Daniela 10:3 - Jinghpaw Common Language Bible 2009

³ Ngai chyawm gaw bat masum lai mat wa hkra, mu mai ai lusha hte ashan hpa mung n sha, sabyi ntsin n lu ai hte kara n masit nngai.

Jinghpaw Hanson Version Bible

³ Ndai nhtoi bat masum gu wa ai du hkra, ngai gaw dwi ai muk n sha, ashan hte tsabyi jahku hpe n chyim yu ai hte, nye hkum hpe sau chya ai n rai.

Daniela 10:3 Iomraidhean Croise

2 SAMUELA 19:24

Dai hpang Shawlu a kashu Mehpiboshet mung hkawhkam wa hpe tau la na nga yu sa wa ai. Shi gaw hkawhkam wa Yerusalem mare kaw nna pru mat wa ai aten kaw nna awng padang hte bai nhtang wa ai aten du hkra, lagaw n shin, nhka mun n ahkut, hpun palawng n hkrut ai sha nga nga wu ai.

YOBA 33:20

Machyi makaw hkrum ai ni gaw lusha n-gup n hpaw nga ma ai; kaja htum ai lusha hpe pyi yu matsat nga ma ai.

Daniela 10:12

Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

Daniela 11:8

Shi gaw shanhte jaw da ai karai sumla ni hte dai karai ni hpe ap nawng ya ai aja gumhpraw arai ni hpe Egutu mung de htaw mat wa na mara ai. Ngwi pyaw sim sa ai lam nga ai shaning ram ram na ai hpang,

Daniela 6:18

Dai hpang hkawhkam wa gaw shi a hkawhkam htingnu de nhtang mat wa nna, lana mi n lu yup ai sha nga shalai kau wu ai; shat lusha mung n sha, shangwi shapyaw ai lam hpa mung n hkam la nga wu ai.

AMO LAIKA (AMOS) 5:11

Nanhte gaw matsan mayan masha ni hpe dip gamyet sha nna shanhte a nsi naisi ni kashun la kau ya nga myit dai majaw, nanhte gaw gap da ai tsawm ai nlung wahpang nta ni hta nga lu na myit dai n rai, nanhte hkai da ai tsawm la ai sabyi sun kata kaw na sabyi ntsin lu lu na myit dai n rai.

NAHUM 2:9

Gumhpraw kashun la mu! Ja kashun la mu! Ndai mare gaw sut gan hte hpring nga ai!

MAHTE 6:17

Nang mahtang lusha gam n-yang gaw, na a myi man myit kau nna, na a kara sau chya nna masit kau u.

LUKA 7:46

Nye a baw hpe tsanlun sau n chya ya ndai; shi chyawm gaw nye a lagaw hpe mura chya ya ni ai.

1 KORINHTU 9:27

Ngai gaw masha kaga hpe shingjawng poi hta lawm na matu saw shaga ngut ai hpang, tinang hkum nan madang n dep ai majaw, lata kau ai n hkrum u ga, nye a hkum hpe ra ai hte maren jai lang lu na matu tsep kawp up hkang kau lu hkra htwi ahkak shaja la we ai.