Daniela 10:12 - Jinghpaw Common Language Bible 2009

¹² Dai hpang shi gaw, “Daniela e, hkum hkrit et. Karai Kasang gaw chye na hkawn hkrang ai lam hkam la na hte nang hkum nan shagrit shanem na matu nang daw dan ai shawng shani kaw nna pyi na a akyu hpyi ga hpe na ya nit dai; Na a akyu hpyi ga hpe htan ya na, ngai du sa nngai.

Jinghpaw Hanson Version Bible

¹² Shaloi shi gaw, “Daniela e, hkum hkrit et; chye na lu na matu mung, na a Karai Kasang man e na a myit shanem na matu mung, nang myit shada da ai shawng shani kaw nna, na a ga hpe na la lu ai: na a ga majaw mung, ngai du ni ai.

Daniela 10:12 Iomraidhean Croise

SHAKAWN KUNGDAWN 69:10

Lusha gam let nye hkum ngai shagrit shanem kau ai shaloi, masha ni ngai hpe n kaw n law di nga ma ai.

ESAIA 35:4

Myit daw nga ai masha shagu hte hpe, “N-gun shaja u, hkum hkrit et! Karai Kasang gaw nang hpe hkye mawai la na du sa nga ai, na a gumlau hpyen ni hpe ari jaw na matu du sa nga ai,” ngu nna tsun mu.

ESAIA 41:10

Hkum hkrit et-Ngai nang hte rau rai nga nngai! Ngai gaw na a Karai Kasang rai nga nngai-nang hpe hpa mung n jahkrit shama u ga! Ngai gaw nang hpe n-gun shaja ya ai hte karum la na nngai; Ngai gaw nang hpe makawp maga ai hte hkye la na nngai.

ESAIA 41:14

Dai Madu gaw, “Israela e, nang gaw kaji ai hte n-gun kya nga ndai, hkum hkrit et, ngai nang hpe karum na nngai. Israela a chyoi pra ai Karai Kasang Ngai gaw nang hpe hkye la ai wa rai nga nngai.

ESAIA 58:9

Nang akyu hpyi ai shaloi, ngai nang hpe htan ya na nngai. Nang ngai hpe shaga ai shaloi, ngai htang shana na nngai. “Dip gamyet sha hkrum ai lam, n kaw n law re ai lai kumla shagu, hte n hkru ai n-gup aga shagu hpe nang jahtum kau nna,

ESAIA 65:24

Shanhte ngai kaw akyu hpyi ai ga garai n htum yang pyi, ngai gaw shanhte a akyu hpyi ga ni hpe htan ya na nngai.

Daniela 10:11

Dai lamu kasa gaw ngai hpe, “Daniela e, Karai Kasang nang hpe tsaw ra nga ai majaw rawt tsap let ngai tsun dan na ga hpe sadi sahka hte madat la u. Ngai hpe nang hpang de shangun dat ai,” ngu nna tsun wu ai. Dai lam hpe shi tsun nga yang, ngai rawt tsap nga tim pyi naw gari ashun nga nngai.

Daniela 10:19

Shi gaw, “Karai Kasang nang hpe tsaw ra nga ai majaw nang hpe hpa mung myit ru shangun na n rai; nang hpe jahkrit shama na n rai,” ngu nna tsun wu ai. Shi dai zawn nga nna tsun jang, ngai hta n-gun ja wa ai zawn hkam sha nna, “Madu e, nang hpa tsun ra ai lam ngai hpe tsun dan e. Nang gaw ngai hpe grau kaja hkra hkam, sha shangun nit dai,” ngu nna tsun nngai.

JAW JAU 16:29

Ndai gaw prat mi hte prat mi hkan galaw na tara ni rai nga ai. Shata sanit a nhtoi shi ya shani e, Israela amyu masha ni hte shanhte kaw hkan nga ai maigan masha ni gaw amu bungli hpa mung n galaw ai sha lusha gam lu na rai ma ai.

JAW JAU 16:31

Dai shani gaw chyoi pra htum ai shani rai nna amu bungli hpa mung n galaw ai sha, lusha gam na rai ma ai. Ndai ni gaw prat mi hte prat mi hkan sa na tara ni rai nga ai.

BU HKAWM 29:7

Shata sanit a nhtoi shi ya shani e, nawku hpawng galaw na rai myit dai; dai shani e lusha hpa mung n sha ai hte amu bungli n galaw na rai myit dai.

MAHTE 28:10

Yesu gaw, “Hkum hkrit myit, nanhte sa nna, nye a hpu nau ni hpe Galile mung de sa wa na matu tsun mu; dai yang e shanhte ngai hte mu hkrum na mara ai,” ngu mu ai.

MAHTE 28:5

Dai lamu kasa mahtang numsha yan hpe tsun mu ai gaw, “Nan hkum hkrit myit, wudang hta jen da sai Yesu hpe, nan tam nga myit dai hpe ngai chye nga nngai.

MARKU 16:6

Shi gaw, “Hkum hkrit kajawng myit, wudang hta jen da sai Nazaret wa Yesu hpe nanhte tam nga myit dai hpe ngai chye nga nngai. Shi nang e n nga sai, shi gaw si ai kaw na hkrung rawt wa sai! Yu mu, ndai kaw shanhte shi hpe bang da ma ai.

LUKA 1:13

Rai ti mung, dai lamu kasa tsun ai gaw, “Zahkaria e, hkum hkrit et; Karai Kasang gaw na a akyu hpyi ai ga hpe madat ya nit dai rai nna, na madu jan Elisabet gaw shadang sha langai mi shangai na ra ai, nang shi hpe Yawhan ngu nna shamying ya na rai ndai.

LUKA 1:30

Shaloi dai lamu kasa gaw, “Mari e, hkum hkrit et, nang Karai Kasang a man e myi man pa nit dai.

LUKA 2:10

Rai ti mung, lamu kasa gaw, “Hkum hkrit myit! Masha nlang a matu nachying kabu gara mai ai shi ga ngai nanhte kaw gun sa ring ngai.

LUKA 24:38

Rai ti mung shi gaw, “Nanhte hpa rai kajawng nga myit ta? Hpa rai nanhte a myit ni hta ung ang ai lam ni pru wa nga malit ta?

KASA 27:24

‘Pawlu e, hkum hkrit e! Hkawseng Kehta a man e nang tsap lu na rin dai; Karai Kasang gaw nang hpe matsan dum nga ai rai nna, nang hte rau ndai sanghpaw li hta jawn ai ni yawng a asak sum shangun na ra ai n rai,’ nga nna ngai hpe tsun sai.

SHINGRAN 1:17

Dai wa hpe ngai mu jang, shi a lagaw nhpang e si ai wa zawn ngai kadawng taw mat nngai. Shi gaw shi a hkra lata nye a ntsa e mara ya nna, “Hkum hkrit et! Ngai gaw ningshawng wa mung, jahtum wa mung rai nga nngai.