Daniela 2:4 - Jinghpaw Common Language Bible 2009

⁴ Shanhte gaw hkawhkam wa hpe, “Madu hkawhkam gaw htani htana hkrung nga u ga law! Anhte hpe na a yup mang tsun dan mi, anhte nang hpe htai dan na ga ai,” ngu nna Aramik ga hte tsun ma ai.

Jinghpaw Hanson Version Bible

⁴ Shing rai Hkalde sara ni gaw, Suri ga hte, hkawhkam wa hpe, “Hkawhkam wa e, nang tutnawng ahkrung nga n ga: na a mayam ni hpe dai yup mang hkai dan mi; anhte ga lachyum htai dan na ga ai,” ngu mu ai.

Daniela 2:4 Iomraidhean Croise

NINGPAWT NINGHPANG 31:47

Laban chyawm gaw dai hpe Yegara Sahaduta ngu nna shamying wu ai. Yaku mahtang dai hpe Galeda ngu nna shamying wu ai.

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

1 HKAWHKAM 1:25

Shi gaw dai ni jang yu sa nna usu, sagu hte dumsu kasha law law hte shagu hkungga nawng ya nhtawm na a shadang sha ni yawng hpe mung, na a hpyen luksuk hpe up hkang ai Yoab hpe mung, hkinjawng Abiahta hpe mung saw shaga la nna ya e pyi shanhte hte rau shi lu sha nhtawm, “Hkawhkam Adoniya asak galu u ga law!,’ ngu nna jahtau garu nga masai.

1 HKAWHKAM 1:31

Shaloi Batsheba gaw myi man gum let, “Nye a madu hkawhkam wa gaw htani htana ahkrung nga nu ga law!,” ngu nna tsun wu ai.

2 HKAWHKAM 18:26

Dai hpang Eliakim, Shebna, hte Yoa ni gaw dai du salang wa hpe, “Madu e, anhte hpe Aramik ga shaga mi. Anhte ga dai hpe chye na ga ai. Hebre ga hte hkum shaga et; bunghku ntsa hku nga nga ai ni yawng madat nga ma ai,” ngu nna tsun mu ai.

EZRA 4:7

Persi Hkawseng Artazazi hkaw bai dung ai aten hta Bishlam, Mitredat, Tabela hte shanhte a kanawn manang ni gaw hkawseng wa hpang de laika langai ka dat ma ai. Hti ai shaloi ga gale la lu na matu, laika dai hpe Aramik ga hte ka da nga ai.

NEHEMIA 2:3

“Madu hkawhkam gaw htani htana ahkrung nga u ga law! Nye a kaji kawa ni hpe lup makoi da ai mare hten run mat nna de a mare chyinghka ni hkru mat yang, ngai kaning rai myi man n sum ai nga lu na rai ta?,” ngu nna htan we ai.

ESAIA 36:11

Dai hpang Eliakim, Shebna hte Yoa ni gaw hpyen du wa hpe, “Anhte hpe Aramik ga hte shaga mi. Anhte dai ga chye na ga ai. Hebre ga hte hkum shaga mi; bunghku ntsa e nga nga ai ni yawng madat nga ma ai,” ngu nna tsun ma ai.

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

Daniela 1:4

Shanhte gaw ahpraw tsawm ai hte hpaji byeng-ya chye chyang nna atsawm sha kung kyang ai hte chye chyang maka kumla pru nhtawm hkum hkrang ra rawng ai lam hpa mung n nga ai ni rai ma ai. Shanhte gaw hkawhkam wang hta daw jau na matu atsam marai rawng ai ni rai ma ai. Ashpena mung shanhte hpe Babelon ga chye hti, chye ka wa lu hkra sharin ya nga ai.

Daniela 2:7

Shanhte gaw hkawhkam wa hpe, “Madu hkawhkam dai yup mang hpa rai nga ai hpe tsun dan lu ai rai yang, anhte dai hpe htai na ga ai,” ngu nna bai htan ma ai.

Daniela 3:9

Shanhte gaw dai Hkawhkam Nebuhkadneza hpe, “Madu hkawhkam prat ting asak galu nga u ga law!

Daniela 4:19

Dai aten hta, Belteshaza mying ai Daniela gaw hpa mung n lu tsun mat hkra grai hkrit kajawng mat wu ai. Hkawhkam wa chyawm gaw shi hpe, “Belteshaza e, yup mang hte de a lachyum majaw nang hpe n kajawng shangun u ga,” ngu nna tsun wu ai. Belteshaza mung, “Madu hkawhkam e, yup mang hte de a lachyum htai ai gaw nang hpe n rai; na a gumlau hpyen ni hta mahtang ta tut du wa na, ngai ra sharawng nngai.

Daniela 4:7

Dai hpang gumhpan hpan ai ni, mandan lakle sara ni, hpyi lamum sara ni hte lamu jan shata shagan yu maram chye ai sara ni shang wa ma ai shaloi, nye a yup mang tsun dan we ai; rai ti mung shanhte ngai hpe dai lam htai dan lu ma ai n rai.

Daniela 4:9

Gumhpan hpan sha ai ni a agyi Belteshaza e, chyoi pra ai karai ni a wenyi nang hta rawng nga ai rai nna makoi magap da ai amu yawng mayawng hpe nang chye na hkawn hkrang nga ndai gaw ngai chye nngai. Ndai gaw nye a yup mang rai nga ai. Ngai hpe de a lachyum tsun dan e.

Daniela 5:10

Hkawhkam wa hte shi a du magam ni tsun garu nga ai nsen hpe hkawhkam jan a kanu na ai shaloi, lusha gawk de shang wa wu ai. Shi gaw, “Madu hkawhkam gaw prat dingsa ahkrung nga u ga law! Grai wa hkum ung ang nga et, myi man grai wa hkum hten et.

Daniela 5:8

Hkawhkam wa a hpaji jaw masha ni shawng de sit sa wa ma ai, rai ti mung, kadai mung dai laika hpe n chye hti nga ai; de a lachyum hkawhkam wa hpe n htai dan lu ma ai.

Daniela 6:21

Daniela gaw, “Madu hkawhkam gaw htani htana hkrung nga u ga law!

Daniela 6:6

Dai rai nna shanhte gaw hkawhkam wa kaw sa du nna, “Hkawhkam Dari e, madu hkawhkam gaw htani htana ahkrung nga u ga law!

Daniela 6:7

Anhte yawng ngu na a hkawseng mungdan hpe up hkang nga ai-reng hkang ai ni, munggyi ni, mung du ni hte kaga du salang ni gaw nang madu hkawhkam wa kaw nna n hkan sa n mai re ai tara langai htuk shapraw ya mi ga, myit hkrum da saga ai. Dai gaw nang madu hkawhkam wa hta kaga karai kaw nna mung, masha kaw nna mung, ndai nhtoi sumshi ya laman, arai lama ma hpyi lajin na ahkang kadai hpe mung n lu jaw na lam hkang da u. Dai hkang da ai ga hpe tawt lai ai wa kadai mung hkanghkyi ni hte hpring nga ai nhkun kata de kabai bang ai hkrum lu na ra ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

1 SAMUELA 10:24

Samuela gaw amyu masha ni hpe, “Dai Madu lata la nu ai wa gaw nang e nga nga ai law! Shi hte bung ai wa kadai mung anhte a lapran e n nga ma ai,” ngu nna tsun wu ai. Shaloi amyu masha ni yawng gaw, “Hkawhkam wa asak galu u ga law!,” ngu nna jahtau tsun ma ai.