaw pyengdin lang let, Yerusalem hpe sawk yu na nngai. Dai Madu gaw lam langai hku shing n rai lam kaga hku nna mi rai rai, lama mi hpe galoi mung galaw na n rai, nga nna shanhte hkum shanhte tsun let tinang dai myit dik nga ai ni hte madu hkum madu kam hpa nga ai masha ni hpe ngai ari jaw na we ai.