Daniela 2:1 - Jinghpaw Common Language Bible 2009

¹ Nebuhkadneza hkaw dung ai lahkawng ning hta, shi yup mang mu wu ai. Dai gaw shi hpe grai wa myit sharu shatsang ya nga ai majaw shi n lu yup nga ai,

Jinghpaw Hanson Version Bible

¹ Nebuhkadneza gaw, shi hkaw dung ai ni ning hta e, yup mang mu nna, myit ung ang ai majaw, yup n lu sha nga ai.

Daniela 2:1 Iomraidhean Croise

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

YEREMIA 25:1

Yuda Hkawhkam Yoshia a kasha Yehoiakim hkaw dung ai mali ning ngu na shaning hta, Yuda amyu masha ni yawng hte seng ai dai Madu kaw na mungga ngai lu la nngai. (Dai gaw Babelon mung e Hkawhkam Nebuhkadneza hkaw dung ai nnan na shaning hta rai nga ai.)

Daniela 2:3

shi gaw shanhte hpe, “Ngai mu ai yup mang a majaw myit ru myit tsang nga nngai. De a lachyum hpa rai nga ai hpe ngai chye mayu nngai,” ngu nna tsun dan wu ai.

Daniela 4:2

Tsaw Htum ai Karai Kasang gaw ngai hpe madun dan sai mauhpa amu hte lamik kumla ni a lam madat yu mu.

Daniela 4:5

Rai ti mung ngai yup nga yang, hkrit kajawng shangun ai yup mang hte hkrit kahpra shangun ai shingran ni hpe mu nngai.

Daniela 5:9

Hkawhkam Belshaza myit ru myit yak hkrum mat ai hte myi man grau hten mat wa wu ai; shi a du magam ni hpa gan galaw na n chye myit mat ma ai.

Daniela 6:18

Dai hpang hkawhkam wa gaw shi a hkawhkam htingnu de nhtang mat wa nna, lana mi n lu yup ai sha nga shalai kau wu ai; shat lusha mung n sha, shangwi shapyaw ai lam hpa mung n hkam la nga wu ai.

Daniela 7:1

Babelon hkawhkam Belshaza hkaw dung ai shawng shaning hta, ngai gaw yup mang hte shingran hpe shana e mu nngai. Ngai gaw yup mang ka matsing da nngai, ndai gaw

Daniela 7:15

Ngai mu ai shingran ni gaw ngai hpe kajawng shangun nga ai, ngai gaw dik hkra myit ung ang ai hkrum mat nngai.