Daniela 10:8 - Jinghpaw Common Language Bible 2009

⁸ Ngai chyu sha dai yang e ngam nga nna dai mauhpa shingran hpe mada yu nga nngai. Ngai mung n-gun n rawng mat ai hte myi man nsam grai shai mat ai majaw kadai mung ngai hpe n lu yu matsing ma ai.

Jinghpaw Hanson Version Bible

⁸ Shing rai ngai hkrai hti nga nna, dai shingran kaba hpe mu ai majaw, gawng kya nngai; nye a myi man mung sum wa nna, hpa n-gun n rawng nngai.

Daniela 10:8 Iomraidhean Croise

NINGPAWT NINGHPANG 32:31

Hpeniela shara na Yaku pru wa yang, jan pru sai. Shi a dangbau a majaw shi a lagaw layawt mat wu ai.

PRU MAT 3:3

Shi gaw, “Ndai gaw lak lai ai lama mi she rai nga ai. Hpa a majaw dai sumwum n hkru mat ai kun? Ngai gaw dai de shanang sa nna mada yu na we ai,” ngu nna myit yu wu ai.

Daniela 10:16

Dai hpang masha zawn rai nga ai lamu kasa gaw shi a lata lalam dat nhtawm nye a nten hpe ahtawk ya nga ai. Shaloi ngai gaw shi hpe, “Madu e, ndai shingran gaw ngai hpe grai n-gun kya kau shangun nga ai rai nna hkrit gari nga ai hpe ngai n jahkring da lu nngai.

Daniela 10:17

Ngai gaw mayam langai mi shi a madu a man e tsap nga ai zawn rai nga nngai. Ngai nang hpe kaning rai ga tsun lu na rai ta? Ngai n-gun n rawng nngai, ngai hta nsoi nsa mung htum mat sali ai,” ngu nna tsun we ai.

Daniela 7:28

Da ndai gaw byin mabyin a hpang jahtum na lam rai nga ai. Ngai gaw grai hkrit kajawng mat ai hte myi man hten mat nngai; ngai gaw lam magup hte hpe nye a kraw e matsing da nngai.

Daniela 8:27

Ngai gaw myit hten mat ai hte nhtoi law law machyi hkrum nga nngai. Dai hpang ngai bai rawt nna hkawhkam wa ngai hpe lit jaw ai amu de nhtang sa mat wa nngai; rai ti mung dai shingran a majaw ngai mau ung ang ai hte dai hpe n chye na lu nngai.

Daniela 8:7

Ngai gaw sagu la hpe htim gasat nga ai hpe yu nngai. Shi gaw masin grai pawt ai rai nna shi hpe daru anyawp kau ai hte nrung lahkawng daw agrawp mat nga ai. Sagu la mung shi hpe hkap daw na n-gun n rawng nga ai. Shi mung ga de kadawng mat ai hte kabye anut kau hkrum nga ai; dai yang e shi hpe kadai e mung n hkye la lu nga ai.

HABAKU 3:16

Ngai gaw dai amu ni yawng a lam na nngai, ngai hkrit gari nga nngai; nye a nten ni hkrit ai hte gari ashun nga li ai. Nye a hkum gayaw hten htu nga ai, nye a lagaw ahtu kataw nga ai. Karai Kasang gaw anhte hpe gasat ai ni hpe ari jaw na ra ai shaloi, ngai gaw dai aten du wa na hpe atsin sha ala nga na nngai.

MAHTE 17:6

Sape ni dai hpe na jang, shanhte nachying hkrit gari mat nna, shanhte a myi man ga de dagup nga ma ai.

MARKU 9:6

Shi hte manang yan grai hkrit kahpra nga ma ai majaw, shi hpa tsun na n chye mat wu ai rai nna, shing ngu tsun dat wu ai.

YAWHAN 16:32

Yu mu, nanhte yawng bra mat nna, langai hte langai tinang a nta de wa mat nhtawm, ngai hpe hkrai sha kau da na ahkying gaw du wa ra ai rai nna, ya pyi du ra ai. Rai ti mung ngai gaw kaja wa ngai hkrai sha rai nga nngai n rai, hpa majaw nga yang Wa gaw ngai hte rau rai nga ai.

2 KORINHTU 12:7

Ngai mu lu ai jahtum chyalai mau hpa shingran a majaw ngai hta myit kaba gumrawng ai lam n nga u ga, nye a hkum shan hta ju machyi ai lam langai mi hkam sha nga nngai. Dai machyi ai lam gaw Satan wa e shangun dat ai kasa wa zawn ngai hpe abyen nna nye a gumrawng ai kawng hpe daw kau ya nga ai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.