Daniela 10:6 - Jinghpaw Common Language Bible 2009

⁶ Shi a hkum gaw lung seng zawn htoi leng nga ai. Shi a myi man mung myihprap wan zawn htoi gala nga nna shi a myi ni wan zawn grung nga ai. Shi a lahpum hte lagaw ni gaw kabrim ai magri zawn htoi leng ai hte shi a nsen mung shawa wunawng wuwa a shabam ai nsen hte bung nga ai.

Jinghpaw Hanson Version Bible

⁶ shi a hkum gaw mek-yoi, shi a myi man gaw myihprap, shi a myi gaw wan shanan, shi a lagaw lata kabrim ai magri zawn rai nga nna, shi shaga ai nsen gaw, wunawng wuwa a nsen hte bung nga ai.

Daniela 10:6 Iomraidhean Croise

PRU MAT 28:20

mali ngu na lam hta myek-yoi, unuk hte nagahtoi ni rai na rai nga ai. Dai ni hpe ja hkalawk hta bang da na rai nga ai.

Shawlumon A Mahkawn Ga 5:14

Shi a lata ni gaw hkrang tsawm nga ai, shi gaw ja lung seng ni hte hkrep da ai lachyawp ni chyawp da nga ai. Shi a hkum hkrang gaw pri tsawm ai magwi kawng hte bung nga ai; dai hta nila ni hte sup da nga ai.

EZEKELA 1:14

Dai dusat ni gaw shanhte hkum hpe myi hprap wan gala ai daram lawan ai hku shawng de, hpang de akajawng sha kagat sa ma ai.

EZEKELA 1:16

Dai leng dingsen mali hte gaw maren bung nga ai; langai hte langai gaw manu dan nlung zawn htoi tu nga ai, dingsen kata e dingsen chyai ai zawn bang da nga ai,

EZEKELA 1:24

Shanhte pyen hkawm wa ai shaloi, dai singkaw a ngoi wu ai nsen gaw panglai hka wu kadu ai nsen zawn mung, hpyen luksuk kaba jahtau garu ai nsen zawn mung, Chyahtum Chyalai N-gun Rawng Ai Karai Kasang a nsen zawn nga nna wu kadu ai nsen hpe ngai na nngai; shanhte gaw pyen ai kaw na hkring ai shaloi, shanhte a singkaw ni hpe gumba bang da nga ma ai.

EZEKELA 1:7

Shanhte a lagaw ni malang nga ai, shanhte a lahkru ni gaw dumsu usu lahkru zawn rai nga ai. Shanhte gaw arut shatsawm tawn ai magri mang zawn htoi kabrim nga ai.

EZEKELA 10:9

Ngai gaw hkrung kanu shagu a makau e yawng maren bung ai leng dingsen mali nga nna dai leng dingsen langai gaw hkrung kanu shagu a makau e nga nga ai hpe mu nngai. Dai leng dingsen ni gaw manu dan ai nlung ni zawn htoi tu ai hte, dingsen kata shagu hta kaga dingsen langai chyai nga ai.

EZEKELA 40:3

Shi gaw ngai hpe grau ni htep hkra woi wa ai rai nna, dai yang e magri mang zawn htoi gala ai masha langai mi hpe ngai mu nngai. Dai wa gaw lachyit sumri hte shadawn ningren lang nna, chyinghka lam makau e tsap nga ai.

EZEKELA 8:2

Ngai sharawt mada yu ai shaloi, wan nsan ai shinggyim hkum hkrang a shingran hpe ngai mu nngai. Nshang kaw na lawu daw de wan nsan ai zawn rai nga nna, nshang a lahta daw de arut shatsawm tawn ai magri mang zawn tu kabrim nga ai.

MAHTE 17:2

Shaloi, shanhte a man e shi a ahpraw nsam galai mat wa ai hte, shi a myi man gaw, jan zawn htoi kabrim wa nna, shi a hpun palawng ni nhtoi zawn hpraw tu wa lu ai.

MAHTE 28:3

Shi a hpraw nsam myihprap zawn rai nga nna, shi a hpun palawng ni gaw hkyen zawn hpraw nga lu ai.

LUKA 9:29

Shi akyu hpyi nga yang, shi a myi man ahpraw nsam galai nna, shi a hpun palawng ni mung hpraw tu ai hte kabrim kabram rai wa lu ai.

SHINGRAN 10:1

Dai hpang, n-gun ja ai lamu kasa kaga langai mi sumsing lamu de nna yu hkrat wa ai hpe ngai mu nngai. Shi gaw sumwi hpe bu hpun nna shi a baw grup yin n-goi latum jung nga ai, shi a myi man gaw jan hte bung nga ai, shi a lagaw wan shadaw zawn rai nga ai.

SHINGRAN 19:12

Shi a myi ni gaw wan shinglet zawn tu nga ai. Shi a baw hta janmau law law gup da nga ai. Shi hta lai nna kadai mung n chye ya lu ai mying shi a ntsa e ka kap da nga ai.

SHINGRAN 2:18

“Htuatira mare na hpung a lamu kasa hpe ning ngu ka dat u: “Ndai gaw, wan shinglet zawn tu ala ai myi hte, arut shatsawm tawn ai magri htoi zawn san ai lagaw tu ai Karai Kasang a kasha kaw na mungga rai nga ai.

SHINGRAN 21:20

manga ngu na gaw chyawng, kru ngu na gaw patamya, sanit ngu na gaw seng mut, matsat ngu na gaw myek-yoi, jahku ngu na gaw utahpaya, shi ngu na gaw Mahoya tsit, shi langai ngu na wakintu, shi lahkawng ngu na htitun nila ni rai nga ma ai.