Daniela 1:4 - Jinghpaw Common Language Bible 2009

⁴ Shanhte gaw ahpraw tsawm ai hte hpaji byeng-ya chye chyang nna atsawm sha kung kyang ai hte chye chyang maka kumla pru nhtawm hkum hkrang ra rawng ai lam hpa mung n nga ai ni rai ma ai. Shanhte gaw hkawhkam wang hta daw jau na matu atsam marai rawng ai ni rai ma ai. Ashpena mung shanhte hpe Babelon ga chye hti, chye ka wa lu hkra sharin ya nga ai.

Jinghpaw Hanson Version Bible

⁴ hkawhkam amyu hta na mung, arawng lu ai ni hta na mung, lata la nhtawm, Hkalde masha ni a laika hte tsun ai ga, shanhte hpe sharin achyin ya na lam, shi hpe hkang da wu ai.

Daniela 1:4 Iomraidhean Croise

2 SAMUELA 14:25

Israela amyu hta Absalom zawn ahpraw tsawm nna mying gumhkawng ai masha langai mi mung n nga nga ai. Shi gaw abaw kaw nna lagaw hkren ra rawng ai lam hpa mung n nga ai wa rai nga ai.

GA SHAGAWP 22:29

Bungli galaw kangka ai masha ngai hpe madun dan e; shaloi, hkawhkam ni a manang tai ging ai hte kaga ni law law hta kaja htum ai wa hpe nang hpe madun na nngai.

HPAJI NINGLI 7:19

Mare langai a matu up hkang du marai shi jawm galaw lu ai amu hta hpaji byeng-ya rawng ai marai langai mi gaw grau nna galaw lu nga ai.

ESAIA 36:11

Dai hpang Eliakim, Shebna hte Yoa ni gaw hpyen du wa hpe, “Anhte hpe Aramik ga hte shaga mi. Anhte dai ga chye na ga ai. Hebre ga hte hkum shaga mi; bunghku ntsa e nga nga ai ni yawng madat nga ma ai,” ngu nna tsun ma ai.

YEREMIA 5:15

Israela amyu masha ni e, dai Madu gaw nang hpe gasat na matu sumtsan mung kaw na masha amyu baw langai mi hpe woi wa nga ai. Dai ni gaw n-gun atsam rawng ai hte moi chyaloi nhkoi na amyu rai nna dai ni a ga hpe nang n chye na nga ndai.

Daniela 2:10

Hpaji jaw ai ni chyawm gaw, “Madu hkawhkam wa nang chye mayu ai lam hpe tsun dan lu na masha ndai ga ntsa e, kadai mung n nga nga ai. Kaning san ai galu kaba htum ai hte daru magam n-gun ja htum ai hkawhkam wa pyi, gumhpan hpan ai ni, mandan sara ni hte hpyi lamum sara ni hpe ndai zawn nga nna n hpyi yu ma ai.

Daniela 2:2

dai rai nna shi gaw shi a yup mang sa htai ya na matu, gumhpan hpan ai ni, mandan sara ni, lakle sara ni hte hpyi lamum sara ni hpe shaga dat wu ai. Shanhte gaw hkawhkam wa a man e sa tsap shajang nga ma yang,

Daniela 3:8

Dai hpang Babelon masha nkau mi gaw Yuda masha ni hpe jahpoi jahpyak na matu ahkaw ahkang la bang wa nga ma ai.

Daniela 4:7

Dai hpang gumhpan hpan ai ni, mandan lakle sara ni, hpyi lamum sara ni hte lamu jan shata shagan yu maram chye ai sara ni shang wa ma ai shaloi, nye a yup mang tsun dan we ai; rai ti mung shanhte ngai hpe dai lam htai dan lu ma ai n rai.

Daniela 5:11

Chyoi pra ai karai ni a wenyi rawng ai wa langai mi na a mungdan hta nga nga ai. Na nwa hkawhkam galaw nga yang, ndai masha wa gaw karai ni a hpaji hte bung ai mai kaja ai nyan, machye machyang hpaji hte hpaji byeng-ya madun dan nga ai. Na nwa Hkawhkam Nebuhkadneza chyawm gaw shi hpe gumhpan hpan ai ni, mandan lakle sara ni, hpyi lamum sara ni hte jan shata shagan yu ai sara ni a hpa-awn shatai da nga ai.

Daniela 5:7

Shi gaw gumhpan hpan ai ni, hpyi lamum sara ni hte jan shata shagan yu ai ni hpe jashawn la na matu marai langai ngai hpe jahtau tsun wu ai. Shanhte du shang wa ai shaloi, hkawhkam wa gaw shanhte hpe, “Ya ndai ka da ai lam hte de a lachyum htai dan lu ai wa kadai hpe mung shaba pu nsam rawng ai hkawhkam wa a palawng galu hpun lu nna shi a du grup grup hta shagrau sha-a ai ja kachyi gali lu nhtawm ndai mungdan hta masum ngu na daru magam n-gun rawng htum ai wa tai lu na rai nga ai,” ngu nna tsun wu ai.

Daniela 9:1

Ahasuru a kasha Medi masha Dari gaw Babelon mungdan hpe up nga ai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

KASA 7:20

Dai aten hte yang Mawshe shangai wa ai rai nna shi gaw ahpraw nsam grai tsawm ai ma rai nga ai. Shata masum tup nta e bau maka da ai hkrum wu ai,

KASA 7:22

Mawshe mung Egutu hpaji yawng sharin la nna, mungga hte marai grai rawng ai masha kaba langai mi tai wa sai.

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

TARA AGYI 8:18

Dai hpang Gidon mung Zeba yan Zalmuna hpe, “Tabora e nan sat kau ai masha ni gaw kaning san ai ni rai ma ta?,” ngu nna san yu wu ai. Shaloi shan gaw, “Shanhte gaw nang zawn re ai hkrai rai ma ai. Shanhte langai hte langai mung hkawhkam kasha zawn rai ma ai,” ngu nna htan ma ai.