Daniela 2:3 - Jinghpaw Common Language Bible 2009

³ shi gaw shanhte hpe, “Ngai mu ai yup mang a majaw myit ru myit tsang nga nngai. De a lachyum hpa rai nga ai hpe ngai chye mayu nngai,” ngu nna tsun dan wu ai.

Jinghpaw Hanson Version Bible

³ Shaloi hkawhkam wa gaw, “Ngai yup mang mu ni ai; dai yup mang hpe chye lu hkra, ngai myit ung ang nga nngai,” ngu nna shanhte hpe tsun mu ai.

Daniela 2:3 Iomraidhean Croise

NINGPAWT NINGHPANG 40:8

Shan gaw, “An yup mang langai hpra mu ga ai. Rai ti mung, dai yup mang a lachyum hpa rai nga ai hpe htai dan lu na masha kadai mung ndai yang e n nga nga ai,” ngu nna htan mu ai. Yosep gaw, “Yup mang ni hpe htai na marai atsam ni hpe Karai Kasang jaw ya nga ai. Dai rai nna nan a yup mang ngai hpe tsun dan yu mi,” ngu nna tsun wu ai.

NINGPAWT NINGHPANG 41:15

Hkawhkam wa gaw shi hpe, “Ngai yup mang langai mu nngai, dai hpe kadai mung n htai lu ma ai. Nang chyawm gaw yup mang ni hpe htai ya lu nga ndai hpe ngai chye da ni ai,” ngu nna tsun wu ai.

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

Daniela 2:1

Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.