Daniela 4:30 - Jinghpaw Common Language Bible 2009

³⁰ shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

Jinghpaw Hanson Version Bible

³⁰ “Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

Daniela 4:30 Iomraidhean Croise

NINGPAWT NINGHPANG 10:10

Shawng na shi a mungdan hta Babelon mung na Babelon mare, Erek hte Ahkad mare masum mung lawm nga ai.

ESHTA 1:4

Shi gaw shi a hkawhkam mungdan ting hte seng ai hkaw wang na sut gan ni hte dai ni a hkik hkam ai lam hte daru magam kaba htum ai arawng sadang ni hpe shata kru ting madun dan wu ai.

SHAKAWN KUNGDAWN 104:1

Nye a Wenyi e Madu hpe shakawn u! O Madu nye a Karai Kasang e, nang gaw kade wa galu kaba nga n hka! Nang gaw daru magam, hpung shingkang hte bu hpun da nna;

SHAKAWN KUNGDAWN 49:20

Masha a galu kaba ai lam gaw si ai kaw nna, dai ni hpe n lu hkum da nga ai; Shi gaw dusat ni zawn naw si wa na ra ai.

SHAKAWN KUNGDAWN 73:8

Shanhte gaw kaga masha ni hpe mani asawng nna n hkru n hkra ai lam ni hpe tsun nga ma ai. shanhte gaw gumrawng gumtawng nga ma ai hte, kaga masha ni hpe dip gamyet sha na lam maw mawn nga ma ai.

GA SHAGAWP 11:2

Gumrawng gumtawng ai masha ni gaw hkring mi rai jang, kaya kahpa hkrum na mara ai; shagrit shanem ai myit chyawm gaw hpaji grau rawng nga ai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 29:23

Myit tsaw myit dap ai gaw nang hpe hkrat sum shangun ti mung, nang mahtang shagrit shanem nga ai wa rai yang chyawm gaw hkungga ai hpe nang hkam la lu na ra ai.

ESAIA 13:19

Babelon mung gaw yawng hta tsawm htap htum ai mungdan rai nga ai; dai mungdan gaw de a mung masha ni a matu arawng lu nga ai. Rai ti mung dai Madu ngai gaw Sodom hte Gomora hpe galaw ai zawn Babelon hpe jahten kau na nngai!

EZEKELA 29:3

Egutu hkawhkam hte seng nna Tsaw Htum ai dai Madu tsun nga ai mungga hpe tsun u: Hka kata e hpum nga ai hkangse numraw nang e, ngai gaw na a hpyen rai nga nngai. Nila hka gaw na a rai nga ai, dai hpe nang hpan da ndai ngu nna nang tsun ndai.

Daniela 4:31

Ya shi a n-gup kaw na ga tsun garai n htum yang, “Hkawhkam Nebuhkadneza e, ngai tsun ai ga madat u! Na a hkawhkam daru magam n-gun gaw nang kaw na dawm kau ya nga sai.

HABAKU 1:11

Dai hpang, shanhte gaw nbung zawn poi mat wa nna hkoi mat ma ai. Ndai masha ni a daru magam n-gun gaw shanhte a karai rai nga ai,” ngu nna tsun nu ai.

LUKA 14:11

Tinang hkum hpe shagrau shatsaw ai wa kadai mung, shagrit kau ai hkrum na ra ai; tinang hkum hpe shagrit ai wa kadai mung, shagrau shatsaw ai hkrum na ra ai,”

LUKA 14:9

Nan lahkawng hpe shaga ai manam madu wa sa nna, ‘Ndai wa hpe shara yen ya u,’ nga nna nang hpe tsun kau yang, nang gaw kaya ai hte nem dik ai shara hta htawt dung lu na ndai.

1 KORINHTU 10:31

Rai sa! Dai majaw, nanhte sha ti mung, lu ti mung, hpa galaw ti mung, nga manga hta Karai Kasang a hpung shingkang hpe tam let, a galaw nga mu.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

SHINGRAN 14:8

Bai, lahkawng ngu na lamu kasa langai mi gaw, shawng na lamu kasa a hpang hprut dan pru nna, “Babelon mare kaba kadawng daw mat sai! Kadawng daw mat sai! Dai mare gaw hpye ai amu hta myit kayut ai ngu ai nsa ja sabyi ntsin masha amyu baw shagu hpe lu shangun nu ai!,” nga nna tsun nga ai.

SHINGRAN 16:19

Dai rai nna dai galu kaba ai mare gaw masum brang rai ga mat wa nna, mungdan ni yawng a mare ni mung hten run mat ma ai. Karai Kasang gaw Babelon mare kaba hpe myit dum nna, shi a sindawng kahtet pawt bu ai ngu ai gawm hta na sabyi ntsin hpe lu shangun wu ai.

SHINGRAN 17:5

Shi a lahtan ntsa e, “Ga ntsa na shawa num ni yawng hte n hkru n kaja lam dam lam yit ai ni yawng a kanu, Galu Kaba ai Babelon mare,” nga nna makoi magap ai hte sung htum ai lachyum rawng ai mying langai mi ka da nga ai.

SHINGRAN 18:10

Shanhte gaw, dai mare hkrum sha ai ari hta shanhte mung hkrum sha lawm na hpe hkrit nna, tsan tsan e tsap let, “Galu kaba ai hte atsam rawng ai Babelon mare e! Dingnye lu nga n hka! Dingnye lu nga n hka! Nang gaw hkying hkum mi laman hta sha daw dan ai hkrum nit hka!,” nga nna tsun na mara ai.

SHINGRAN 18:21

Dai hpang, n-gun ja ai lamu kasa langai mi gaw, htumrin lung daram kaba ai nlung langai mi ka-aw la nna, panglai kata de kabai bang dat let, “Ndai hkrat shang wa ai zawn, galu kaba ai Babelon mare mung, kabai bang kau ai hkrum na ra ai! Htawm hpang de galoi mung, shi hpe bai mu lu sana n rai.