Daniela 12:2 - Jinghpaw Common Language Bible 2009

² Dai si mat masai masha law law mung bai hkrung wa na mara ai; nkau mi gaw htani htana asak a majaw kabu gara na mara ai; nkau mi gaw htani htana arawng hpoi myi man sum ai nni nkri hpe hkam sha na mara ai.

Jinghpaw Hanson Version Bible

² Ga nhpu hta yup pyaw nga ai ni law law wa, yup hprang na mara ai: nkau mi gaw htani htana asak lu la nna, nkau mi gaw htani htana kaya kahpa hte arawng hpoi ai hkrum na mara ai.

Daniela 12:2 Iomraidhean Croise

GA SHAGAWP 12:8

Nang zai byeng-ya hpaji hpe chye nga ai wa rai yang, shakawn shagrau ai nang hkrum na ndai; nang angawk ai wa rai yang chyawm gaw masha ni na a ntsa e yu kaji kau na mara ai.

ESAIA 26:19

Si mat sai anhte a amyu masha ni bai hkrung wa na mara ai! Shanhte a hkum hkrang ni hta asak bai rawng wa na ra ai. Shanhte a lup sung hku ni hta yup pyaw nga ai ni yawng hprang wa nna kabu gara mahkawn mangoi wa na mara ai. Htoi tu kabrim ai numri gaw ginding aga hpe n-gun awai ya ai zawn, dai Madu gaw moi chyaloi nhkoi kaw nna si mat sai ni hpe jahkrung la na ra ai.

ESAIA 66:24

“Shanhte pru sa wa yang, ngai hpe gumlau ai ni a moi mang ni hpe shanhte mu na mara ai. Dai ni hpe sha ai byet ni gaw galoi mung si htum mat na n rai, shanhte hpe hkru ai wan mung galoi mung kyip mat na ra ai n rai. Shanhte hpe mu ai lam gaw masha yawng mayawng a matu matsat shabat tai na ra ai.”

YEREMIA 20:11

Rai ti mung, Madu e, nang gaw n-gun ja ai hte n-gun chyalai rawng nga ndai rai nna ngai hpang maga de nga nga ndai, ngai hpe zingri zingrat ai ni sum mat na mara ai. Shanhte n dang lu nga ma ai majaw, htani htana kaya hkrum na mara ai. Shanhte a kaya hkrum ai lam gaw galoi mung malap kau lu na ra ai n rai.

EZEKELA 37:12

Dai rai nna, nye a amyu masha Israela ni hpe myihtoi htoi nna, Tsaw Htum ai dai Madu ngai nan shanhte a lup ni hpe hpaw nna shapraw la nhtawm, Israela mungdan de bai woi nhtang wa na lam, shanhte hpe htawn tsun u.

HOSEA 13:14

Ndai amyu masha ni hpe katsan ga kaw nna hkye la na n rai; si du a lata kaw nna mung shanhte hpe mawai la na n rai. Sidu e, na a ana zinli woi shapraw dat u! Katsan ga e, na a hten byak lam shapraw dat u! Ndai amyu masha ni hpe ngai galoi mung matsan yu dum na nngai n rai.

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

KASA 24:15

Shanhte myit mada ai hte maren ngai mung kaja ai ni mi da, n kaja ai ni mi da, si ai kaw na bai hkrung rawt wa na mara ai ngu nna Karai Kasang hta myit mada nga nngai.

KASA 7:60

Bai hput di let, “Madu e ndai mara shanhte hpe hkum shagun ya et,” nga nna nsen kaba hte jahtau wu ai, dai tsun ngut jang shi nsa hti mat ai.

ROMA 9:21

Dibu sama wa gaw kagam ga hpe shi ra ai hku galaw na ahkaw ahkang shi lu da wu ai rai nna ga gumdin langai sha hta na chyen mi hpe ahkyak ai poi shingra ni hta lang na dibu kaja, bai chyen mi hpe yu maya shara hta lang na matu dibu galaw lu ai n rai ni?

1 HTESALONI 4:14

Madu Yesu gaw si mat nna bai hkrung rawt wa ai hpe anhte kam nga ga yang gaw, Yesu hpe kam sham nna si mat wa ai ni hpe mung Karai Kasang gaw Yesu hte rau shi hpang de woi wa na maru ai ngu nna anhte kam sham ga ai.

SHINGRAN 20:12

Si mat wa sai ni mung, kaji kaba n nga, tingnyang a man e tsap nga ma ai hpe ngai mu nngai. Laika ni hpe hpaw tawn nga ai. Asak laika ngu ai kaga Laika hpe mung hpaw tawn nga ai. Si mat wa sai ni gaw, shanhte galaw lai wa sai amu hte maren, laika ni hta ka da nga ai hta hkan nna tara daw dan ai hkrum ma ai.)