Daniela 3:7 - Jinghpaw Common Language Bible 2009

⁷ Dai rai nna shanhte gaw dai madum sumpyi nsen na ai shaloi jang, masha amyu baw ni, amyu bawsang ni hte ga amyu myu shaga ai ni gaw Hkawhkam Nebuhkadneza shadun da nu ai ja hkrang sumla hpe gum dagup let nawku ma ai.

Jinghpaw Hanson Version Bible

⁷ Dai re ai majaw, masha amyu baw mahkra gaw, pahtau, pahke, tingse, sumpyi, chying bau hte dum ai baw amyu myu ngoi ai nsen na jang, masha amyu baw ni hte ga baw kaga ga tsun ai ni mahkra gaw, gum dagup nna, hkawhkam Nebuhkadneza shadun ai aja sumla hpe nawku ma ai.

Daniela 3:7 Iomraidhean Croise

YEREMIA 51:7

Babelon gaw nye a lata hte lang nna mungkan ting hpe shanang kau ai ja gawm zawn rai nga ai. Masha amyu baw ni gaw dai hta rawng ai sabyi ntsin hpe lu nang nna, shanhte chye ai hku hkawm nga ma ai.

Daniela 2:46

Dai hpang Hkawhkam Nebuhkadneza gaw ga de gum dagup nhtawm Daniela a man e shagu hkungga hte wan nat hkungga ni nawng ya na matu hkang da wu ai.

Daniela 3:10

Madum sumpyi dum hpang dat ai shaloi jang, kadai mung ja hkrang sumla hpe gum dagup let nawku lu na rai nga ai,

Daniela 3:4

ga htawn ai wa gaw, “Masha amyu baw ni, amyu bawsang ni hte ga amyu myu shaga ai ni e!

Daniela 3:5

Nanhte gaw pahtau nsen hte rau pahke, tingse, sumpyi, chyingbau hte dawraw hkan dum nang ai nsen ni hpe na lu na rai myit dai. Dai madum sumpyi ni hpe dum hpang dat ai shaloi jang, Hkawhkam Nebuhkadneza shadun da ai hkrang sumla hpe nanhte gum dagup nna nawku lu na rai myit dai.

Daniela 3:6

N gum dagup ai hte n nawku ai wa kadai mung grung nga ai wan htung de kalang lata kabai bang kau ai hkrum lu na ra ai,” ngu nna jahtau tsun wu ai.

Daniela 3:8

Dai hpang Babelon masha nkau mi gaw Yuda masha ni hpe jahpoi jahpyak na matu ahkaw ahkang la bang wa nga ma ai.

KASA 14:16

Shi gaw lai wa sai ban prat e masha amyu baw shagu hpe, tinang ra ai hku hkan mu ga nga, dat tawn da mu ai.

1 YAWHAN 5:19

Mungkan ting gaw n hkru ai wa a up hkang ai a kata e rai nga ai, rai ti mung anhte gaw Karai Kasang hte seng ai rai nga ga ai hpe anhte chye ga ai.

SHINGRAN 12:9

Shaloi, mungkan ting hpe masu hkalem kau ai Nat Satan ngu ai, moi na lapu rai nga ai baren numraw kaba gaw, shi a ali ama ni hte rau ga de jahkrat kau ai hkrum wu ai.

SHINGRAN 13:14

Shi gaw shawng na matse labye a man e madun dan na ahkang lu ai lamik kumla ni hpe madun nna ga ntsa e nga ai masha yawng hpe hkalem kau wu ai. Dai matse labye gaw, nhtu hkang nma hkrum ti mung n si ai sha bai mai mat ai matse labye hpe shagrau sha-a ai hku nna shi a hkrang sumla galaw shachyaw na matu mungkan masha ni hpe shangun da wu ai.

SHINGRAN 13:3

Matse labye a baw ni hta na langai mi gaw, si na daram nma kap ai zawn rai nga ai, rai ti mung dai nma gaw mai mat salu ai. Mungkan ting gaw dai matse labye a lam mau mahka ai hte shi a hpang hkan nang nga ma ai.

SHINGRAN 13:8

Sat kau hkrum sai Sagu Kasha a asak laika hta, ginding aga garai n pra kaw nna amying ka da lawm sai mungkan masha nlang hte hta lai nna, mungkan ntsa e nga ai masha yawng gaw dai matse labye hpe nawku na mara ai.

SHINGRAN 17:8

Nang mu ai matse labye gaw, moi shawng de asak hkrung nna nga yu sai rai tim ya asak n hkrung sai. Shi gaw dai sung htum ai nhkun kaw nna lung wa magang ra ai rai nna, jahten kau hkrum na shara de sa wa na ra ai. Ginding aga nnan lat kaw nna tinang a mying ni hpe asak laika hta n ka shalawm da ai, ga ntsa e nga ai masha ni gaw, dai matse labye hpe mu ai hte yawng mayawng mau mahka na mara ai. Shi gaw shawng de kalang mi asak hkrung nga yu sai, ya asak n hkrung sai, rai ti mung hpang e kalang mi bai asak hkrung pru wa na ra ai.

SHINGRAN 19:20

Dai matse labye hte hpawn shi a man e lamik kumla ni hpe galaw dan ai myihtoi masu gaw bawng rim la ai hkrum wu ai. (Dai myihtoi masu gaw, matse labye a masat kumla ni madun dan ai hte masu hkalem ai wa rai nga ai.) Dai matse labye hte myihtoi masu lahkawng yan hkru nga ai wan nawng de chyahkrung jahkrat bang ai hkrum ma ai.