Daniela 2:21 - Jinghpaw Common Language Bible 2009

²¹ Shi gaw aten ahkying hte ladaw ni hpe hkang nga ai; shi gaw hkawhkam ni hpe hkaw dung shangun nna bai shayu kau nga ai; shi gaw hpaji byeng-ya hte chye na hkawn hkrang ai nyan jaw ya nga ai.

Jinghpaw Hanson Version Bible

²¹ Shi gaw ahkying aten hte, du hkra ladaw hpe galai nga ai; hkawhkam langai mi hpe shi shayu kau nna, hkawhkam kaga hpe shagrau shatsaw wu ai; hpaji rawng ai ni hpe hpaji, nyan rawng ai ni hpe chye chyang ai chyeju, shi jaw wu ai:

Daniela 2:21 Iomraidhean Croise

1 HKAWHKAM 10:24

Karai Kasang Shawlumon hpe jaw ya nu ai hpaji byeng-ya hpe sa madat hkam la na matu mungkan ga ting ra sharawng nga ma ai.

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

1 HKAWHKAM 4:29

Karai Kasang gaw Shawlumon hpe shadawn n lu hkra grai kaba nna laklai ai hpaji byeng-ya hte mahkra hpe dinghkren mu mada lu ai nyan hpaji hte machye machyang hpaji jaw ya nga ai.

1 HKAWHKAM LABAU 22:12

Shi a Tara hte maren, Israela mungdan hpe nang up hkang lu hkra, dai Madu na a Karai Kasang gaw nang hpe myit kraw hpaji hte hpaji byeng-ya jaw ya nga u ga law.

1 HKAWHKAM LABAU 29:30

Dai labau gawn laika gaw shi kaning rai up hkang ai, shi gade daram daru magam n-gun rawng ai, shi hta hkrum mahkrum mabyin lam yawng hte Israela mung hte grup yin mungdan ni hkan byin ai lam ni hpe ka da nga ai.

ESHTA 1:13

Ya chyawm gaw hkawhkam wa a htung lai nga ai hte maren, tara hte hkang da ai lam hte seng nna grau nna hpaji chye chyang ai ni hpe san yu na nga, kaning rai galaw ang ai amu a lam hpe chye na ai shi a hpaji jaw masha ni hpe shaga la wu ai.

YOBA 12:18

Shi gaw hkawhkam ni hpe tingnyang shayu nna, shanhte hpe bawng masha shatai nga ai;

PRU MAT 31:3

Ngai gaw shi hpe chye chyang ai nyan, kung kyang ai zai hpaji hte lata amu baw hkum sumhpa galaw lu ai atsam marai,

PRU MAT 31:6

Shi hte rau amu galaw na matu Dan amyu bawsang hta na Ahisamak a kasha Aholiaba hpe mung ngai lata da se ai; kaga kung kyang ai lata sama yawng hpe mung kaba ai marai atsam ngai jaw da se ai; shaloi shanhte gaw galaw na matu ngai hkang da ni ai,

Daniela 1:17

Karai Kasang gaw ndai shabrang mali hte hpe laili laika hta chye chyang kung kyang ai nyan hpaji hte sumru hpaji jaw ya wu ai. Dai sha n-ga, shi gaw Daniela hpe yup mang shingran amyu myu chye htai lu ai kung kyang ai nyan mung jaw ya wu ai.

Daniela 10:1

Persi Hkawseng Kuru gaw hkaw dung ai masum ning hta Belteshaza mying ai Daniela kaw mungga langai dan pru nga ai. Dai mungga gaw teng man nga ai, rai ti mung chye na na matu nachying yak la nga ai. Dai hpe shingran langai mi hta shi hpe tsun shaleng da nga ai.

Daniela 11:6

Shaning tsawmra mi na ai hpang, Egutu hkawhkam wa gaw Suri hkawhkam wa hte jinghku galaw nhtawm shi hpe shi a shayi sha jaw sha wu ai. Rai ti mung jinghku hku ai masa gaw na hkra grin na n rai; shi mung, shi a madu wa mung, shi a ma hte shi kaw hkan nang nga ai shangun ma ni yawng mayawng sat kau ai hkrum na mara ai.

Daniela 2:20

“Karai Kasang gaw hpaji rawng ai hte daru magam n-gun rawng nga a hka! Shi hpe htani htana shakawn kungdawn mu.

Daniela 2:23

Nye a kaji kawa ni a Karai Kasang e, ngai nang hpe shakawn kungdawn ai hte shagrau sha-a nngai. Nang gaw ngai hpe hpaji byeng-ya hte n-gun jaw ya nga nit dai; nang gaw nye a akyu hpyi ga hpe htan ya nga nit dai hte hkawhkam wa hpe kaning ngu tsun na mung anhte hpe madun dan nga nit dai.”

Daniela 4:14

Shi gaw nsen ja ja hte, ‘Hpun hpe kran kau nna de a lakung lakying ni hpe krum kau u; de a alap ni hpe ashin kau nhtawm asi ni hpe sharun ayai kau u. De a hpun npu hkan nga ai dusat ni hte lakung lakying hkan dung ai ntsa malen u ni hpe shaden kau u.

Daniela 4:17

Ndai gaw maja let sin yu nga ai lamu kasa ni a daw dan ai lam rai nga ai. Dai rai nna Tsaw Htum ai Karai Kasang gaw masha mungdan ni a ntsa e daru magam n-gun rawng nga ai mung, n ahkyak htum ai masha ni pyi shi lata la ai rai yang, dai ni hpe shi jaw ya nga ai lam mung, shara shagu hkan na masha ni chye la lu mu ga,’ ngu nna tsun ndau wu ai.

Daniela 4:22

“Madu hkawhkam e, nang gaw tsaw nna n-gun ja ai hpun rai nga ndai. Nang gaw grai galu kaba nga nit dai rai nna lamu de dep nga ndai. Na a daru magam n-gun gaw mungkan ga ting hpe ka-up da nga ai.

Daniela 4:32

Nang gaw shinggyim masha uhpung kaw na shaden kau hkrum ai hte matse labye dusat ni hte rau nga let sanit ning tup dumsu zawn tsingdu tsingman sha na rai ndai. Shaloi Tsaw Htum ai Karai Kasang gaw masha mungdan ni a ntsa e up ai daru magam n-gun lu nna shi lata san da ai kadai hpe mung shi jaw lu nga ai hpe nang yin la na rai ndai,” ngu nna sumsing lamu kaw na nsen ngoi pru nga ai.

Daniela 7:25

Shi gaw Tsaw Htum ai Karai Kasang hpe tsun ninghkap nna, Karai Kasang a amyu masha ni hpe dip gamyet kau na ra ai. Shi gaw shanhte a makam masham tara ni hte lusha poi ni hpe galai kau mayu na ra ai. Karai Kasang a amyu masha ni mung shi a daru magam n-gun npu hta masum ning jan taw nga na mara ai.

LUKA 21:15

Hpa majaw nga yang, nanhte tsun ai ga hpe nanhte a hpyen ni n lu dangrang, n lu tsun ninghkap hkra kaning ngu tsun na ngu ai ga ni hte nyan hpaji ngai nanhte hpe jaw na made ai.

ROMA 13:1

Shinggyim masha shagu gaw, daru magam ahkang aya lu ai mungdan up hkang ai ni a ga hpe madat mara nga mu ga, hpa majaw nga yang, ahkang aya lu ai ni mung, Karai Kasang kaw na ahkaw ahkang hte sha n rai yang n nga, n tsap lu ai. Ahkang aya hte nga nga ai ni hpe mung Karai Kasang e san da manu ai.

1 KORINHTU 1:30

Karai Kasang nanhte hpe Hkristu hte langai sha byin tai shangun manit dai rai nna, Karai Kasang gaw Hkristu hpe anhte a hpaji byeng-ya tai wa shangun sai. Shi a marang e Karai Kasang a man e ding hpring wa lu ga ai, Karai Kasang a chyoi pra ai amyu masha ni tai wa lu ga ai hte yubak mara kaw na raw dat ai hkrum lu saga ai.

YAKU 1:17

Mai kaja ai hte hkum tsup re ai chyeju kumhpaw kumhpa nlang hte gaw, sumsing nhtoi hkum ni hpan da ai hte ningsin hpe gale galau di nna n kayin shangun ai sumsing lamu e nga ai Karai Kasang kaw na yu wa sai rai nga ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

SHINGRAN 19:16

Shi a hpun palawng hte magyi hta, “Hkawhkam ni a Hkawhkam, madu ni a Madu,” nga nna ka kap da nga ai.