Daniela 4:34 - Jinghpaw Common Language Bible 2009

³⁴ Ya sanit ning lai jang, hkawhkam wa gaw, “Sumsing lamu de mada yu nna shi a myit bai grin wa nga ai. Ngai gaw Tsaw Htum ai Karai Kasang hpe shakawn kungdawn ai hte htani htana ahkrung nga ai wa hpe shagrau hkungga let shi a hpung shingkang hpe kungdawn nngai. “Shi gaw htani htana a up nga na ra ai, shi a mungdan prat mi hte prat mi agrin nga na ra ai.

Jinghpaw Hanson Version Bible

³⁴ Ya dai aten ladaw gu jang, ngai Nebuhkadneza gaw, sumsing lamu de mada yu nna, nye a myit bai gring wa li ai: shing rai Tsaw Htum ai Wa hpe ngai shagrau sha-a nna, dinggrin ahkrung nga ai wa hpe shakawn nna hkungga lara nngai: shi a up hkang ai gaw, htani htana up hkang ai lam rai nga ai, shi a mungdan gaw, prat mi hte prat mi agrin nga ai;

Daniela 4:34 Iomraidhean Croise

2 SAMUELA 22:31

Karai Kasang gaw shi a amu gade sha hkum tsup nga ai hte shi tsun ai ga ni gade sha kam hpa mai nga a hka! Shi a makawp maga lam hkan tam ai ni yawng a matu shi gaw ninggang langai zawn rai nga ai.

1 HKAWHKAM LABAU 29:10

Hkawhkam Dawi gaw shawa hpawng ting a man e dai Madu hpe shakawn kungdawn wu ai. Shi gaw, “Dai Madu anhte a kaji kawa Yaku a Karai Kasang e, nang gaw htani htana prat dingsa shakawn kungdawn hkrum ging nga ndai!

1 HKAWHKAM LABAU 29:13

Ya chyawm gaw anhte a Karai Kasang e, anhte nang hpe chyeju dum ga ai, na a hpung shingkang mying ningsang hpe anhte shakawn kungdawn nga ga ai law.

YOBA 1:21

Shi gaw, “Ngai gaw kaman hte shangai wa ai rai nna, kaman hte si wa na nngai. Dai Madu jaw nu ai, ya chyawm gaw shi bai la kau nu ai. Shi a mying ningsang shakawn kungdawn ai hkrum nga u ga law!,” ngu nna tsun wu ai.

SHAKAWN KUNGDAWN 10:16

Dai Madu gaw htani htana agrin nga ai hkawhkam rai nga ai. tsasam karai ni hpe nawku ai ni gaw shi a lamu ga kaw nna hkoi mat wa na mara ai.

SHAKAWN KUNGDAWN 102:24

O Karai Kasang e, ngai garai n dingla yang, nye a asak hpe hkum dawm kau ya e. Madu e, nang gaw htani htana anga nga ndai.

SHAKAWN KUNGDAWN 107:15

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw, dai Madu hpe chyeju shakawn nga ra ma ai.

SHAKAWN KUNGDAWN 107:22

Shanhte gaw shagu hkungga ni hte shi hpe chyeju shakawn lu na rai mu ai; kabu gara ai mahkawn mangoi ga hte shi galaw dan sai ni yawng hpe tsun hkai dan lu na rai mu ai.

SHAKAWN KUNGDAWN 107:31

Shanhte a matu, shi galaw dan sai mauhpa magam bungli ni hte shi a dinggrin tsaw ra myit a majaw, dai Madu hpe chyeju shakawn lu na rai mu ai.

SHAKAWN KUNGDAWN 107:8

Shanhte a matu, shi galaw dan nu ai mauhpa magam bungli ni hte; shi a dinggrin tsaw ra myit a majaw shanhte dai Madu hpe chyeju shakawn lu na rai mu ai.

SHAKAWN KUNGDAWN 111:7

Shi galaw ai amu yawng mayawng hte hta, shi gaw sadi sahka hte teng man nga ai wa rai nga ai; shi a hkang da ai ga matsun nlang hte kam hpa mai nga ai.

SHAKAWN KUNGDAWN 121:1

Ngai gaw bum lang ni de mada yu nngai; ngai hpe karum na gaw, kanang na pru wa na rai nga a ta?

SHAKAWN KUNGDAWN 123:1

Madu e, nang up hkang nga ai Sumsing lamu de ngai mada yu nngai.

SHAKAWN KUNGDAWN 145:13

Na a up hkang lam gaw htani htana agrin nga nna, nang gaw htani htana prat dingsa agrin nga ai hkawhkam wa rai nga ndai; Madu gaw shi a ga sadi ni hta sadi dung nga ai hte magam bungli ni yawng hta tsaw ra matsan dum ai wa rai nga ai.

SHAKAWN KUNGDAWN 146:10

Dai Madu gaw htani htana hkawhkam wa rai nga ai, Ziun e, na a Karai Kasang gaw prat mi hte prat mi up nga na ra ai. Dai Madu hpe shakawn mu!

SHAKAWN KUNGDAWN 50:14

Chyeju dum shakawn ai gaw Karai Kasang hpe na a shagu hkungga nawng jau ai lam rai nga u ga; Chyahtum Chyalai n-gun rawng ai Madu hpe nang ndat da ai ga sadi yawng hte hpe jaw ya u.

SHAKAWN KUNGDAWN 66:7

Shi a chyalai n-gun hte htani htana shi up nga nna; amyu baw ni a ntsa e, shi azi yu nga ai. Shi hpe kadai wa mung n gumlang mu ga.

SHAKAWN KUNGDAWN 7:17

Shi a teng man rap ra ai tara a majaw, Madu hpe ngai chyeju dum nga nngai; Ngai gaw Tsaw Htum ai dai Madu hpe mahkawn shakawn na nngai.

SHAKAWN KUNGDAWN 9:2

Na a majaw, kabu gara ai hte ngai mahkawn mangoi nga na nngai; Chyahtum Chyalai n-gun rawng ai Karai Kasang e, ngai nang hpe mahkawn shakawn nga na nngai.

SHAKAWN KUNGDAWN 92:1

Madu hpe chyeju dum shakawn nna Tsaw Htum ai Karai Kasang a hpung shingkang arawng sadang hpe mahkawn mangoi let,

ESAIA 13:11

Dai Madu gaw, “Ngai gaw ginding aga ntsa de ru yak tsin-yam tsindam jahkrat dat nhtawm n hkru ai masha ni yawng galaw ai shanhte a yubak ni a matu ari jaw na we ai. Ngai gaw gumrawng gumtawng ai masha shagu hte hpe shagrit kau nna, myit tsaw myit dap ai hte mazut ai masha shagu hte hpe ari jaw na nngai.

ESAIA 2:11

Masha a gumrawng gumtawng ai gaw htum mat wa nna masha a myit tsaw myit dap ai gaw jahten kau ai hkrum na ra ai nhtoi gaw du wa nga sai. Dai hpang dai Madu chyu sha shagrau shatsaw ai hkrum na ra ai.

ESAIA 24:15

Sinpraw maga de nga ai ni gaw shi hpe kungdawn na mara ai. Panglai mayan hku nga ai ni chyawm gaw dai Madu Israela a Karai Kasang hpe shakawn kungdawn wa na mara ai.

YEREMIA 10:10

Rai ti mung, Madu e, nang gaw teng man ai Karai Kasang rai nga ndai, nang gaw ahkrung nga ai Karai Kasang hte htani htana hkawhkam rai nga ndai. Nang pawt sindawng ai shaloi, mungkan ga gaw gari kawa rai nga ai; masha amyu baw ni na a masin kahtet ai hpe n hkam lu ma ai.

SHARUNG SHAYAWT 3:38

Mai kaja ai hte n mai kaja ai mung shi a hkang da ai ga kaw nna maren sha byin pru nga ai.

Daniela 12:7

Dai lamu kasa gaw lamu de lata lahkawng sharawt nhtawm Htani Htana a Karai Kasang a mying ningsang hta dagam shaka let ga sadi tawn da wu ai. Shi gaw, “Dai aten gaw masum ning a chyen mi rai na ra ai. Karai Kasang a amyu masha ni hpe zingri zingrat ai aten htum jang, ndai lam yawng mayawng byin wa na ra ai,” ngu nna tsun ai ga hpe ngai na nngai.

Daniela 2:44

Ndai mung du ni up hkang ai aten hta, sumsing lamu a Karai Kasang gaw galoi mung htum ngu n nga ai mungdan langai de da na ra ai. Dai gaw galoi mung ka-up la hkrum na ra ai n rai, rai ti mung dai gaw ndai hkawseng mungdan ni yawng hpe tsep kawp shamyit kau ai hpang e sha htani htana agrin nga na ra ai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.

Daniela 4:26

Lamu kasa gaw ga e hpundu ngam tawn na hkang da nga ai. Dai gaw mungkan yawng hpe Karai Kasang up nga ai ngu nna nang yin la ai shaloi, nang hkawhkam bai tai wa na lachyum rai nga ai.

Daniela 4:3

“Karai Kasang anhte hpe madun dan ai mauhpa amu ni gaw kade wa galu kaba nga a hka! Shi galaw dan sai mauhpa lamik kumla ni kade sha hpung dagu rawng nga a hka! Karai Kasang gaw htani htana hkawhkam rai nga ai; shi gaw prat mi hte prat mi a up nga na ra ai.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

Daniela 4:36

“Nye a myit bai gring wa ai shaloi, nye a arawng sadang, nye a hpung dagu hte nye a mungdan hpung shingkang gaw mi na zawn ngai hpe bai jaw nga ai. Nye a du salang ni hte du magam ni ngai hpe hkap hkalum la ma ai; ngai gaw shawng de na hta pyi grau kaba ai arawng aya hte daru magam n-gun bai hkam la lu nga nngai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

Daniela 5:21

Shi a myit masin gaw dusat langai zawn tai mat nna, shinggyim uhpung hta na shapraw kau ai hkrum nga ai. Shi gaw nam na lawze shazai ni hte rau nga nna, dumsu usu zawn tsingdu sha let numri hkrat ai gangbang shara hkan yup nga ai. Hpang jahtum e, shi gaw Tsaw Htum ai Karai Kasang shi lata la sai kadai hpe rai ti mung masha mungdan ni yawng hpe up hkang na ahkang jaw lu nga ai hpe shi yin la nga ai.

Daniela 6:26

Nye a mungdan ting hta nga nga ai masha shagu hte gaw Daniela a Karai Kasang hpe hkrit kamyin ai hte hkungga lara ang nga ai ngu, ngai hkang da nngai. “Shi gaw ahkrung nga ai Karai Kasang rai nga ai, shi gaw htani htana up hkang na ra ai. Shi a mungdan galoi mung hten run mat na ra ai n rai, shi a daru magam n-gun galoi mung htum mat na ra ai n rai.

Daniela 7:14

Shi gaw ahkang aya, shagrau sha-a ai hte hkawhkam a daru magam jaw shagrau hkrum ai wa rai nna, amyu baw ni yawng a masha ni yawng mung, amyu bawsang ni hte ga amyu myu shaga ai ni yawng mung shi hpe daw jau na mara ai. Shi a ahkang aya gaw htani htana agrin nga nna, shi a mungdan htum mat na ra ai n rai.

Daniela 7:27

Ginding aga ntsa na mungdan ni yawng a daru magam n-gun hte galu kaba ai lam gaw Tsaw Htum ai Karai Kasang a amyu masha ni a lata de ap kau ai hkrum na ra ai. Shanhte a hkawhkam daru magam n-gun gaw galoi mung htum mat na ra ai n rai; Ginding aga ntsa na up hkang du ni yawng mayawng mung shi hpe daw jau ai hte shi a ga madat mara na mara ai.

Daniela 9:14

O Madu anhte a Karai Kasang e, anhte gaw na a ga n madat ga tim, jaw ai amu hpe nang tut nawng galaw nga ndai majaw, anhte hpe ari jaw na matu nang hkyen da ai hte maren, ari jaw nga ndai.

YONA 1:14

Dai rai nna shanhte gaw dai Madu hpe, “O Madu e, ndai masha wa a asak dan ya ai majaw, anhte hpe ari n jaw mi ga, anhte hpyi nem ga ai! O Madu e, nang gaw ndai amu yawng a matu lit lu nga ndai, dai gaw nang galaw ai amu rai nga ai,” ngu nna jahtau tsun ma ai.

MIHKA 4:7

Shanhte gaw lagaw hten htu ai hte dum nta hte tsan gang nga ma ai, rai ti mung ngai chyawm gaw naw ngam nga ai ni hte nnan gaw sharawt la nhtawm shanhte gaw amyu kaba tai wa na mara ai. Ngai gaw shanhte hpe Ziun Bum ntsa e dai aten kaw nna htani htana du hkra up nga na nngai,” nga nna tsun ai.

LUKA 1:33

Shi gaw Yaku a aru arat ni a ntsa e htani htana a up nga na ra ai; shi a mungdan mung htum ngu ai nga na n rai,” ngu nna shi hpe tsun wu ai.

LUKA 18:13

“Rai ti mung kang hta ai wa gaw, tsawmra tsan ai kaw tsap nna, lamu de pyi n wam mada ai, shi a sinda adup let, ‘Karai Kasang e, ndai yubak kap ai wa langai mi rai nga ai ngai hpe matsan dum la rit law!,’ ngu nna hpyi wu ai.

YAWHAN 5:26

Kawa gaw shi hkum dai asak daju rai nga ai hte maren, shi gaw Kasha wa hpe mung asak daju shatai nu ai.

TARA JAHPRANG 32:4

“Dai Madu gaw chyalai n-gun hte hpring ai nanhte a dahpran shara rai nga ai; shi a lam yawng mayawng hkum tsup nna ding hpring nga ai. Nanhte a Karai Kasang gaw sadi sahka hte teng man nga ai rai nna shi galaw ai amu teng man ai hte rap ra nga ai.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 6:16

Shi chyu sha n si n mat ai wa rai nna, shi gaw kadai mung n shani sa lu ai nhtoi hta shanu nga ai. Kadai mung shi hpe n mu yu ai hte kadai mung shi hpe n mu lu nga ai. Shi hta arawng sadang hte htani htana hpung shingkang a nga nga u ga law! Amen.

SHINGRAN 10:6

htani htana prat dingsa ahkrung nga nna, sumsing lamu, ginding aga, panglai hte dai hta e rawng marawng hpe hpan tawn da ai Karai Kasang a mying nsang hpe gang nna dagam wu ai gaw, “Ahkying ladaw hpe htingnai shana chyai nga ai lam naw nga sana n rai!

SHINGRAN 11:15

Dai hpang sanit ngu na lamu kasa gaw shi a pahtau dum dat wu ai. Shaloi sumsing lamu hta e nsen kaba ngoi pru wa ai gaw, “Mungkan ga na mungdan hpe up na ahkang aya gaw, anhte a Madu Meshia a lata de rai nga sai rai nna, shi gaw htani htana prat dingsa e a up nga na sai law!,” nga nna tsun nga ai.

SHINGRAN 4:10

dai salang hkun mali mung, tingnyang hta dung nga nna htani htana prat dingsa ahkrung nga ai wa hpe dingnyawm nawku ma ai. Shanhte gaw, dai tingnyang a man e janmau ni hpe raw tawn da nna,

SHINGRAN 4:9

Dai dusat mali gaw, tingnyang hta dung nga nna htani htana prat dingsa asak hkrung nga ai Madu a hpung shingkang arawng sadang hte chyeju hpe mahkawn shakawn ai shaloi,