Daniela 10:9 - Jinghpaw Common Language Bible 2009

⁹ Ngai gaw shi a nsen hpe na ai shaloi, ngai gaw n dum mat hkra ga e kadawng taw mat ai hte dai yang e gum dagup nga nngai.

Jinghpaw Hanson Version Bible

⁹ Rai timung, dai wa a nsen hpe ngai na nngai; ya shiga tsun ai nsen ngai na yang, ngai ga de gum dagup nna, nawng mat nga nngai.

Daniela 10:9 Iomraidhean Croise

NINGPAWT NINGHPANG 15:12

Jan shang wa jang, Abram gaw n dum mat hkra yup nga ai rai nna ja ja hkrit gari mat wu ai.

NINGPAWT NINGHPANG 2:21

Dai hpang dai Madu Karai Kasang gaw dai masha wa hpe yup kaba hte yup shangun nna, shi yup nga yang, dai masha wa a garep nra langai mi hpe shi shaw la nhtawm, ashan hte bai shatup ya wu ai.

YOBA 33:15

Masha ni shana e yup nga yang, Karai Kasang gaw yup mang hte shingran ni hta ga sa shaga nga ai.

YOBA 4:13

Dai gaw ngai yup pyaw nga yang yup dip zawn ngai hpe sharu shatsang nga ai.

Shawlumon A Mahkawn Ga 5:2

Ngai yup pyaw nga yang, nye a myit masin hprang nga li ai. Chyinghka akawk nga ai nye a tsaw ra wa hpe ngai yup mang mu nngai. Nye a tsaw, nye a nja jan hte nye a hkrudu e, ngai shang wa n-ga. Nye a baw gaw numri hte madi nga ai; nye a kara mung saiwan hte bam nga ai.

Daniela 10:16

Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Daniela 8:18

Shi ga shaga nga yang, ngai gaw ga e kadawng taw mat nna, n dum mat nngai. Rai ti mung shi ngai hpe sa jum nna rawt tsap shangun let,

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

LUKA 22:45

Akyu hpyi ai kaw na rawt nna sape ni kaw wa yu yang, shanhte gaw myit yawn myit ba mat ai hte yup nga ma ai hpe wa mu wu ai.

LUKA 9:32

Petru hte shi a manang yan gaw yup shamwi taw nga ma ai, rai ti mung, dum hprang wa yu yang, shi a hpung shingkang hte shi hte rau tsap nga ai masha lahkawng hpe mu ma ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.