Daniela 3:2 - Jinghpaw Common Language Bible 2009

² Dai hpang hkawhkam wa gaw shi a du salang ni yawng ngu na hkawhkam kasha ni, mung du ni, munggyi ni, tara agyi ni, mungdan rap daw tara agyi salang ni hte kaga mungdaw du salang ni yawng sa du shinggyin nga na matu hkang dat wu ai. Shanhte gaw Hkawhkam Nebuhkadneza shadun da ai hkrang sumla ap nawng hpawng de sa hpawng lawm nga ma ai.

Jinghpaw Hanson Version Bible

² Shaloi hkawhkam Nebuhkadneza gaw, shi shadun da ai sumla hpe hkap hkalum la na matu, munggyi ni, du ni, hpyen du ni, tara agyi ni, sutdek up ai ni, mung bawng ni, pya da du ni hte mungdaw up ai ni mahkra hpe shaga jahpawng mu ai.

Daniela 3:2 Iomraidhean Croise

1 HKAWHKAM 12:32

Yeroboam gaw Yuda mung e galaw ai poi zawn shata matsat a shi manga ya shani e nawku htung hte seng ai poi langai galaw na matu lajang tawn da wu ai. Behtela mare na tawn hkungri ntsa e shi galaw da sai aja dumsu usu ni hpe shagu hkungga nawng ya nna shi gap ai nawku shara ni hta daw jau amu galaw na hkinjawng ni hpe mung dai Behtela mare e tawn da wu ai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

Daniela 3:27

Hkawhkam kasha ni, munggyi ni, mung du ni hte kaga du salang ni gaw wan kata e hpa machyi n hkrum nga ai marai masum hpe jawm yu let hpawng nga ma ai. Shanhte a kara singgawng langai mi pyi katip mat ai n rai; shanhte a bu hpun palawng ni hkru mat ai n rai, dai ni hta wan sama pyi n manam nga ai.

Daniela 3:3

Ndai du salang ni yawng ap nawng hpawng a matu hpawng de ai hte hkrang sumla a man e tsap nga ma ai shaloi,

BU HKAWM 25:2

Dai num ni gaw shanhte hpe Moba hpara hpe nawng jau ai poi de sa nawku lawm na matu saw shaga da hkrum nga ma ai. Israela ni mung lusha hkungga sa sha nna Peora Bala hpara hpe nawku ma ai.

SHINGRAN 17:2

Ga ntsa na hkawhkam ni gaw shi hte hpye ai amu galaw nna, mungkan ga na masha ni gaw, shi a hpye ai amu ngu ai sabyi ntsin hte nang ma masai,” nga nna ngai hpe tsun ai.

TARA AGYI 16:23

Hpilisti hkawhkam ni gaw shanhte a hpara Dagon hpe shagu hkungga kaba nawng jau na hte padang poi galaw na matu zup hpawng ma ai. Shanhte gaw, “Anhte a hpara gaw anhte a gumlau hpyen Samson hpe dang kau lu ai awng padang ninglaw jaw ya mi ai!,” ngu nna mahkawn shakawn ma ai.