Daniela 2:2 - Jinghpaw Common Language Bible 2009

² dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Jinghpaw Hanson Version Bible

² Yup mang htai ya na matu, hkawhkam wa gaw, lakle sara ni, mandan bau ai ni, gumhpan hpan ai ni hte Hkalde sara ni hpe shaga la na, hkang da wu ai: shing rai shanhte sa shang nna, hkawhkam wa man e tsap nga ma ai.

Daniela 2:2 Iomraidhean Croise

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

ESHTA 1:13

Ya chyawm gaw hkawhkam wa a htung lai nga ai hte maren, tara hte hkang da ai lam hte seng nna grau nna hpaji chye chyang ai ni hpe san yu na nga, kaning rai galaw ang ai amu a lam hpe chye na ai shi a hpaji jaw masha ni hpe shaga la wu ai.

PRU MAT 7:11

Dai hpang hkawhkam wa gaw shi a hpaji chye ai masha ni hte mandan bau ai ni hpe shaga la nna shanhte a mandan lakle hpaji hte dai hte maren galaw ma ai.

ESAIA 19:3

Ngai gaw Egutu masha ni a hpaji daw maw mawn ai lam ni hte shanhte a myit jasat lam ni hpe jahten sharun kau ya na we ai. Shanhte gaw shanhte a hpara sumla ni hpe karum la na matu hpyi lajin wa na mara ai. Shanhte gaw nat myihtoi ni kaw sa du nna bawng ban jahkrup ai hte hpaji jaw ga a matu si mat sai ni a tsu minla hte ga shaga na lajin wa na mara ai.

ESAIA 8:19

Rai ti mung amyu masha ni gaw kadum kahte nga nna tsun ai mandan bau ai sara ni hte nat myihtoi ni kaw mandan ga hpyi san na matu nanhte hpe tsun na mara ai. Shanhte gaw, “Hpang jahtum e, amyu masha ni gaw wenyi minla ni kaw nat ga san mai ang ai hte hkrung nga ai ni a matu si mat sai ni hte tsun shaga san jahkrup nga ma ai,” ngu nna tsun na mara ai.

Daniela 1:20

Ndai marai mali gaw hkawhkam wa san ai kaning re ai ga san hpe mung, manghkang hpe mung shi a mungdan ting hta nga ai lakle sara ni hte mandan bau ai kadai hta mung htam shi grau nna chye nga ai.

Daniela 1:4

Shanhte gaw ahpraw tsawm ai hte hpaji byeng-ya chye chyang nna atsawm sha kung kyang ai hte chye chyang maka kumla pru nhtawm hkum hkrang ra rawng ai lam hpa mung n nga ai ni rai ma ai. Shanhte gaw hkawhkam wang hta daw jau na matu atsam marai rawng ai ni rai ma ai. Ashpena mung shanhte hpe Babelon ga chye hti, chye ka wa lu hkra sharin ya nga ai.

Daniela 2:10

Hpaji jaw ai ni chyawm gaw, “Madu hkawhkam wa nang chye mayu ai lam hpe tsun dan lu na masha ndai ga ntsa e, kadai mung n nga nga ai. Kaning san ai galu kaba htum ai hte daru magam n-gun ja htum ai hkawhkam wa pyi, gumhpan hpan ai ni, mandan sara ni hte hpyi lamum sara ni hpe ndai zawn nga nna n hpyi yu ma ai.

Daniela 2:27

Daniela chyawm gaw, “Madu hkawhkam wa e, dai lam nang hpe tsun dan lu na hpyi lamum sara, mandan sara, gumhpan hpan ai hte lakle sara kadai mung nga ai n rai.

Daniela 3:8

Dai hpang Babelon masha nkau mi gaw Yuda masha ni hpe jahpoi jahpyak na matu ahkaw ahkang la bang wa nga ma ai.

Daniela 4:3

“Karai Kasang anhte hpe madun dan ai mauhpa amu ni gaw kade wa galu kaba nga a hka! Shi galaw dan sai mauhpa lamik kumla ni kade sha hpung dagu rawng nga a hka! Karai Kasang gaw htani htana hkawhkam rai nga ai; shi gaw prat mi hte prat mi a up nga na ra ai.

Daniela 4:6

Dai yup mang a lachyum hpa rai nga ai lam ngai hpe tsun dan lu na matu Babelon mung na hpaji jaw masha mahkra hte hpe ngai hpang de woi jashawn sa wa na, ngai hkang dat we ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

1 SAMUELA 6:2

masha ni gaw hkinjawng ni hte mandan lakle sara ni hpe shaga la nhtawm, “Dai Madu a Ga Shaka Sumpu hpe anhte kaning di na rai nga ga ta? Shi a shara de bai nhtang dat dat ai rai yang, dai hpe anhte hpa hte dat dat na rai ga ta?,” ngu nna san ma ai.