Daniela 2:6 - Jinghpaw Common Language Bible 2009

⁶ Rai ti mung, nanhte mahtang yup mang hte de a lachyum lahkawng yan hpe lu tsun dan myit dai rai yang, nanhte hpe kumhpaw kumhpa ni hte arawng aya kaba jaw shagrau na made ai. Ya chyawm me gaw, yup mang hte de a lachyum hpa rai nga ai lam ngai hpe tsun dan mi,” ngu nna tsun wu ai.

Jinghpaw Hanson Version Bible

⁶ Yup mang hte ga lachyum htai dan myit yang gaw, nanhte gaw nye a lata na kumhpa, sutgan hte arawng sadang kaba lu la na marin dai: dai re majaw yup mang hte ga lachyum ngai hpe htai dan mi,” ngu nna Hkalde sara ni hpe htan wu ai.

Daniela 2:6 Iomraidhean Croise

Daniela 2:48

Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.

Daniela 5:29

Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

BU HKAWM 22:17

Ngai nang hpe grai di shagrau na de ai. Nang tsun ai ga hpa hpe mung ngai hkan galaw ya na nngai. Chyeju hte sa nna nye a matu ndai masha ni hpe matsa ya e.”

BU HKAWM 22:37

Balak gaw shi hpe, “Shawng na lang ngai nang hpe shaga shangun we yang, nang hpa majaw n sa n ta? Ngai nang hpe kumhpa alaw mi n lu shagrau na zawn nawn da wu ni?,” ngu nna tsun wu ai.

BU HKAWM 22:7

Moba hte Midian ningbaw ni gaw shanhte hte rau matsa ya na jahpu gun let Balam hpang de sa nhtawm Balak hkang dat ai ga shi hpe tsun dan ma ai.

BU HKAWM 24:11

Ya na a nta de wa mat nu! Ngai gaw nang hpe kumhpa jaw shagrau na ga sadi jaw da ni ai; rai ti mung dai Madu gaw kumhpa jaw shagrau hkam la na lam hpe hkum shingdang kau ya nit dai,” ngu nna tsun wu ai.